ಬರೋಡಾ (ಗುಜರಾತ್): ಭಾರತ ಕ್ರಿಕೆಟ್ ತಂಡದ ವೇಗಿ ವಿನಯ್ ಕುಮಾರ್ ವಿದಾಯ ಘೋಷಿಸಿದ ಬೆನ್ನಲ್ಲೇ ಇನ್ನೋರ್ವ ಹಿರಿಯ ಆಲ್ರೌಂಡರ್ ಯುಸೂಫ್ ಪಠಾಣ್ ವಿದಾಯ ಘೋಷಿಸಿದ್ದಾರೆ.
ಎಲ್ಲ ಮಾದರಿಯ ಕ್ರಿಕೆಟ್ಗಳಿಗೂ ವಿದಾಯ ಘೋಷಿಸಿ ಟ್ವಿಟರ್ನಲ್ಲಿ ಮಾಹಿತಿ ನೀಡಿದ್ದಾರೆ. ಈ ವಿದಾಯ ಕುರಿತು ಸುದೀರ್ಘ ಪತ್ರ ಬರೆದಿರುವ ಯುಸೂಫ್, ಹಳೆಯ ನೆನಪುಗಳ ಮೆಲುಕು ಹಾಕಿದ್ದಾರೆ.
ಮೊದಲ ಬಾರಿಗೆ ಭಾರತ ತಂಡದ ಜೆರ್ಸಿ ತೊಟ್ಟಿದ್ದು, ನನಗೆ ಈಗಲೂ ನೆನಪಿದೆ. ನಾನೊಬ್ಬನೇ ಆ ಬಟ್ಟೆ ತೊಡಲಿಲ್ಲ, ನನ್ನ ಕುಟುಂಬ, ನನ್ನ ಸ್ನೇಹಿತರು, ಕೋಚ್ ಎಲ್ಲರೂ ಸೇರಿ ಬಹುದೊಡ್ಡ ಜವಾಬ್ದಾರಿ ನನ್ನ ಮೇಲೆ ಹೊತ್ತುಕೊಂಡೆ. ನಾನು ಚಿಕ್ಕವನಾಗಿದ್ದಾಗಿನಿಂದಲೂ ನನ್ನ ಸುತ್ತಲೂ ಇದ್ದದ್ದೂ ಕ್ರಿಕೆಟ್, ನಾನು ಅಂತಾರಾಷ್ಟ್ರೀಯ, ದೇಶೀಯ ಐಪಿಎಲ್ ಸಹ ಆಡಿದ್ದೇನೆ ಎಂದಿದ್ದಾರೆ.
ಆದರೆ, ಇಂದು ಸ್ವಲ್ಪ ಬದಲಾವಣೆ ಇದೆ. ಆದರೆ ಇಂದು ಯಾವುದೇ ವಿಶ್ವಕಪ್ ಅಥವಾ ಐಪಿಎಲ್ ಫೈನಲ್ ಇಲ್ಲ ಆದರೂ ಈ ದಿನ ಬಹುಮುಖ್ಯವಾಗಿದೆ. ನನ್ನ ಜೀವನದ ಇನ್ನಿಂಗ್ಸ್ ಕೊನೆಯಾಗಿಸುವ ಕಾಲ ಸನ್ನಿಹಿತವಾಗಿದೆ. ಎಲ್ಲ ಮಾದರಿಯ ಕ್ರಿಕೆಟ್ಗೂ ನಾನು ವಿದಾಯ ಘೋಷಿಸುತ್ತಿದ್ದೇನೆ. ಇದಕ್ಕಾಗಿ ನನ್ನ ಕುಟುಂಬ, ಸ್ನೇಹಿತರು, ಅಭಿಮಾನಿಗಳು, ಕೋಚ್, ತಂಡ ಹಾಗೂ ಇಡೀ ದೇಶಕ್ಕೆ ಧನ್ಯವಾದ ಅರ್ಪಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಎಲ್ಲಾ ಮಾದರಿಯ ಕ್ರಿಕೆಟ್ಗೆ ವಿದಾಯ ಹೇಳಿದ 'ದಾವಣಗೆರೆ ಎಕ್ಸ್ಪ್ರೆಸ್' ವಿನಯ್ ಕುಮಾರ್!
