ಮುಂಬೈ: ಸ್ಟಾರ್ಸ್ಪೋರ್ಟ್ಸ್ ಜ್ಯೂರಿ ತಂಡ ಇತ್ತೀಚೆಗೆ ಐಪಿಎಲ್ನ ಶ್ರೇಷ್ಠ ನಾಯಕರನ್ನಾಗಿ ರೋಹಿತ್ ಶರ್ಮಾ-ಎಂಎಸ್ ಧೋನಿಯನ್ನು ಆಯ್ಕೆ ಮಾಡಿತ್ತು.
ಆ ಜ್ಯೂರಿ ತಂಡದಲ್ಲಿ ಭಾರತದ ಮಾಜಿ ಕ್ರಿಕೆಟಿಗ ಗೌತಮ್ ಗಂಭೀರ್, ರೋಹಿತ್ ಶರ್ಮಾ ಶ್ರೇಷ್ಠ ಐಪಿಎಲ್ ನಾಯಕ ಎಂದು ತಿಳಿಸಿದ್ದರು. ಅಲ್ಲದೆ ಮುಂದಿನ ದಿನಗಳಲ್ಲಿ ರೋಹಿತ್ ತಮ್ಮ ಶ್ರೇಷ್ಠ ನಾಯಕತ್ವವನ್ನು ಮುಂದುವರಿಸಲಿದ್ದಾರೆ ಎಂದು ಅಭಿಪ್ರಾಯ ಪಟ್ಟಿದ್ದರು.
ಇದೀಗ ಟೀಂ ಇಂಡಿಯಾ ಮಾಜಿ ಬ್ಯಾಟಿಂಗ್ ಕೋಚ್ ಸಂಜಯ್ ಬಂಗಾರ್ ಕೂಡ ಕೂಲ್ ಕ್ಯಾಪ್ಟನ್ ಎಂಎಸ್ ಧೋನಿಗಿಂತಲೂ ರೋಹಿತ್ ಶರ್ಮಾ ಐಪಿಎಲ್ನ ಶ್ರೇಷ್ಠ ನಾಯಕ ಎಂದಿದ್ದಾರೆ.
ಕಠಿಣ ಪರಿಸ್ಥಿತಿಯಲ್ಲಿ ರೋಹಿತ್, ಧೋನಿಗಿಂತಲೂ ಉತ್ತಮ ನಿರ್ಧಾರ ತೆಗೆದುಕೊಳ್ಳುತ್ತಾರೆ. ಆದ್ದರಿಂದಲೇ ಅವರ ನೇತೃತ್ವದ ತಂಡ ಈಗಾಗಲೆ 4 ಬಾರಿ ಟ್ರೋಫಿ ಎತ್ತಿ ಹಿಡಿದಿದೆ ಎಂದು ಸಂಜಯ್ ಅಭಿಪ್ರಾಯಪಟ್ಟಿದ್ದಾರೆ. ಆದರೆ ಈ ನಿರ್ಧಾರ ಕೇವಲ ಐಪಿಎಲ್ಗೆ ಮಾತ್ರ ಸೀಮಿತವಾಗಿದೆ.
ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ 3 ಬಾರಿ ಚಾಂಪಿಯನ್ ಪಟ್ಟಕ್ಕೇರಿದ್ದರೆ, 5 ಬಾರಿ ರನ್ನರ್ ಆಪ್ ಆಗಿದೆ. ಇನ್ನು ಆಡಿರುವ 10 ಆವೃತ್ತಿಗಳಲ್ಲಿ ಪ್ಲೇ ಆಫ್ ಹಂತಕ್ಕೇರಿಸಿರುವುದು ಧೋನಿ ನಾಯಕತ್ವದ ಹೈಲೈಟ್ಸ್ ಆಗಿದೆ.
ಇನ್ನು ರೋಹಿತ್ ಶರ್ಮಾ ಮುಂಬೈ ಪರ 7 ಆವೃತ್ತಿಗಳಲ್ಲಿ 4 ಬಾರಿ ಚಾಂಪಿಯನ್ ಪಟ್ಟಕ್ಕೇರಿಸಿದ್ದಾರೆ. ಹೀಗಾಗಿ ಇವರಿಬ್ಬರನ್ನು ಐಪಿಎಲ್ನ ಶ್ರೇಷ್ಠ ನಾಯಕರೆಂದು ತೀರ್ಮಾನಿಸಲಾಗಿತ್ತು.
