ಕೊಲೊಂಬೊ: ಕಳೆದ ತಿಂಗಳು ಏಕದಿನ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿರುವ ಮಲಿಂಗಾ ಇದೀಗ ಟಿ20 ಕ್ರಿಕೆಟ್ ಮೂಲಕ ಮತ್ತೆ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ತಮ್ಮ ಯಾರ್ಕರ್ ದಾಳಿ ಮುಂದುವರಿಸಿದ್ದಾರೆ.
2019ರ ವಿಶ್ವಕಪ್ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ ಏಕದಿನ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದರು. ಇದೀಗ ತವರಿನಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ನಡೆಯಲಿರುವ 3 ಪಂದ್ಯಗಳ ಟಿ-20 ಸರಣಿಗೆ ನಾಯಕತ್ವ ವಹಿಸಲಿದ್ದಾರೆ.
ಶನಿವಾರ ಕಿವೀಸ್ ವಿರುದ್ಧದ ಟಿ20 ಸರಣಿಗೆ 15 ಸದಸ್ಯರ ತಂಡವನ್ನು ಶ್ರೀಲಂಕಾ ಕ್ರಿಕೆಟ್ ಮಂಡಳಿ ಪ್ರಕಟಿಸಿದೆ. ಮಲಿಂಗಾ ನಾಯಕರಾದರೆ, ವಿಕೆಟ್ ಕೀಪರ್ ನಿರೋಶನ್ ಡಿಕ್ವೆಲ್ಲಾ ಉಪನಾಯಕನನ್ನಾಗಿ ನೇಮಕ ಮಾಡಿದೆ. ತಂಡದ ಹಿರಿಯ ಆಲ್ರೌಂಡರ್ ತಿಸ್ಸಾರ ಪೆರೆರಾ, ಧನಂಜಯ ಡಿ ಸಿಲ್ವಾ, ಪ್ರಿಯಮಾಲ್ ಪೆರೆರಾ, ಸುರಂಗ ಲಕ್ಮಲ್ ಕಮಿಂಡು ಮೆಂಡಿಸ್, ಜಫ್ಫೆರಿ ವಂಡರ್ಸೆ ತಂಡದಿಂದ ಹೊರಬಿದ್ದಿದ್ದಾರೆ.
ಶ್ರೀಲಂಕಾ ತಂಡ: ಲಸಿತ್ ಮಲಿಂಗಾ(ನಾಯಕ), ನಿರೋಶನ ಡಿಕ್ವಲ್ಲಾ, ಅವಿಸ್ಕಾ ಫರ್ನಾಂಡೊ, ಕುಸಾಲ್ ಜನಿತ್ ಪೆರೆರಾ, ದನುಶ್ಕಾ ಗುಣತಿಲಕಾ, ಕುಸಾಲ್ ಮೆಂಡಿಸ್, ಶೆಹಾನ್ ಜಯಸೂರ್ಯ,ದಾಸುನ್ ಶನಕ, ವಾನಿಂಡು ಹಸರಂಗ, ಅಕಿಲಾ ದನಂಜಯ, ಲಕ್ಶಾನ್ ಸಂದಕನ್, ಇಸುರು ಉದಾನ, ಕಸುನ್ ರಜಿತಾ, ಲಹಿರು ಕುಮಾರ, ಲಹಿರು ಮದುಶಂಕ
