ಐಸಿಸಿ ಶ್ರೇಯಾಂಕ ಪಟ್ಟಿಯಲ್ಲಿ ಏಷ್ಯನ್​ ರಾಷ್ಟ್ರಗಳ ಪ್ರಾಬಲ್ಯ: ಈ ಸಲದ ವಿಶ್ವಕಪ್​ ಯಾರಿಗೆ?

ಅಫ್ಘಾನಿಸ್ತಾನದ ವಿರುದ್ಧ ಸರಣಿ ಗೆದ್ದ ಪಾಕಿಸ್ತಾನ ಏಕದಿನ ಕ್ರಿಕೆಟ್‌ ಶ್ರೇಯಾಂಕದಲ್ಲಿ ನಂ.1 ಆಗಿದೆ.

ದುಬೈ: ಅಫ್ಘಾನಿಸ್ತಾನದ ವಿರುದ್ಧದ ಏಕದಿನ ಸರಣಿಯಲ್ಲಿ ಕ್ಲೀನ್‌ಸ್ವೀಪ್​ ಸಾಧನೆ ಮಾಡುವ ಮೂಲಕ ಬಾಬರ್​ ಅಜಮ್​ ನಾಯಕತ್ವದ ಪಾಕಿಸ್ತಾನ ಕ್ರಿಕೆಟ್‌ ತಂಡ ಐಸಿಸಿ ಶ್ರೇಯಾಂಕದಲ್ಲಿ ಅಗ್ರಸ್ಥಾನಕ್ಕೇರಿದೆ. ನಂಬರ್​​ 1 ಸ್ಥಾನದಲ್ಲಿದ್ದ ಆಸ್ಟ್ರೇಲಿಯಾವನ್ನು ಪಾಕ್​ ಕೆಳಕ್ಕೆ ತಳ್ಳಿದ್ದು, ಏಷ್ಯಾಕಪ್​ ಮತ್ತು ವಿಶ್ವಕಪ್​ಗೂ ಮುನ್ನ ತಂಡಕ್ಕೆ ಬೂಸ್ಟರ್‌ ಡೋಸ್‌ ಸಿಕ್ಕಿದೆ.

ಅಫ್ಘಾನಿಸ್ತಾನದ ವಿರುದ್ಧದ ಮೂರು ಏಕದಿನ ಪಂದ್ಯಗಳ ಸರಣಿಯನ್ನು ಪಾಕಿಸ್ತಾನ ಶ್ರೀಲಂಕಾದ ನೆಲದಲ್ಲಿ ಆಡಿತ್ತು. ಮೊದಲ ಪಂದ್ಯದಲ್ಲಿ ಅಫ್ಘಾನಿಸ್ತಾನವನ್ನು ಅತ್ಯಲ್ಪ ಮೊತ್ತಕ್ಕೆ ಕಟ್ಟಿಹಾಕಿ 142 ರನ್‌ಗಳಿಂದ ಗೆಲುವು ದಾಖಲಿಸಿತ್ತು. ಎರಡನೇ ಪಂದ್ಯದಲ್ಲಿ ಒಂದು ವಿಕೆಟ್​ ಮೂಲಕ ರೋಚಕ ಜಯ ಹಾಗೂ ನಿನ್ನೆ (ಶನಿವಾರ) ನಡೆದ ಮೂರನೇ ಪಂದ್ಯದಲ್ಲಿ 59 ರನ್‌ಗಳ ಅಂತರದ ಗೆಲುವು ದಾಖಲಿಸಿದೆ. ಈ ಫಲಿತಾಂಶದಿಂದ ಪಾಕ್‌ 23 ಪಂದ್ಯಗಳಲ್ಲಿ 2,725 ಅಂಕದಿಂದ 118 ರೇಟಿಂಗ್​ ಪಡೆದು ಟಾಪ್​ ಏಕದಿನ ತಂಡವಾಗಿ ಹೊರಹೊಮ್ಮಿದೆ.

• Number 1 in Tests - India.
  
  Number 1 in ODIs - Pakistan.
  
  Number 1 in T20Is - India.
  
  Domination by Asian teams in ICC rankings. pic.twitter.com/SRLY8GWnOm

  — Johns. (@CricCrazyJohns) August 27, 2023 " class="align-text-top noRightClick twitterSection" data="

  Number 1 in Tests - India.
  
  Number 1 in ODIs - Pakistan.
  
  Number 1 in T20Is - India.
  
  Domination by Asian teams in ICC rankings. pic.twitter.com/SRLY8GWnOm

  — Johns. (@CricCrazyJohns) August 27, 2023

  ">

Number 1 in Tests - India.

Number 1 in ODIs - Pakistan.

Number 1 in T20Is - India.

Domination by Asian teams in ICC rankings. pic.twitter.com/SRLY8GWnOm

— Johns. (@CricCrazyJohns) August 27, 2023

ಶ್ರೇಯಾಂಕ ಪಟ್ಟಿಯಲ್ಲಿ ಏಷ್ಯನ್​ ರಾಷ್ಟ್ರಗಳ ಪ್ರಾಬಲ್ಯ: ಸದ್ಯ ಅಂತಾರಾಷ್ಟ್ರೀಯ ಕ್ರಿಕೆಟ್​ ಸಂಸ್ಥೆಯ (ಐಸಿಸಿ) ಶ್ರೇಯಾಂಕದಲ್ಲಿ ಏಷ್ಯನ್​ ರಾಷ್ಟ್ರಗಳು ಮತ್ತು ಆಟಗಾರರು ಅಗ್ರಸ್ಥಾನದಲ್ಲಿದ್ದಾರೆ. ಟೆಸ್ಟ್​ ಮತ್ತು ಟಿ20ಯಲ್ಲಿ ತಂಡದ ರ್‍ಯಾಂಕಿಂಗ್​ನಲ್ಲಿ ಭಾರತ ಅಗ್ರಸ್ಥಾನದಲ್ಲಿದೆ. 2022ರ ಟಿ20 ವಿಶ್ವಕಪ್​ ಗೆಲುವು ಸಾಧಿಸುವಲ್ಲಿ ಭಾರತ ಎಡವಿದರೂ ಉತ್ತಮ ಪ್ರದರ್ಶನದ ಹಿನ್ನೆಲೆಯಲ್ಲಿ ಟಾಪ್​ ತಂಡವಾಗಿದೆ. ಈ ವರ್ಷದ ಆರಂಭದಲ್ಲಿ ನಡೆದ ಬಾರ್ಡರ್​-ಗವಾಸ್ಕರ್​ ಟ್ರೋಫಿಯಲ್ಲಿ ಭಾರತದ ತಂಡ ಉತ್ತಮ ಪ್ರದರ್ಶನ ನೀಡಿತ್ತು. ಇದರಿಂದಾಗಿ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್ ಫೈನಲ್​​ಗೂ ಮುನ್ನ ಭಾರತ ಟೆಸ್ಟ್​ ಶ್ರೇಯಾಂಕದಲ್ಲಿ ನಂ.1 ಸ್ಥಾನ ಗಿಟ್ಟಿಸಿತು.

ಆಟಗಾರರ ಶ್ರೇಯಾಂಕದಲ್ಲಿ ಟಿ20ಯಲ್ಲಿ ಸೂರ್ಯ ಕುಮಾರ್​ ಯಾದವ್​ ಬ್ಯಾಟಿಂಗ್​, ರಶೀದ್​ ಖಾನ್​ ಬೌಲಿಂಗ್​, ಶಕೀಬ್​ ಅಲ್​ ಹಸನ್​ ಆಲ್​ರೌಂಡರ್​ ವಿಭಾಗದಲ್ಲಿ ನಂ.1 ಆಗಿದ್ದಾರೆ. ಏಕದಿನದಲ್ಲಿ ಬಾಬರ್​ ಅಜಮ್​ ಬ್ಯಾಟಿಂಗ್​, ಶಕೀಬ್​ ಅಲ್​ ಹಸನ್​ ಆಲ್​ ರೌಂಡರ್​ ಆಗಿ ಅಗ್ರ ಆಟಗಾರರಾಗಿದ್ದಾರೆ. ಟೆಸ್ಟ್ ಬೌಲಿಂಗ್​ ವಿಭಾಗದಲ್ಲಿ ರವಿಚಂದ್ರನ್​ ಅಶ್ವಿನ್​ ಮತ್ತು ಆಲ್​ರೌಂಡರ್​ ವಿಭಾಗದಲ್ಲಿ ರವೀಂದ್ರ ಜಡೇಜಾ ಮೊದಲ ಸ್ಥಾನದಲ್ಲಿದ್ದಾರೆ. ಟೆಸ್ಟ್​ ಬ್ಯಾಟಿಂಗ್​ನಲ್ಲಿ ಕೇನ್​ ವಿಲಿಯಮ್ಸನ್​ ಮತ್ತು ಏಕದಿನ ಬೌಲಿಂಗ್​ನಲ್ಲಿ ಜೋಶ್ ಹೆಜಲ್​ವುಡ್​ ಮೊದಲಿಗರು. ಈ ಇಬ್ಬರನ್ನು ಬಿಟ್ಟು ಮಿಕ್ಕೆಲ್ಲರೂ ಏಷ್ಯನ್​ ರಾಷ್ಟ್ರಗಳ ಆಟಗಾರರು. 2023ರ ವಿಶ್ವಕಪ್​ ಭಾರತದಲ್ಲಿ ನಡೆಯುತ್ತಿರುವುರಿಂದ ಏಷ್ಯನ್​ ರಾಷ್ಟ್ರಗಳು ಹೆಚ್ಚು ಪ್ರಭಾವ ಬೀರುವ ನಿರೀಕ್ಷೆ ಇದೆ.

ಇದನ್ನೂ ಓದಿ: ಏಷ್ಯನ್​ ಗೇಮ್ಸ್, ಕ್ರಿಕೆಟ್‌: ಗಾಯಕ್ವಾಡ್​ ಬಳಗಕ್ಕೆ ಲಕ್ಷ್ಮಣ್, ಕೌರ್​ ತಂಡಕ್ಕೆ ಕಾನಿಟ್ಕರ್​ ತರಬೇತಿ