ಇಂದೋರ್: ಬಾಂಗ್ಲಾ ವಿರುದ್ಧ ಆರಂಭವಾಗಲಿರುವ 2 ಪಂದ್ಯಗಳ ಟೆಸ್ಟ್ ಸರಣಿಗೂ ಮುನ್ನ ಸಾಮಾಜಿಕ ಜಾಲತಾಣದಲ್ಲಿ ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರ ಗಲ್ಲಿ ಕ್ರಿಕೆಟ್ ವಿಡಿಯೋ ಹರಿದಾಡುತ್ತಿದೆ.
ಟಿ-20 ಸರಣಿಯಲ್ಲಿ ವಿಶ್ರಾಂತಿ ಪಡೆದ ಕೊಹ್ಲಿ, ಈಗ ಟೀಂ ಇಂಡಿಯಾ ಸೇರಿಕೊಂಡಿದ್ದಾರೆ. ಆದರೆ, ತಂಡದ ಜೊತೆಗೆ ಅಭ್ಯಾಸ ಮಾಡವ ಬದಲಿಗೆ ಮಕ್ಕಳ ಜತೆ ಇಂದೋರ್ ಬೀದಿಯಲ್ಲಿ ಗಲ್ಲಿ ಕ್ರಿಕೆಟ್ ಆಡಿ ಗಮನಸೆಳೆದಿದ್ದಾರೆ.
ಜಾಹೀರಾತು ಶೂಟಿಂಗ್ಗಾಗಿ ವಿರಾಟ್ ಮಕ್ಕಳ ಜೊತೆಯಲ್ಲಿ ಕ್ರಿಕೆಟ್ ಆಡಿದ್ದಾರೆ. ಜಾಹೀರಾತು ಹಾಗೂ ಶೂಟಿಂಗ್ ಕುರಿತು ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ನಗರದ ಶ್ರೀಜಿ ವ್ಯಾಲಿಯ ಬಿಚೋಲಿ ಪ್ರದೇಶದಲ್ಲಿ ಕೊಹ್ಲಿ, ಚೆಕ್ಡ್ ಶರ್ಟ್ ಮತ್ತು ಜೀನ್ಸ್ ಪ್ಯಾಂಟ್ ಧರಿಸಿ ಮಕ್ಕಳೊಂದಿಗೆ ನಸುನಗುತ್ತಾ ಬ್ಯಾಟ್ ಬೀಸಿದ್ದಾರೆ. ಈ ಬಳಿಕ ಮಕ್ಕಳಿಗೆ ಕೊಹ್ಲಿ ಬೌಲಿಂಗ್ ಮಾಡಿದ್ದಾರೆ.
ನವೆಂಬರ್ 14ರಿಂದ ಇಂದೋರ್ನಲ್ಲಿ ಬಾಂಗ್ಲಾ ವಿರುದ್ಧ ಮೊದಲ ಟೆಸ್ಟ್ ಪಂದ್ಯ ಆರಂಭವಾಗಲಿದೆ. ನವೆಂಬರ್ 22ರಿಂದ ಕೋಲ್ಕತ್ತಾದಲ್ಲಿ 2ನೇ ಹಾಗೂ ಅಂತಿಂ ಟೆಸ್ಟ್ ಪಂದ್ಯ ನಡೆಯಲಿದೆ. ಈ ಪಂದ್ಯ ಹಗಲು- ರಾತ್ರಿ ಟೆಸ್ಟ್ ಪಂದ್ಯವಾಗಿರಲಿದ್ದು, ಇದೇ ಮೊದಲ ಬಾರಿಗೆ ಭಾರತ ಡೇ ಆ್ಯಂಡ್ ನೈಟ್ ಪಂದ್ಯ ಆಯೋಜಿಸುತ್ತಿದೆ.
