ಶಾರ್ಜಾ: ಸನ್ರೈಸರ್ಸ್ ಹೈದರಾಬಾದ್ ತಂಡದ ನಾಯಕ ಡೇವಿಡ್ ವಾರ್ನರ್ ಸತತ 6ನೇ ವರ್ಷ ಐಪಿಎಲ್ನಲ್ಲಿ 500 ಅಥವಾ ಅದಕ್ಕಿಂತ ಹೆಚ್ಚು ರನ್ಗಳನ್ನು ಬಾರಿಸಿದ ಮೊದಲ ಬ್ಯಾಟ್ಸ್ಮನ್ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ.
2014ರಲ್ಲಿ ಸನ್ರೈಸರ್ಸ್ ತಂಡಕ್ಕೆ ಸೇರ್ಪಡೆಗೊಂಡಿದ್ದ ವಾರ್ನರ್ 2020ರ ವರೆಗೆ ಆಡಿರುವ ಎಲ್ಲಾ ಆವೃತ್ತಿಗಳಲ್ಲೂ 500ಕ್ಕಿಂತ ಹೆಚ್ಚು ರನ್ಗಳಿಸಿದ್ದಾರೆ. ಈ ಮೂಲಕ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಹೆಚ್ಚು ಬಾರಿ 500+ ರನ್ ಬಾರಿಸಿದ ದಾಖಲೆಗೆ ಪಾತ್ರರಾದರು.
ವಾರ್ನರ್ 2018ರಲ್ಲಿ ಬಾಲ್ ಟ್ಯಾಂಪರಿಂಗ್ ಪ್ರಕರಣಕ್ಕೆ ಸಿಲುಕಿ ನಿಷೇಧಕ್ಕೊಳಗಾಗಿದ್ದರಿಂದ 11ನೇ ಆವೃತ್ತಿಯಲ್ಲಿ ಆಡಿರಲಿಲ್ಲ. ಆ ಒಂದು ಆವೃತ್ತಿ ಹೊರೆತುಪಡಿಸಿದರೆ, 2014ರಿಂದ 2020ರವರೆಗೆ ಎಲ್ಲಾ ಆವೃತ್ತಿಗಳಲ್ಲೂ 500ಕ್ಕಿಂತ ಹೆಚ್ಚಿನ ರನ್ಗಳಿಸಿದ್ದಾರೆ. ವಾರ್ನರ್ ಹೊರೆತುಪಡಿಸಿದರೆ ಆರ್ಸಿಬಿ ನಾಯಕ ವಿರಾಟ್ ಕೊಹ್ಲಿ 13 ಆವೃತ್ತಿಗಳಲ್ಲಿ 5ಬಾರಿ, ಡೆಲ್ಲಿ ತಂಡದ ಶಿಖರ್ ಧವನ್ 4 ಬಾರಿ ಈ ಸಾಧನೆ ಮಾಡಿದ್ದಾರೆ.
ಸನ್ರೈಸರ್ಸ್ ಪರ ವಾರ್ನರ್ ರನ್ಗಳಿಕೆ
2014- 528
2015-562(ಆರೆಂಜ್ ಕ್ಯಾಪ್)
2016-848
2017-641(ಆರೆಂಜ್ ಕ್ಯಾಪ್)
2019- 692 (ಆರೆಂಜ್ ಕ್ಯಾಪ್)
2020 -501*
