ಪುಣೆ: ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಬ್ಯಾಟ್ಸ್ಮನ್ ಚೇತೇಶ್ವರ್ ಪೂಜಾರಾ ವಿಕೆಟ್ ಬಿದ್ದಾಗ ಅವರನ್ನು ಕೆಣಕಿದ್ದರು. ಇದೀಗ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಅದಕ್ಕೆ ಸೇಡು ತೀರಿಸಿಕೊಂಡಿದ್ದಾರೆ.
ಮೂರನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಲು ಕ್ರೀಸಿಗಿಳಿದ ಚೇತೇಶ್ವರ್ ಪೂಜಾರಾ, 50.6ನೇ ಓವರ್‌ನಲ್ಲಿ ರಬಾಡ ಎಸೆತದಲ್ಲಿ ವಿಕೆಟ್ ಒಪ್ಪಿಸಿದ್ದರು. ಈ ವೇಳೆ ಸಂಭ್ರಮಾಚರಣೆ ಮಾಡುತ್ತಾ ಪೂಜಾರಾ ಬಳಿ ಬಂದ ರಬಾಡಾ ಅಸಭ್ಯವಾದ ಶಬ್ದ ಬಳಕೆ ಮಾಡಿದ್ದರು. ಈ ವಿಷಯವನ್ನ ಪೂಜಾರಾ ಸುದ್ದಿಗೋಷ್ಠಿ ವೇಳೆಯೂ ಹೇಳಿಕೊಂಡಿದ್ದರು. ಅದಕ್ಕೆ ಕೊಹ್ಲಿ ಸಖತ್ ಆಗಿ ತಿರುಗೇಟು ನೀಡಿದ್ದಾರೆ.
- " class="align-text-top noRightClick twitterSection" data="">
ಮೈದಾನದಲ್ಲಿ ಕೊಹ್ಲಿ ಬ್ಯಾಟಿಂಗ್ ಮಾಡುತ್ತಿದ್ದ ವೇಳೆ ಮಿಸ್ ಫೀಲ್ಡಿಂಗ್ ಮಾಡಿರುವ ರಬಾಡ ಕುರಿತು ಕೊಹ್ಲಿ ತಮಾಷೆ ಮಾಡಿದ್ದಾರೆ. ದಕ್ಷಿಣ ಆಫ್ರಿಕಾದ ಕೇಶವ್ ಮಹಾರಾಜ್ ಎಸೆದ 65.3ನೇ ಓವರ್‌ನಲ್ಲಿ ಸ್ಟ್ರೈಕ್‌ನಲ್ಲಿದ್ದ ಕೊಹ್ಲಿ ಸಿಂಗಲ್ ರನ್ ತೆಗೆದುಕೊಂಡಿದ್ದರು. ಈ ವೇಳೆ ಚೆಂಡು ಕೈಗೆತ್ತಿಕೊಂಡ ರಬಾಡ ಸ್ಟಂಪ್‌ನತ್ತ ಎಸೆಯುತ್ತಾರೆ. ಆದರೆ ಚೆಂಡು ಕೀಪರ್ ಹತ್ತಿರ ಬರದೇ ಬೌಂಡರಿ ಗೆರೆ ಮುಟ್ಟುತ್ತದೆ. ರಬಾಡಾ ಮಿಸ್ ಫೀಲ್ಡಿಂಗ್ನಿಂದ ಟೀಂ ಇಂಡಿಯಾ ತಂಡಕ್ಕೆ ಹೆಚ್ಚುವರಿಯಾಗಿ 5ರನ್ ಅನಾಯಾಸವಾಗಿ ಬಂದವು. ಈ ವೇಳೆ ತಂಬ್ಸ್‌ ಅಪ್ ಮಾಡಿರುವ ಕೊಹ್ಲಿ ನಕ್ಕಿದ್ದಾರೆ. ಈ ವಿಡಿಯೋ ಇದೀಗ ವೈರಲ್ ಆಗಿದೆ.
123 ನೇ ಓವರ್ ಎಸೆಯುತ್ತಿದ್ದ ವೇಳೆ ಆಫ್ರಿಕಾ ತಂಡದ ವಿಕೆಟ್ ಕೀಪರ್ ಕ್ವಿಂಟನ್ ಡಿಕಾಕ್ ಹಾಗೂ ಬೌಲರ್ ರಬಾಡಾ ನಡುವೆ ಮಾತಿನ ಚಕಮಕಿ ನಡೆದಿದೆ.
