ಚೆನ್ನೈ: 14ನೇ ಆವೃತ್ತಿ ಇಂಡಿಯನ್ ಪ್ರೀಮಿಯರ್ ಲೀಗ್ಗೋಸ್ಕರ ನಿನ್ನೆ ನಡೆದ ಮಿನಿ ಹರಾಜು ಪ್ರಕ್ರಿಯೆಯಲ್ಲಿ ಶ್ರೀಲಂಕಾದ ಯಾವೊಬ್ಬ ಪ್ಲೇಯರ್ ಕೂಡ ಸೇಲ್ ಆಗಿಲ್ಲ. ಈ ವಿಚಾರವಾಗಿ ಲಂಕಾ ಲೆಜೆಂಡ್ಗಳಾದ ಕುಮಾರ್ ಸಂಗಕ್ಕಾರ ಹಾಗೂ ಮಹೇಲಾ ಜಯವರ್ದನೆ ಮಾತನಾಡಿದ್ದಾರೆ.
ಓದಿ: ಉಮೇಶ್ ಯಾದವ್ 1 ಕೋಟಿ ರೂ.ಗೆ ಸೇಲ್ ಆಗಿದ್ದು ತುಂಬಾ ಆಘಾತವಾಯ್ತು: ಗೌತಮ್ ಗಂಭೀರ್!
ಶ್ರೀಲಂಕಾ ಪುರುಷರ ತಂಡದ ಮುಂದಿನ ಪ್ರವಾಸಗಳ ಬಗ್ಗೆ ಸ್ಪಷ್ಟತೆ ಮೂಡಿಸುವಲ್ಲಿ ಶ್ರೀಲಂಕಾ ಕ್ರಿಕೆಟ್ ವಿಫಲವಾದ ಕಾರಣ ಐಪಿಎಲ್ನಲ್ಲಿ ಶ್ರೀಲಂಕಾ ಪ್ಲೇಯರ್ಸ್ ಸೇಲ್ ಆಗಿಲ್ಲ ಎಂದು ಸಂಗಕ್ಕಾರ ಮತ್ತು ಜಯವರ್ಧನೆ ಹೇಳಿದ್ದಾರೆ. ಪ್ರಸಕ್ತ ಸಾಲಿನ ಐಪಿಎಲ್ನಿಂದ ಲಸಿತ್ ಮಾಲಿಂಗ ಹೊರಗುಳಿದಿದ್ದು, ಆರ್ಸಿಬಿ ಪರ ಕಳೆದ ವರ್ಷ ಕಣಕ್ಕಿಳಿದಿದ್ದ ಇಸುರು ಉದಾನಗೆ ತಂಡ ಕೈಬಿಟ್ಟ ನಂತರ ಯಾವೊಬ್ಬ ಲಂಕಾ ಪ್ಲೇಯರ್ಸ್ ಕೂಡ ಪ್ರಾಂಚೈಸಿಗಳಲ್ಲಿಲ್ಲ.
ಶ್ರೀಲಂಕಾದಲ್ಲಿ ಕೆಲವು ಅದ್ಭುತ ಆಟಗಾರರಿದ್ದಾರೆ. ಆದರೆ, ಶ್ರೀಲಂಕಾ ಕ್ರಿಕೆಟ್ ಪ್ರವಾದ ಬಗ್ಗೆ ಸರಿಯಾದ ಮಾಹಿತಿ ನೀಡದ ಕಾರಣ ಅವರು ಸೇಲ್ ಆಗಿಲ್ಲ ಎಂದು ತಿಳಿಸಿದ್ದಾರೆ. ಪ್ರಸಕ್ತ ಸಾಲಿನ ಐಪಿಎಲ್ ಹರಾಜಿನಲ್ಲಿ ಪ್ರಾಂಚೈಸಿಗಳು ವೇಗದ ಬೌಲರ್ ಹಾಗೂ ಆಲ್ರೌಂಡರ್ಗಳಿಗೆ ಹೆಚ್ಚಿನ ಮಣೆ ಹಾಕಿದ್ದು, ಲಂಕಾದಲ್ಲಿ ಅದರ ಕೊರತೆ ಇದೆ ಎಂದು ಜಯವರ್ಧನೆ ತಿಳಿಸಿದ್ದಾರೆ.
ಶ್ರೀಲಂಕಾದಲ್ಲಿ ಇದೇ ಮೊದಲ ಸಲ ಲಂಕಾ ಪ್ರೀಮಿಯರ್ ಲೀಗ್ ಆಯೋಜನೆ ಮಾಡಿದ್ದರ ಹೊರತಾಗಿ ಕೂಡ ಯಾವುದೇ ಪ್ಲೇಯರ್ಸ್ ಸೇಲ್ ಆಗಿಲ್ಲ ಎಂಬುದು ಗಮನಾರ್ಹ ಸಂಗತಿಯಾಗಿದೆ.
