ಮುಂಬೈ: ಐಪಿಎಲ್ 13 ವರ್ಷಗಳ ವಾರ್ಷಿಕೋತ್ಸವವನ್ನು ಆಚರಿಸಿಕೊಳ್ಳುತ್ತಿದ್ದು ಚೆನ್ನೈ ಸೂಪರ್ ಕಿಂಗ್ಸ್ ಎಂಎಸ್ ಧೋನಿ ಹಾಗೂ ಮುಂಬೈ ಇಂಡಿಯನ್ಸ್ ತಂಡದ ರೋಹಿತ್ ಶರ್ಮಾ ಐಪಿಎಲ್ನ ಸರ್ವಶ್ರೇಷ್ಠ ನಾಯಕರು ಎಂದು ಘೋಷಣೆ ಮಾಡಲಾಗಿದೆ.
20 ಮಂದಿ ಮಾಜಿ ಕ್ರಿಕೆಟಿಗರು, 10 ಮಂದಿ ಕ್ರೀಡಾ ವರದಿಗಾರರು, 10 ಮಂದಿ ಅಂಕಿ ಅಂಶ ತಜ್ಞರು ಹಾಗೂ ವಿಮರ್ಶಕರು, 7 ಪ್ರಸಾರಕರು ಹಾಗೂ ಮೂರು ಆ್ಯಂಕರ್ಸ್ಗಳ ತಂಡ ಅತ್ಯುತ್ತಮ 10 ಆಟಗಾರರ ಲಿಸ್ಟ್, 5 ಅತ್ಯುತ್ತಮ ನಾಯಕರು ಹಾಗೂ 3 ಕೋಚ್ಗಳನ್ನು ಆಯ್ಕೆ ಮಾಡಲಾಗಿತ್ತು.
50 ಸದಸ್ಯರ ತೀರ್ಪುಗಾರರ ಮತಗಳ ಆಧಾರದ ಮೇಲೆ 3 ಹೆಸರುಗಳ ಕಿರುಪಟ್ಟಿಯನ್ನು ಕೆಕೆಆರ್ ತಂಡಕ್ಕೆ ಎರಡು ಬಾರಿ ಟ್ರೋಫಿ ತಂದುಕೊಟ್ಟ ನಾಯಕ ಗೌತಮ್ ಗಂಭೀರ್ ಹೆಸರಿಸಿದ್ದಾರೆ. ಗಂಭೀರ್ ಜೊತೆಗೆ ಇಂಗ್ಲೆಂಡ್ನ ಪೀಟರ್ಸನ್, ನೆಹ್ರಾ, ಇರ್ಫಾನ್ ಪಠಾಣ್, ಹಾಗೂ ಕಿವೀಸ್ ಮಾಜಿ ವೇಗಿ ಹಾಗೂ ಕಾಮೆಂಟೇಟರ್ ಡ್ಯಾನಿ ಮೊರೊಸನ್ ವಿಜೇತರನ್ನು ಆಯ್ಕೆ ಮಾಡಿದ್ದಾರೆ.
ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು 3 ಬಾರಿ ಚಾಂಪಿಯನ್ ಪಟ್ಟಕ್ಕೆ ಹಾಗೂ ಟೂರ್ನಿಗಳಲ್ಲಿ 5 ರನ್ನರ್ ಆಪ್ ಸಹಿತ ಆಡಿದ 10 ಆವೃತ್ತಿಗಳಲ್ಲಿ ಪ್ಲೇ ಆಫ್ ಹಂತಕ್ಕೆ ಕೊಂಡೊಯ್ದಿದ್ದಾರೆ. ಇನ್ನು ರೋಹಿತ್ ಶರ್ಮಾ ಮುಂಬೈ ಪರ 7 ಆವೃತ್ತಿಗಳಲ್ಲಿ 4 ಬಾರಿ ಚಾಂಪಿಯನ್ ಪಟ್ಟಕ್ಕೇರಿಸಿದ್ದಾರೆ. ಹೀಗಾಗಿ ಇವರಿಬ್ಬರನ್ನು ಐಪಿಎಲ್ನ ಶ್ರೇಷ್ಠ ನಾಯಕರ ವಿಭಾಗಕ್ಕೆ ಆಯ್ಕೆ ಮಾಡಲಾಗಿದೆ.
ಶ್ರೇಷ್ಠ ಬ್ಯಾಟ್ಸ್ಮನ್
ಮಿಸ್ಟರ್ 360 ಡಿಗ್ರಿ ಖ್ಯಾತಿಯ ಎಬಿಡಿ ವಿಲಿಯರ್ಸ್ರನ್ನು ಐಪಿಎಲ್ಬ ಶ್ರೇಷ್ಠ ಬ್ಯಾಟ್ಸ್ಮನ್ ಎಂದು ಘೋಷಣೆ ಮಾಡಲಾಗಿದೆ. ಐಪಿಎಲ್ನಲ್ಲಿ ಹೆಚ್ಚುರನ್ ಸರದಾರರಾದ ವಿರಾಟ್ ಕೊಹ್ಲಿ ಹಾಗೂ ಸುರೇಶ್ ರೈನಾ ಅವರ ಕಠಿಣ ಸ್ಪರ್ಧೆಯ ನಡುವೆ ಆಯ್ಕೆಗಾರರು ಎಬಿಡಿಯನ್ನು ಆಯ್ಕೆ ಮಾಡಿದ್ದಾರೆ.
ಶ್ರೇಷ್ಠ ಬೌಲರ್
ಮುಂಬೈ ಇಂಡಿಯನ್ಸ್ನ ಲಸಿತ್ ಮಲಿಂಗಾ ಐಪಿಎಲ್ನ ಶ್ರೇಷ್ಠ ಬೌಲರ್ ಆಗಿ ಹೊರಹೊಮ್ಮಿದ್ದಾರೆ. ಅವರು 122 ಪಂದ್ಯಗಳಲ್ಲಿ 170 ವಿಕೆಟ್ ಪಡೆದಿದ್ದಾರೆ.
ಶ್ರೇಷ್ಠ ಆಲ್ರೌಂಡರ್
2018 ಹಾಗೂ 19 ರ ಆವೃತ್ತಿಗಳಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಫೈನಲ್ಗೇರಲು ನೆರವಾಗಿದ್ದ ಆಸ್ಟ್ರೇಲಿಯಾದ ಶೇನ್ ವಾಟ್ಸನ್ ಕೆಕೆಆರ್ ಹಾಗೂ ಸಿಎಸ್ಕೆಯ ಡ್ವೇನ್ ಬ್ರಾವೋರನ್ನು ಹಿಂದಿಕ್ಕಿ ಆಲ್ರೌಂಡರ್ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
