ಇಂಗ್ಲೆಂಡ್​ ಆಫ್ರಿಕಾ 2ನೇ ಟೆಸ್ಟ್​: ಇಂಗ್ಲೆಂಡ್​ನ ಸ್ಟೋಕ್ಸ್​, ಫೋಕ್ಸ್​ ಶತಕ

ಮೊದಲ ಟೆಸ್ಟ್​ನಲ್ಲಿ ಇನಿಂಗ್ಸ್ ಸೋಲಿನ ಬಳಿಕ ಮೈ ಕೊಡವಿದ ಇಂಗ್ಲೆಂಡ್​, ದಕ್ಷಿಣ ಆಫ್ರಿಕಾ ವಿರುದ್ಧ ಇನಿಂಗ್ಸ್​ ಗೆಲುವಿನತ್ತ ಮುಖಮಾಡಿದೆ. ಮೊದಲ ಇನಿಂಗ್ಸ್​ನಲ್ಲಿ 415 ರನ್​ ಗಳಿಸಿ ಡಿಕ್ಲೇರ್​ ಮಾಡಿಕೊಂಡಿತು. ಹರಿಣಗಳನ್ನು ಪ್ರಥಮ ಇನಿಂಗ್ಸ್​ನಲ್ಲಿ 151 ರನ್​ಗೆ ಆಲೌಟ್​ ಮಾಡಿದೆ.

ಮ್ಯಾಂಚೆಸ್ಟರ್​: ಇಂಗ್ಲೆಂಡ್​ ವಿರುದ್ಧ ಇಲ್ಲಿ ನಡೆಯುತ್ತಿರುವ 2ನೇ ಟೆಸ್ಟ್​ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಎರಡನೇ ದಿನದಲ್ಲಿಯೇ ಸೋಲಿನ ಸುಳಿಗೆ ಸಿಲುಕಿದೆ. ಇಂಗ್ಲೆಂಡ್​ನ ಮೊದಲ ಇನಿಂಗ್ಸ್​ನ 415 ರನ್​ಗಳ ಗುರಿ ಬೆನ್ನಟ್ಟಿ 151 ರನ್​ಗೆ ಆಲೌಟ್​ ಆಯಿತು. ಬಳಿಕ 2ನೇ ಇನಿಂಗ್ಸ್ ಆರಂಭಿಸಿದ್ದು ವಿಕೆಟ್​ ನಷ್ಟವಿಲ್ಲದೇ 23 ರನ್​ ಗಳಿಸಿದೆ.

ಮೊದಲ ಇನಿಂಗ್ಸ್​ ಪತನ: ಟಾಸ್​ ಗೆದ್ದು ಬ್ಯಾಟಿಂಗ್​ಗೆ ಇಳಿದ ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್​ನ ಅವಳಿ ಬೌಲರ್​ಗಳಾದ ಸ್ಟುವರ್ಟ್​ ಬ್ರಾಡ್​ ಮತ್ತು ಜೇಮ್ಸ್​ ಆ್ಯಂಡರ್​ಸನ್​ರ ದಾಳಿಗೆ ಸಿಲುಕಿ 53 ಓವರ್​ಗಳಲ್ಲಿ 151 ರನ್​ಗಳಿಸಿ ಮೊದಲ ಇನಿಂಗ್ಸ್​ನಲ್ಲಿ ಪತನ ಹೊಂದಿತು.

• Another day that has belonged to England 👊#WTC23 | #ENGvSA | Scorecard: https://t.co/cBe15RhzM9 pic.twitter.com/ToJxLFRo4X

  — ICC (@ICC) August 26, 2022 " class="align-text-top noRightClick twitterSection" data="

  Another day that has belonged to England 👊#WTC23 | #ENGvSA | Scorecard: https://t.co/cBe15RhzM9 pic.twitter.com/ToJxLFRo4X

  — ICC (@ICC) August 26, 2022

  ">

  Another day that has belonged to England 👊#WTC23 | #ENGvSA | Scorecard: https://t.co/cBe15RhzM9 pic.twitter.com/ToJxLFRo4X

  — ICC (@ICC) August 26, 2022

ಇನಿಂಗ್ಸ್​ನಲ್ಲಿ ಯಾವೊಬ್ಬ ಆಟಗಾರನೂ ಕನಿಷ್ಠ ಅರ್ಧಶತಕ ಕೂಡ ದಾಖಲಿಸಲಿಲ್ಲ. ಬೌಲರ್​ ರಬಾಡಾ 36 ರನ್​ ಗಳಿಸಿದ್ದೇ ತಂಡದ ಆಟಗಾರರ ಗರಿಷ್ಠ ಸ್ಕೋರ್​. ಹರಿಣಗಳ ಬ್ಯಾಟಿಂಗ್​ ಬೆನ್ನೆಲುಬು ಮುರಿದ ಜೇಮ್ಸ್ ​- ಬ್ರಾಡ್ ತಲಾ 3 ವಿಕೆಟ್​ ಪಡೆದರು. ಇವರಿಗೆ ಸಾಥ್​ ನೀಡಿದ ನಾಯಕ ಸ್ಟೋಕ್ಸ್​ 2 ವಿಕೆಟ್​ ಕಿತ್ತರು.

ಸ್ಟೋಕ್ಸ್​, ಫೋಕ್ಸ್​ ಶತಕ: ಸಾಧಾರಣ ಗುರಿ ಪಡೆದ ಇಂಗ್ಲೆಂಡ್​ ನಾಯಕ ಬೆನ್​ ಸ್ಟೋಕ್ಸ್​ ಮತ್ತು ಬೆನ್​ ಫೋಕ್ಸ್​ರ ಶತಕದ ಬಲದಿಂದ 9 ವಿಕೆಟ್​ ನಷ್ಟಕ್ಕೆ 415 ರನ್​ ಗಳಿಸಿ ಡಿಕ್ಲೇರ್​ ಘೋಷಿಸಿತು. ಬೆನ್​ ಸ್ಟೋಕ್ಸ್​ 103 ರನ್, ಬೆನ್​ ಫೋಕ್ಸ್​ ಔಟಾಗದೇ 113 ರನ್​ ಮಾಡಿದರು. ಜಾನಿ ಬೈರ್​ಸ್ಟೋವ್​ 49 ರನ್​ಗಳಿಸಿ ಅರ್ಧಶತಕದಿಂದ ವಂಚಿತರಾದರು. ಡಿಕ್ಲೇರ್​ ಘೋಷಿಸಿರುವ ಇಂಗ್ಲೆಂಡ್​ 264 ರನ್​ಗಳ ಮುನ್ನಡೆ ಪಡೆದಿದೆ. ಆಫ್ರಿಕಾ ಪರವಾಗಿ ಆನ್ರಿಚ್​ ನೋರ್ಟ್​ಜೆ​ 3 ವಿಕೆಟ್​ ಪಡೆದರು.

ಬಳಿಕ ಎರಡನೇ ಇನಿಂಗ್ಸ್ ಆರಂಭಿಸಿರುವ ದಕ್ಷಿಣ ಆಫ್ರಿಕಾ ವಿಕೆಟ್​ ನಷ್ಟವಿಲ್ಲದೇ ದಿನದಾಟದ ಕೊನೆಯಲ್ಲಿ 23 ರನ್​ ಗಳಿಸಿದೆ. ಇನ್ನೂ ಮೂರು ದಿನದ ಆಟ ಬಾಕಿ ಉಳಿದಿದ್ದು, ಇಂಗ್ಲೆಂಡ್​ ಗೆಲುವಿನಲ್ಲ ಮುಖ ಮಾಡಿದೆ.

ಸಂಕ್ಷಿಪ್ತ ಸ್ಕೋರ್​: ದಕ್ಷಿಣ ಆಫ್ರಿಕಾ ಮೊದಲ ಇನಿಂಗ್ಸ್​ 151 ಆಲೌಟ್​, ಜೇಮ್ಸ್​ ಆ್ಯಂಡರ್​ಸನ್​ 3, ಸ್ಟುವರ್ಟ್​ ಬ್ರಾಡ್ 3; ಇಂಗ್ಲೆಂಡ್​ ಮೊದಲ ಇನಿಂಗ್ಸ್​- 415/9, ಬೆನ್​ ಸ್ಟೋಕ್ಸ್​ 103, ಬೆನ್ ಫೋಕ್ಸ್​ 113*, ಆನ್ರಿಚ್​ ನೋರ್ಟ್​ಜೆ 3 ವಿಕೆಟ್​: ಎರಡನೇ ಇನಿಂಗ್ಸ್​ 23-0.

ಓದಿ: ಮಹಾರಾಜ ಟ್ರೋಫಿ ಫೈನಲ್‌.. ಚಾಂಪಿಯನ್‌ ಪಟ್ಟ ಮುಡಿಗೇರಿಸಿ ಕೊಂಡ ಗುಲ್ಬರ್ಗ ಮಿಸ್ಟಿಕ್ಸ್‌