ಅಬುಧಾಬಿ: 13ನೇ ಆವೃತ್ತಿ ಇಂಡಿಯನ್ ಪ್ರೀಮಿಯರ್ ಲೀಗ್ ಆರಂಭಗೊಂಡು ಎರಡು ವಾರ ಮುಕ್ತಾಯಗೊಳ್ಳಲು ಬಂತು. ಈಗಾಗಲೇ ಎಲ್ಲ ತಂಡಗಳು 3-4 ಪಂದ್ಯಗಳನ್ನಾಡಿವೆ. ವಿಶೇಷ ಎಂದರೆ ಈ ಸಲದ ಟೂರ್ನಿಯಲ್ಲಿ ಟಾಸ್ ಗೆಲ್ಲುವ ತಂಡ ಫೀಲ್ಡಿಂಗ್ ಆಯ್ದುಕೊಳ್ಳುತ್ತಿರುವುದು ಮುಖ್ಯವಾಗಿ ಕಂಡು ಬರುತ್ತಿದೆ.
ಕನ್ನಡಿಗ ಮಯಾಂಕ್ ಬಳಿ ಆರೆಂಜ್, ಅತಿ ಹೆಚ್ಚು ವಿಕೆಟ್ ಕಿತ್ತ ವೇಗಿ ಶಮಿ ಬಳಿ ಪರ್ಪಲ್ ಕ್ಯಾಪ್!
ಇಲ್ಲಿಯವರೆಗೆ ನಡೆದಿರುವ 12 ಪಂದ್ಯಗಳ ಪೈಕಿ 9 ಪಂದ್ಯಗಳಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿರುವ ತಂಡ ಗೆಲುವು ಸಾಧಿಸಿವೆ. ಆದರೂ ಕ್ಯಾಪ್ಟನ್ಗಳು ಟಾಸ್ ಗೆದ್ದು ಕ್ಷೇತ್ರರಕ್ಷಣೆ ನಿರ್ಧಾರ ಕೈಗೊಳ್ಳುತ್ತಿದ್ದಾರೆ. ಇದಕ್ಕೆ ವಿಶೇಷವಾದ ಕಾರಣವಿದೆ.
ಆರಂಭದಲ್ಲಿ ಬೌಲಿಂಗ್ ಮಾಡಲು ಸುಲಭವಾಗಿರುತ್ತಿದ್ದು, ದ್ವಿತೀಯಾರ್ಧದಲ್ಲಿ ಇಬ್ಬನಿ ಬರುವ ಕಾರಣ 12ರಿಂದ 20 ಓವರ್ ಬೌಲಿಂಗ್ ಮಾಡುವುದು ಕಷ್ಟವಾಗುತ್ತಿದೆ. ಹೀಗಾಗಿ ಎಲ್ಲ ತಂಡದ ಕ್ಯಾಪ್ಟನ್ಗಳು ಟಾಸ್ ಗೆದ್ದ ತಕ್ಷಣವೇ ಕ್ಷೇತ್ರ ರಕ್ಷಣೆ ನಿರ್ಧಾರ ತೆಗೆದುಕೊಳ್ಳುತ್ತಿದ್ದಾರೆ ಎಂದು ತಿಳಿದು ಬಂದಿದೆ. ಇದೇ ವಿಚಾರವಾಗಿ ಆರ್ಸಿಬಿ ಬೌಲರ್ ಚಹಾಲ್ ಮಾತನಾಡಿದ್ದು, ದ್ವಿತೀಯಾರ್ಧದಲ್ಲಿ ಬೌಲಿಂಗ್ ಕಷ್ಟವಾಗಿದೆ. ಆದರೆ, ಇದಕ್ಕೆ ಹೊಂದಿಕೊಳ್ಳಲು ನಾವು ನಿಧಾನವಾಗಿ ಕಲಿಯುತ್ತಿದ್ದೇವೆ ಎಂದು ತಿಳಿಸಿದ್ದಾರೆ.
ಆರ್ಸಿಬಿ ಮುಂದಿನ ಪಂದ್ಯ ಶನಿವಾರ ಅಬುಧಾನಿಯ ಶೇಖ್ ಜಾಯೆದ್ ಕ್ರೀಡಾಂಗಣದಲ್ಲಿ ರಾಜಸ್ಥಾನ ರಾಯಲ್ಸ್ ವಿರುದ್ಧ ನಡೆಯಲಿದೆ. ಈ ಋತುವಿನಲ್ಲಿ ದುಬೈನಿಂದ ಹೊರಗೆ ನಡೆಯುವ ಮೊದಲ ಪಂದ್ಯವಾಗಿದೆ.
