ಲಾಹೋರ್: ಪಾಕಿಸ್ತಾನ ಸ್ಟಾರ್ ಬೌಲರ್ಗಳಾದ ಹಸನ್ ಅಲಿ ಹಾಗೂ ಮೊಹಮದ್ ಅಮೀರ್ ಪಾಕಿಸ್ತಾನ ತಂಡದ ಕೋಚ್ ಮಿಸ್ಬಾ ಉಲ್ ಹಕ್ ಕ್ರಿಯೇಟ್ ಮಾಡಿದ್ದ ವಾಟ್ಸ್ಆ್ಯಪ್ ಗ್ರೂಪ್ನಿಂದ ಹೊರ ಬಂದಿದ್ದಾರೆ.
ಕಳೆದ ವಾರ ಪಿಸಿಬಿ 2020-21ರ ಆವೃತ್ತಿಯ 18 ಆಟಗಾರರ ಕೇಂದ್ರೀಯ ಒಪ್ಪಂದದ ಪಟ್ಟಿ ಬಿಡುಗಡೆ ಮಾಡಿತ್ತು. ಇದರಲ್ಲಿ ಅನುಭವಿ ಬೌಲರ್ಗಳಾದ ಮೊಹಮ್ಮದ್ ಅಮೀರ್, ವಹಾಬ್ ರಿಯಾಜ್ ಹಾಗೂ ಹಸನ್ ಅಲಿ ಗುತ್ತಿಗೆಯಿಂದ ಹೊರ ಬಿದ್ದಿದ್ದರು. ಇದೀಗ ಅವರು ಪಿಸಿಬಿ ಫಿಟ್ನೆಸ್ ಹಾಗೂ ಇತರೆ ಮಾಹಿತಿ ಹಂಚಿಕೊಳ್ಳಲು ಕ್ರಿಯೇಟ್ ಮಾಡಿದ್ದ ವಾಟ್ಸ್ಆ್ಯಪ್ ಗ್ರೂಪ್ನಿಂದ ಅಮೀರ್ ಹಾಗೂ ಹಸನ್ ಅಲಿ ಹೊರ ಬಂದಿದ್ದಾರೆ.
ಆದರೆ ಹಿರಿಯ ವೇಗಿ ವಹಾಬ್ ರಿಯಾಜ್ ಮಾತ್ರ ಇನ್ನೂ ವಾಟ್ಸ್ಆ್ಯಪ್ ಗ್ರೂಪ್ನಲ್ಲಿ ಉಳಿದುಕೊಂಡಿದ್ದಾರೆ. ಇನ್ನು ಕೇಂದ್ರೀಯ ಗುತ್ತಿಗೆಯಿಂದ ತಮ್ಮನ್ನು ಕೈಬಿಟ್ಟಿದ್ದಕ್ಕೆ ಹಸನ್ ಅಲಿ ಟ್ವೀಟ್ ಮೂಲಕ ಅಸಮಾಧಾನ ವ್ಯಕ್ತಪಡಿಸಿದ್ದರು.
ಹಸನ್ ಅಲಿ ಭಾರತದ ವಿರುದ್ಧ 2019ರ ವಿಶ್ವಕಪ್ನಲ್ಲಿ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯವಾಡಿದ್ದರೆ, ಅಮೀರ್ ಹಾಗೂ ರಿಯಾಜ್ ಆಸ್ಟ್ರೇಲಿಯಾದಲ್ಲಿ ನಡೆದ ಟಿ-20 ಸರಣಿಯಲ್ಲಿ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯವಾಡಿದ್ದರು.
