ಸಚಿನ್​ರಿಂದ ಅಂತಹ ಭಯಂಕರ ಆಟ ನಾನೆಂದೂ ಕಂಡಿರಲಿಲ್ಲ.. 2003ರ ವಿಶ್ವಕಪ್​ ನೆನೆದ ಇಂಜಮಾಮ್​

ಭಾರತೀಯ ಬ್ಯಾಟ್ಸ್​ಮನ್​ಗಳ ಮೇಲಿನ ಒತ್ತಡವನ್ನು ಕಿತ್ತೆಸೆದಿದ್ದರು. ಭಯಂಕರವಾದ ನಮ್ಮ ವೇಗದ ಬೌಲಿಂಗ್ ದಾಳಿಯನ್ನು ಎದುರಿಸಿ ಅದ್ಭುತ ಇನ್ನಿಂಗ್ಸ್ ಕಟ್ಟಿದರು. ಇವರ ಬ್ಯಾಟಿಂಗ್​ ನೋಡಿದ ಇತರೆ ಬ್ಯಾಟ್ಸ್​ಮನ್​ಗಳು ಸುಲಭವಾಗಿ ರನ್​ ಗಳಿಸಿದರು..

ಮುಂಬೈ : ವಿಶ್ವ ಕಂಡ ಶ್ರೇಷ್ಟ ಬ್ಯಾಟ್ಸ್​ಮನ್​, ತನ್ನಾಟದಿಂದಲೇ ಕ್ರಿಕೆಟ್​ ದೇವರು ಎಂದು ಕರೆಸಿಕೊಂಡ ಭಾರತ ತಂಡದ ಬ್ಯಾಟಿಂಗ್ ದಿಗ್ಗಜ ಸಚಿನ್​ ತೆಂಡೂಲ್ಕರ್ 2003ರ ವಿಶ್ವ ಕಪ್‌ನಲ್ಲಿ ಪಾಕಿಸ್ತಾನ ವಿರುದ್ಧ ಆಡಿದ ಆಟವನ್ನು ನೆನೆಸಿಕೊಂಡಿರುವ ಪಾಕ್​ ಮಾಜಿ ನಾಯಕ ಇಂಜಮಾಮ್​ ಉಲ್ ಹಕ್​, ನನ್ನ ಪ್ರಕಾರ 'ಸಚಿನ್​ರ ವೃತ್ತಿ ಜೀವನದ ಅತ್ಯುತ್ತಮ ಇನ್ನಿಂಗ್ಸ್​ ' ಅದೇ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

2003ರ ವಿಶ್ವಕಪ್​ನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಪಾಕಿಸ್ತಾನ ತಂಡ 50 ಓವರ್​ಗಳಲ್ಲಿ 270 ರನ್​ಗಳಿಸಿತ್ತು. ಬೌಲಿಂಗ್​ ಸ್ನೇಹಿ ಪಿಚ್​ನಲ್ಲಿ ಗೆಲ್ಲಲು ಇಷ್ಟು ರನ್​ ಸಾಕು ಎಂದುಕೊಂಡಿದ್ದ ಪಾಕಿಸ್ತಾನ ತಂಡದ ಕನಸನ್ನು ಮಾಸ್ಟರ್​ ಬ್ಲಾಸ್ಟರ್​ ಸಚಿನ್​ ನುಚ್ಚುನೂರು ಮಾಡಿದ್ದರು.

ಕೇವಲ 75 ಎಸೆತಗಳಲ್ಲಿ 12 ಬೌಂಡರಿ ಹಾಗೂ 1 ಸಿಕ್ಸರ್​ ಸಿಡಿಸಿ 98 ರನ್​ಗಳಿಸಿದ್ದ ವೇಳೆ ಅಖ್ತರ್​ಗೆ ವಿಕೆಟ್​ ಒಪ್ಪಿಸಿದ್ದರು. ಆದರೆ, ಅಷ್ಟರಲ್ಲಾಗಲೇ ಅವರು ಭಾರತೀಯ ಬ್ಯಾಟ್ಸ್​ಮನ್​ಗಳಿಗೆ ಪಾಕಿಸ್ತಾನ್ ಬೌಲರ್​ಗಳನ್ನು ಚೆಂಡಾಡುವ ಮಾರ್ಗವನ್ನು ತೋರಿಸಿದ್ದರು. ಕೊನೆಗೆ ಭಾರತ ತಂಡ ಕೇವಲ 45.4 ಓವರ್​ಗಳಲ್ಲೆ 4 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತ್ತು.

• The most famous six of a World Cup? #OnThisDay in 2003, chasing 273 v Pakistan, @sachin_rt smashed 98 off 75 balls with 12 fours, 1 six (off Shoaib Akhtar) at Centurion.
  
  Is this the best World Cup innings by Tendulkar? Quote this tweet & let us know.pic.twitter.com/ks0Y5MKrfK

  — Cricketopia (@CricketopiaCom) February 29, 2020 " class="align-text-top noRightClick twitterSection" data="

  The most famous six of a World Cup? #OnThisDay in 2003, chasing 273 v Pakistan, @sachin_rt smashed 98 off 75 balls with 12 fours, 1 six (off Shoaib Akhtar) at Centurion.
  
  Is this the best World Cup innings by Tendulkar? Quote this tweet & let us know.pic.twitter.com/ks0Y5MKrfK

  — Cricketopia (@CricketopiaCom) February 29, 2020

  ">

  The most famous six of a World Cup? #OnThisDay in 2003, chasing 273 v Pakistan, @sachin_rt smashed 98 off 75 balls with 12 fours, 1 six (off Shoaib Akhtar) at Centurion.
  
  Is this the best World Cup innings by Tendulkar? Quote this tweet & let us know.pic.twitter.com/ks0Y5MKrfK

  — Cricketopia (@CricketopiaCom) February 29, 2020

'ಸಚಿನ್​ ಆಟವನ್ನು ನಾನೆಷ್ಟೋ ನೋಡಿದ್ದೇನೆ. ಆದರೆ, ಆ ಪಂದ್ಯದಲ್ಲಿ ಅವರು ಆಡಿದ ರೀತಿಯನ್ನು ನಾನು ಎಂದೂ ನೋಡಿರಲಿಲ್ಲ. ಬೌಲಿಂಗ್​ಗೆ ಅನುಕೂಲಕರ ವಾತಾವರಣದಲ್ಲಿ ನಮ್ಮ ಬೌಲರ್​ಗಳನ್ನು ಆತ ಎದುರಿಸಿದ ರೀತಿ ಅಮೋಘ. ಆ ಮ್ಯಾಚ್​ನಲ್ಲಿ 98 ರನ್​ಗಳಿಸಿದ್ದ ಅವರನ್ನು ಅಖ್ತರ್​ ಔಟ್​ ಮಾಡಿದ. ಆದ್ರೆ, ಸಚಿನ್​ರ ಆ ಇನ್ನಿಂಗ್ಸ್​ ಅತ್ಯುತ್ತಮವಾದದ್ದು ಆಗಿದೆ'

'ಭಾರತೀಯ ಬ್ಯಾಟ್ಸ್​ಮನ್​ಗಳ ಮೇಲಿನ ಒತ್ತಡವನ್ನು ಕಿತ್ತೆಸೆದಿದ್ದರು. ಭಯಂಕರವಾದ ನಮ್ಮ ವೇಗದ ಬೌಲಿಂಗ್ ದಾಳಿಯನ್ನು ಎದುರಿಸಿ ಅದ್ಭುತ ಇನ್ನಿಂಗ್ಸ್ ಕಟ್ಟಿದರು. ಇವರ ಬ್ಯಾಟಿಂಗ್​ ನೋಡಿದ ಇತರೆ ಬ್ಯಾಟ್ಸ್​ಮನ್​ಗಳು ಸುಲಭವಾಗಿ ರನ್​ ಗಳಿಸಿದರು.

ದಕ್ಷಿಣ ಆಫ್ರಿಕಾದಂತಹ ಬೌಂಲಿಂಗ್ ಸ್ನೇಹಿ ಪಿಷ್​ನಲ್ಲಿ ಅಕ್ರಮ್, ವಾಖರ್ ಯೂನೀಸ್, ಶೋಯಬ್ ಅಖ್ತರ್​ರಂತಹ ಬೌಲರ್​ಗಳಿದ್ದಿದ್ದರಿಂದ ನಮ್ಮ ಸ್ಕೋರ್​ ಉತ್ತಮವಾಗಿದೆ ಎಂದುಕೊಂಡಿದ್ದೆವು. ಆದ್ರೆ, ಸಚಿನ್​ ಅದ್ಭುತವಾಗಿ ಆಡಿದರು' ಎಂದು ಸಚಿನ್​ ವೀರಾವೇಶದ ಬ್ಯಾಟಿಂಗ್ ಬಗ್ಗೆ ಇಂಜಿ ಭಾರತೀಯ ಸ್ಪಿನ್ನರ್​ ಅಶ್ವಿನ್ ಜೊತೆ ನಡೆಸಿದ ವಿಡಿಯೋ ಸಂಭಾಷಣೆ ವೇಳೆ ತಿಳಿಸಿದ್ದಾರೆ.