ಬಾಂಗ್ಲಾ ಕ್ರಿಕೆಟಿಗ ಮುಶ್ರಫೆ ಮೊರ್ತಾಜಗೂ ವಕ್ಕರಿಸಿದ ಕೊರೊನಾ

ಬಾಂಗ್ಲಾದೇಶದಲ್ಲೂ ರಣಕೇಕೆ ಹಾಕುತ್ತಿರುವ ಕೊರೊನಾ ವೈರಸ್​ ಇದೀಗ ಅಲ್ಲಿನ ಕ್ರಿಕೆಟಿಗ ಮುಶ್ರಫೆ ಮೊರ್ತಾಜಗೂ ವಕ್ಕರಿಸಿದೆ.

ಢಾಕಾ: ಬಾಂಗ್ಲಾದೇಶದ ಕ್ರಿಕೆಟಿಗ ಮುಶ್ರಫೆ ಮೊರ್ತಾಜ ಕೊರೊನಾ ವೈರಸ್‌ನಿಂದ ಬಳಲುತ್ತಿದ್ದಾರೆ.​ ​​

ಸುಮಾರು 10 ದಿನಗಳಿಂದ ಕೋವಿಡ್​ ಲಕ್ಷಣಗಳು ಇವರಲ್ಲಿ ಕಾಣಿಸಿಕೊಂಡಿದ್ದವು. ಆದರೆ ತದನಂತರ ಚೇತರಿಸಿಕೊಂಡಿದ್ದರು. ಇದಾದ ಬಳಿಕ ಕಳೆದ 3-4 ದಿನಗಳಿಂದ ಜ್ವರ ಹಾಗೂ ಶೀತ ಕಾಣಿಸಿಕೊಂಡಿದ್ದು, ಪರೀಕ್ಷೆ​ ನಡೆಸಿದಾಗ ಕೊರೊನಾ ಪಾಸಿಟಿವ್​ ಇರುವುದು ಕನ್ಫರ್ಮ್​​ ಆಗಿದೆ.

ಬಾಂಗ್ಲಾದೇಶದ ಕ್ಯಾಪ್ಟನ್​ ಆಗಿದ್ದ 36 ವರ್ಷದ ಮುಶ್ರಫೆ ಮೊರ್ತಾಜ 36 ಟೆಸ್ಟ್​ ಪಂದ್ಯ ಹಾಗೂ 220 ಏಕದಿನ ಪಂದ್ಯ ಹಾಗೂ 54 ಟಿ-20 ಪಂದ್ಯಗಳಲ್ಲಿ ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸಿದ್ದಾರೆ.

ಕಳೆದ ಕೆಲ ದಿನಗಳ ಹಿಂದೆ ಪಾಕ್​ನ ಮಾಜಿ ಕ್ರಿಕೆಟಿಗ ಶಾಹಿದ್​ ಅಫ್ರಿದಿಗೂ ಕೊರೊನಾ ವೈರಸ್​ ದೃಢಪಟ್ಟಿತ್ತು.