ದುಬೈ: ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ನಾಯಕ ಕೆಎಲ್ ರಾಹುಲ್ 670 ರನ್ಗಳ ನೆರವಿನಿಂದ ಆರೆಂಜ್ ಕ್ಯಾಪ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ವೇಗದ ಬೌಲರ್ ಪರ್ಪಲ್ ಕ್ಯಾಪ್ ಪಡೆದುಕೊಂಡಿದ್ದಾರೆ.
ಪೈನಲ್ ಪಂದ್ಯಕ್ಕೂ ಮುನ್ನ 603 ರನ್ಗಳಿಸಿದ್ದ ಧವನ್ ಮಂಗಳವಾರ ನಡೆದ ಮುಂಬೈ ವಿರುದ್ಧದ ಫೈನಲ್ ಪಂದ್ಯದಲ್ಲಿ ಕೇವಲ 15 ರನ್ಗಳಿಸಿ ಔಟಾಗುವ ಮೂಲಕ 618 ರನ್ಗಳೊಂದಿಗೆ 2ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು. 3ನೇ ಸ್ಥಾನದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡದ ನಾಯಕ ಡೇವಿಡ್ ವಾರ್ನರ್(548), ಮುಂಬೈ ಇಂಡಿಯನ್ಸ್ ತಂಡದ ಡಿಕಾಕ್ 5ನೇ ಸ್ಥಾನದಲ್ಲಿದ್ದಾರೆ.
ಇನ್ನು ಬೌಲಿಂಗ್ ವಿಭಾಗದಲ್ಲಿ ಕಗಿಸೋ ರಬಾಡ 30 ವಿಕೆಟ್ ಪಡೆದು ಪರ್ಪಲ್ ಕ್ಯಾಪ್ ಮುಡಿಗೇರಿಸಿಕೊಂಡಿದ್ದಾರೆ. 2ನೇ ಸ್ಥಾನದಲ್ಲಿದ್ದ ಜಸ್ಪ್ರೀತ್ ಬುಮ್ರಾ(27) ಇಂದಿನ ಪಂದ್ಯದಲ್ಲಿ ವಿಕೆಟ್ ಪಡೆಯದ ಕಾರಣ ರಬಾಡಗೆ ಮೊದಲ ಸ್ಥಾನ ಖಚಿತವಾಗಿದೆ. ಮೂರನೇ ಸ್ಥಾನದಲ್ಲಿ ಟ್ರೆಂಟ್ ಬೌಲ್ಟ್ (25), 4ರಲ್ಲಿ ಚಹಾಲ್ ಮತ್ತು ಎನ್ರಿಚ್ ನೋಕಿಯೆ (21) ಹಾಗೂ 5ನೇ ಸ್ಥಾನದಲ್ಲಿ 20 ವಿಕೆಟ್ ಪಡೆದಿರುವ ರಶೀದ್, ಆರ್ಚರ್, ಶಮಿ 5ನೇ ಸ್ಥಾನದಲ್ಲಿದ್ದಾರೆ.
