ಲಂಡನ್: ಬಾಂಗ್ಲಾದೇಶದ ವಿರುದ್ಧದ ಪಂದ್ಯದಲ್ಲಿ ಗಾಯಗೊಂಡಿದ್ದ ಲುಂಗಿ ಎನ್ಗಿಡಿ ಫಿಟ್ ಆಗಿದ್ದು, ಟೂರ್ನಿಯಲ್ಲಿ 3 ಸೋಲಕಂಡು ಸಂಕಷ್ಟದಲ್ಲಿರುವ ಹರಿಣ ಪಡೆಗೆ ಆನೆ ಬಲ ಬಂದಂತಾಗಿದೆ.
5 ಪಂದ್ಯಗಳಿಂದ 1 ಗೆಲುವು 3 ಸೋಲು ಕಂಡಿದ್ದ ಪ್ಲೆಸಿಸ್ ಪಡೆಗೆ ಮಳೆಯಿಂದಾಗಿ ವಿಂಡೀಸ್ ವಿರುದ್ಧದ ಪಂದ್ಯ ರದ್ದಾಗಿತ್ತು. 3 ಅಂಕಗಳೊಂದಿಗೆ 8ನೇ ಸ್ಥಾನದಲ್ಲಿರುವ ಆಫ್ರಿಕಾ ತಂಡ ಮುಂದಿನ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ಕಣಕ್ಕಿಳಿಯುತ್ತಿದ್ದು, ಈ ಪಂದ್ಯಕ್ಕಾಗಿ ಲುಂಗಿ ಎನ್ಗಿಡಿ ತಂಡ ಸೇರಿಕೊಳ್ಳಲಿದ್ದಾರೆ.
ದ.ಆಫ್ರಿಕಾ ತಂಡ ಮುಂದಿನ ಪಂದ್ಯಗಳಲ್ಲಿ ನ್ಯೂಜಿಲ್ಯಾಂಡ್, ಆಸ್ಟ್ರೇಲಿಯ, ಪಾಕಿಸ್ತಾನ ಹಾಗೂ ಶ್ರೀಲಂಕಾ ವಿರುದ್ಧದ ಸೆಣಸಾಡಲಿದ್ದು, ನಾಲ್ಕೂ ಪಂದ್ಯಗಳಲ್ಲಿ ಗೆಲ್ಲಲೇಬೇಕಾದ ಒತ್ತಡದಲ್ಲಿದೆ.
ನಿನ್ನೆ ನಡೆದ ಫಿಟ್ನೆಸ್ ಪರೀಕ್ಷೆಯಲ್ಲಿ ಎನ್ಗಿಡಿ ಉತ್ತೀರ್ಣರಾಗಿದ್ದು, ತಾವೂ ಸಂಪೂರ್ಣ ಫಿಟ್ ಆಗಿದ್ದು, ತಂಡ ಬಯಸಿದಂತೆ ಪ್ರದರ್ಶನ ನೀಡಲು ಸಿದ್ದನಿದ್ದೇನೆ. ನಮ್ಮ ಮುಂದೆ, ಮುಂಬರುವ ನಾಲ್ಕೂ ಪಂದ್ಯಗಳನ್ನು ಗೆಲ್ಲಲೇಬೇಕಾದ ಒತ್ತಡ ಇದೆ. ಮುಂದಿನ ಪಂದ್ಯದಲ್ಲಿ ಕಿವೀಸ್ ಎದುರಾಳಿಯಾಗಿದ್ದು, ತಮ್ಮ ಗೆಲುವಿನ ಓಟವನ್ನು ಮುಂದುವರಿಸಿಕೊಂಡು ಹೋಗುತ್ತೇವೆ ಎಂದು ಎನ್ಗಿಡಿ ಆತ್ಮವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
