ಕ್ರಿಕೆಟ್​ ಶಿಶು ಜಪಾನ್ ಮಣಿಸಿ, ಆಟಗಾರರೊಂದಿಗೆ ಫೋಟೋಗೆ ಪೋಸ್​ಕೊಟ್ಟ ಯಂಗ್​ ಟೈಗರ್ಸ್​

ಕ್ರಿಕೆಟ್​ಗೆ ಈಗಷ್ಟೇ ಅಂಬೆಗಾಲಿಟ್ಟಿರುವ ಜಪಾನ್​ ಯಾವುದೇ ಹಂತದಲ್ಲೂ ಭಾರತ ತಂಡಕ್ಕೆ ಸವಾಲಾಗಲು ಸಾಧ್ಯವಾಗಲಿಲ್ಲ. ಬ್ಯಾಟಿಂಗ್​ನಲ್ಲಿ ಕೇವಲ 41ಕ್ಕೆ ಆಲೌಟಾಯಿತು. ಈ ಮೊತ್ತವನ್ನು ಭಾರತ ತಂಡ 4.5 ಓವರ್​ಗಳಲ್ಲಿ ತಲುಪಿ 10 ವಿಕೆಟ್​ಗಳ ಗೆಲುವು ಸಾಧಿಸಿತು.

ಬ್ಲೂಮ್‌ಫಾಂಟೈನ್: ದಕ್ಷಿಣ ಆಫ್ರಿಕಾದಲ್ಲಿ ನಡೆಯುತ್ತಿರುವ ಅಂಡರ್​ 19 ವಿಶ್ವಕಪ್​ನಲ್ಲಿ ಭಾರತ ಕಿರಿಯರ ತಂಡ ಜಪಾನ್​ ವಿರುದ್ಧ 10 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿತ್ತು. ಪಂದ್ಯದ ನಂತರ ಎರಡೂ ತಂಡದ ಆಟಗಾರರು ಒಟ್ಟಿಗೆ ಫೋಟೋಗೆ ಪೋಸ್ ​ಕೊಡುವ ಮೂಲಕ ಕ್ರೀಡಾಪ್ರೇಮ ಮೆರೆದರು.

ಕ್ರಿಕೆಟ್​ಗೆ ಈಗಷ್ಟೇ ಅಂಬೆಗಾಲಿಟ್ಟಿರುವ ಜಪಾನ್​ ಯಾವುದೇ ಹಂತದಲ್ಲೂ ಭಾರತ ತಂಡಕ್ಕೆ ಸವಾಲಾಗಲು ಸಾಧ್ಯವಾಗಲಿಲ್ಲ. ಬ್ಯಾಟಿಂಗ್​ನಲ್ಲಿ ಕೇವಲ 41ಕ್ಕೆ ಆಲೌಟಾಯಿತು. ಈ ಮೊತ್ತವನ್ನು ಭಾರತ ತಂಡ 4.5 ಓವರ್​ಗಳಲ್ಲಿ ತಲುಪಿ 10 ವಿಕೆಟ್​ಗಳ ಗೆಲುವು ಸಾಧಿಸಿತು.

• #SpiritOfCricket pic.twitter.com/L3GHkZPyNJ

  — Cricket World Cup (@cricketworldcup) January 21, 2020 " class="align-text-top noRightClick twitterSection" data="

  #SpiritOfCricket pic.twitter.com/L3GHkZPyNJ

  — Cricket World Cup (@cricketworldcup) January 21, 2020

  ">

  #SpiritOfCricket pic.twitter.com/L3GHkZPyNJ

  — Cricket World Cup (@cricketworldcup) January 21, 2020

ಜಪಾನ್​ ಈ ಪಂದ್ಯವನ್ನು ಸೋತಿರುವುದು ದೊಡ್ಡ ವಿಚಾರವಲ್ಲ.​ ಆದರೆ, ಕ್ರಿಕೆಟ್​ ಆಟವನ್ನು ಕಲಿತ ಕೆಲವೇ ವರ್ಷಗಳಲ್ಲಿ ವಿಶ್ವಕಪ್​ಗೆ ಅರ್ಹತೆ ಗಿಟ್ಟಿಸಿಕೊಂಡಿರುವುದೇ, ಅವರಲ್ಲಿರುವ ಕ್ರಿಕೆಟ್​ ಪ್ರೇಮ ಹಾಗೂ ಕ್ರಿಕೆಟ್​ ಮೇಲಿನ ಬದ್ದತೆಗೆ ಸಾಕ್ಷಿ. ಆದ್ದರಿಂದಲೇ ಟೀಮ್​ ಇಂಡಿಯಾ ಆಟಗಾರರು ಜಪಾನ್​ ಆಟಗಾರರೊಂದಿಗೆ ಒಟ್ಟಿಗೆ ಪೋಟೋ ತೆಗೆಸಿಕೊಂಡು ಒಬ್ಬರನ್ನೊಬ್ಬರು ಅಭಿನಂದಿಸಿಕೊಂಡಿದ್ದಾರೆ.

ಕಳೆದ ವರ್ಷ ಕ್ರಿಕೆಟ್​ ಶಿಶು ಅಫ್ಘಾನಿಸ್ತಾನ ತನ್ನ ಮೊದಲ ಟೆಸ್ಟ್​ ಪಂದ್ಯವನ್ನು ಭಾರತದೆದುರು ಹೀನಾಯವಾಗಿ ಸೋತಿತ್ತು. ಪಂದ್ಯ ಮುಗಿದ ನಂತರ ಪ್ರಶಸ್ತಿ ಸ್ವೀಕರಿಸುವ ವೇಳೆ ಭಾರತ ತಂಡದ ನಾಯಕನಾಗಿದ್ದ ರಹಾನೆ ಅಫ್ಘನ್​ ಆಟಗಾರರನ್ನು ಫೋಟೋ ಸೆಷನ್​ಗೆ ಆಹ್ವಾನಿಸಿ ಕ್ರಿಕೆಟ್​ ಅಭಿಮಾನಿಗಳಿಂದ ಮೆಚ್ಚುಗೆ ಪಡೆದಿದ್ದರು.

ಇದೀಗ ಟೀಮ್​ ಇಂಡಿಯಾದ ಯುವ ಆಟಗಾರರು ಕೂಡ ರಹಾನೆಯಂತೆ ಎದುರಾಳಿ ಆಟಗಾರರನ್ನು ಗೌರವಿಸಿರುವುದು ವಿಶ್ವಕ್ರಿಕೆಟ್​ ಪ್ರೇಮಿಗಳ ಮೆಚ್ಚುಗೆಗೆ ಕಾರಣವಾಗಿದೆ.

'ಮುಂದೊಂದು ದಿನ ಜಪಾನ್​ ಬಲಿಷ್ಠ ತಂಡಗಳನ್ನು ಮಣಿಸಲಿದೆ'

ಭಾರತ ಹಾಗೂ ಜಪಾನ್ ತಂಡಗಳ ನಡುವಿನ ಪಂದ್ಯದ ವೀಕ್ಷಕ ವಿವರಣೆ ನೀಡುತ್ತಿದ್ದ ಹೆಚ್​ಡಿ ಆಕೆರ್​ಮನ್​ ಜಪಾನ್​ ತಂಡವನ್ನು ಕುರಿತು ಮೆಚ್ಚುಮೆಗೆಯ ಮಾತನಾಡಿದ್ದರು. 1995ರಲ್ಲಿ ರಗ್ಬಿ ವಿಶ್ವಕಪ್​ಗೆ ಕಾಲಿಟ್ಟಿದ್ದ ಜಪಾನ್ ತನ್ನ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ 130 ಅಂಕಗಳಿಂದ ಸೋತಿತ್ತು. ಆದರೆ 20 ವರ್ಷಗಳ ನಂತರದ ವಿಶ್ವಕಪ್​ನಲ್ಲಿ ಅದೇ ಜಪಾನ್​ ದಕ್ಷಿಣ ಆಫ್ರಿಕಾ ತಂಡವನ್ನು ಸೋಲಿಸುವಲ್ಲಿ ಯಶಸ್ವಿಯಾಗಿತ್ತು ಎಂದು ನೆನಪಿಸಿದರು.

ಯಾವುದೇ ವಿಚಾರದಲ್ಲಾದರೂ ಶ್ರದ್ಧೆ, ಕಠಿಣ ಪರಿಶ್ರಮವಹಿಸುವ ಜಪಾನಿಯರು ಈಗಷ್ಟೇ ಕ್ರಿಕೆಟ್ ಜಗತ್ತಿಗೆ ಕಾಲಿಟ್ಟಿದ್ದಾರೆ. ಮುಂದಿನ ದಿನಗಳಲ್ಲಿ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಲಿದ್ದಾರೆ ಎಂದು ಅವರು ತಿಳಿಸಿದ್ದಾರೆ.