ಹೈದರಾಬಾದ್: ಇಂಡಿಯನ್ ಪ್ರೀಮಿಯರ್ ಲೀಗ್ನ 13ನೇ ಆವೃತ್ತಿಯಲ್ಲಿ ಕೆಲವೊಂದು ತೆರೆ ಮರೆಯ ಪ್ರತಿಭೆಗಳು ಮಿಂಚು ಹರಿಸುತ್ತಿದ್ದು, ಅದರಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದಲ್ಲಿರುವ 20ರ ಯುವ ಸ್ಪಿನ್ನರ್ ರವಿ ಬಿಷ್ಣೋಯಿ ಕೂಡ ಒಬ್ಬರು. ತಾವು ಆಡುತ್ತಿರುವ ಮೊದಲ ಪಂದ್ಯದಿಂದಲೇ ಕಮಾಲ್ ಮಾಡುತ್ತಿರುವ ಈ ಆಟಗಾರನೊಂದಿಗೆ ಈಟಿವಿ ಭಾರತ ಎಕ್ಸ್ಕ್ಲೂಸಿವ್ ಸಂದರ್ಶನ ನಡೆಸಿದೆ.
ಕನ್ನಡಿಗನ ಸ್ಪೂರ್ತಿಯಿಂದಲೇ ಐಪಿಎಲ್ನಲ್ಲಿ ಅಬ್ಬರಿಸುತ್ತಿರುವ ರವಿ ಬಿಷ್ಣೋಯಿ ಚುಟುಕು ಕ್ರಿಕೆಟ್ನಲ್ಲಿ ವಿಕೆಟ್ಗಳ ಬೇಟೆಯಾಡುತ್ತಿದ್ದು, ಬ್ಯಾಟ್ಸ್ಮನ್ಗಳ ಪಾಲಿಗೆ ಸಿಂಹಸ್ವಪ್ನವಾಗಿದ್ದಾರೆ. ಅಂಡರ್-19 ವಿಶ್ವಕಪ್ 2020ರಲ್ಲಿ ಮಿಂಚಿದ ಆಧಾರದ ಮೇಲೆ ಐಪಿಎಲ್ನಲ್ಲಿ ಸ್ಥಾನ ಪಡೆದ ರವಿ ಬಿಷ್ಣೋಯಿ, ಈಟಿವಿ ಇಂಡಿಯಾ ಜೊತೆ ವಿಶೇಷ ಸಂವಾದ ನಡೆಸಿದರು.
ಪ್ರಸ್ತಕ ಸಾಲಿನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಸ್ಟಾರ್ ಬೌಲರ್ ಆಗಿ ಹೊರ ಹೊಮ್ಮಿರುವ ಬಿಷ್ಣೋಯಿ, ಡ್ರೆಸ್ಸಿಂಗ್ ರೂಂನಲ್ಲಿ ಲೆಜೆಂಟ್ ಆಟಗಾರರೊಂದಿಗೆ ಕಾಲ ಕಳೆಯುವುದು ಹಾಗೂ ಕೆ.ಎಲ್ ರಾಹುಲ್ ನಾಯಕತ್ವದ ಬಗ್ಗೆ ಮಾತನಾಡಿದ್ದಾರೆ.
ಡ್ರೆಸ್ಸಿಂಗ್ ರೂಂನಲ್ಲಿ ಕ್ರಿಸ್ ಗೇಲ್, ರಾಹುಲ್ ಭಾಯ್ ಅವರಂತಹ ದಂತಕತೆಗಳೊಂದಿಗೆ ಇರುವುದು ತುಂಬಾ ಸಂತೋಷ ಎಂದಿರುವ ಅವರು ಕೋಚ್ ಅನಿಲ್ ಕುಂಬ್ಳೆ ಬಗ್ಗೆ ಮೆಚ್ಚುಗೆ ಮಾತುಗಳನ್ನಾಡಿದ್ದಾರೆ. ಅವರೊಂದಿಗೆ ಕಲಿಯುವುದು ತುಂಬಾ ಇದೆ ಎಂದಿದ್ದಾರೆ. ಲೀಗ್ನಲ್ಲಿ ಆಡಲು ನನಗೆ ಅವಕಾಶ ಸಿಕ್ಕಿರುವುದಕ್ಕೆ ತುಂಬಾ ಖುಷಿ ಇದೆ. ತಂಡವನ್ನ ಗೆಲ್ಲಿಸುವ ಪ್ರಯತ್ನ ಮಾಡುತ್ತಿದ್ದೇನೆ ಎಂದರು.
ಐಪಿಎಲ್ನಲ್ಲಿ ರಿಷಭ್ ಪಂತ್ ವಿಕೆಟ್ ಪಡೆದುಕೊಳ್ಳುವ ಮೂಲಕ ತಮ್ಮ ವೃತ್ತಿ ಜೀವನದ ಮೊದಲ ವಿಕೆಟ್ ಪಡೆದುಕೊಂಡಿದ್ದು, ವಿಶೇಷ ಅನುಭವ ಎಂದಿದ್ದಾರೆ. ಖಾಲಿ ಕ್ರೀಡಾಂಗಣದಲ್ಲಿ ಐಪಿಎಲ್ ಆಡುತ್ತಿರುವುದು ಸ್ವಲ್ಪ ಬೇಸರವಿದೆ. ಅಭಿಮಾನಿಗಳಿದ್ದರೆ ನಮ್ಮ ಉತ್ಸಾಹ ಮತ್ತಷ್ಟು ಹೆಚ್ಚಾಗುತ್ತಿತ್ತು. ಆದರೆ ಸಾಂಕ್ರಾಮಿಕ ರೋಗದ ಕಾರಣ ಏನನ್ನೂ ಮಾಡಲು ಸಾಧ್ಯವಿಲ್ಲ ಎಂದಿದ್ದಾರೆ.
ರಾಹುಲ್ ಓರ್ವ ಅದ್ಭುತ ಕ್ಯಾಪ್ಟನ್. ವಿಕೆಟ್ ಕೀಪಿಂಗ್ ಮಾಡುವಾಗಲೂ ಎಲ್ಲವನ್ನೂ ನೋಡುತ್ತಲೇ ಇರುತ್ತಾರೆ. ವಿಕೆಟ್ ಕೀಪರ್ ಉತ್ತಮ ಕ್ಯಾಪ್ಟನ್ ಆಗಬಹುದು. ಅವರು ತುಂಬಾ ಕೂಲ್ ಕ್ಯಾಪ್ಟನ್ ಎಂದು ಹೇಳಿದ್ದಾರೆ. ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆಯುವ ಬಗ್ಗೆ ಮಾತನಾಡಿದ ಅವರು, ಅದಕ್ಕಾಗಿ ಯಾವುದೇ ಸಮಯ ಫಿಕ್ಸ್ ಇಲ್ಲ. ಅದರ ಕಡೆ ಗಮನ ಹರಿಸುತ್ತೇನೆ. ಅವಕಾಶ ಸಿಕ್ಕರೆ ಖಂಡಿತವಾಗಿ ಸಿದ್ಧನಾಗಿರುತ್ತೇನೆ ಎಂದಿದ್ದಾರೆ.
