ಬ್ರಿಸ್ಬೇನ್: ಐಪಿಎಲ್ ನಂತರ ವಿಶ್ವದ ಪ್ರಮುಖ ಟಿ-20 ಟೂರ್ನಮೆಂಟ್ ಆಗಿರುವ ಆಸ್ಟ್ರೇಲಿಯಾದ ಬಿಗ್ಬ್ಯಾಶ್ ಈ ಬಾರಿ ಹೊಸದಾದ ಮೂರು ನಿಯಮಗಳನ್ನು ಜಾರಿಗೆ ತಂದಿದೆ.
ಬಿಗ್ಬ್ಯಾಶ್ 2020ರ ಆವೃತ್ತಿಯಲ್ಲಿ ಟೂರ್ನಿ ಆಕರ್ಷಿಸುವುದಕ್ಕಾಗಿ ಪವರ್ ಸರ್ಜ್, ಎಕ್ಸ್-ಫ್ಯಾಕ್ಟರ್ ಹಾಗೂ ಬ್ಯಾಶ್ ಬೂಸ್ಟ್ ಎಂಬ 3 ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ.
ಪವರ್ ಸರ್ಜ್:
ಟಿ-20 ಕ್ರಿಕೆಟ್ನಲ್ಲಿ ಪ್ರಸ್ತುತ ಮೊದಲ 6 ಓವರ್‌ಗಳು ಬ್ಯಾಟಿಂಗ್ ಪವರ್ ಪ್ಲೇ ಆಗಿವೆ. ಈ ವೇಳೆ 30 ಅಡಿ ವೃತ್ತದಿಂದ ಆಚೆಗೆ ಕೇವಲ ಇಬ್ಬರು ಆಟಗಾರರಿಗೆ ಅವಕಾಶವಿರುತ್ತದೆ. ಬಿಗ್ಬ್ಯಾಶ್ನಲ್ಲಿ ಪವರ್ ಪ್ಲೇಯನ್ನು ಮೊದಲ 4 ಓವರ್‌ಗಳಿಗೆ ಸೀಮಿತಗೊಳಿಸಲಾಗಿದೆ.
ಉಳಿದ 2 ಓವರ್ಗಳನ್ನು 11ನೇ ಓವರ್ ಬಳಿಕ ತಮಗಿಷ್ಟ ಬಂದ ಸಮಯದಲ್ಲಿ 2ನೇ ಪವರ್ ಪ್ಲೇ ಪಡೆಯುವ ಅವಕಾಶವನ್ನು ಬ್ಯಾಟಿಂಗ್ ಮಾಡುವ ತಂಡಕ್ಕೆ ನೀಡಲಾಗಿದೆ.
ಎಕ್ಸ್ - ಫ್ಯಾಕ್ಟರ್ ಪ್ಲೇಯರ್ :
11ರ ಬಳಗದ ಜೊತೆ ಇಬ್ಬರು ಹೆಚ್ಚುವರಿ ಆಟಗಾರರನ್ನ ಹೆಸರಿಸಲು ಅವಕಾಶ. ಆ ಇಬ್ಬರಲ್ಲಿ ಓರ್ವ ಆಟಗಾರರ 10ನೇ ಓವರ್ ಬಳಿಕ ಆಡುವ 11ರ ಬಳಗದಲ್ಲಿ ಬ್ಯಾಟಿಂಗ್ ಮಾಡದ ಅಥವಾ ಒಂದಕ್ಕಿಂತ ಕಡಿಮೆ ಓವರ್ ಎಸೆದಿರುವ ಯಾವುದೇ ಆಟಗಾರನ ಬದಲಿ ಆಟಗಾರನಾಗಿ ಕಣಕ್ಕಿಳಿಯುವ ಅವಕಾಶ ನೀಡಲಾಗಿದೆ.
ಬ್ಯಾಶ್ ಬೂಸ್ಟ್ :-
10 ಓವರ್ಗಳಲ್ಲಿ ಚೇಸ್ ಮಾಡುವ ತಂಡ ಮೊದಲು ಬ್ಯಾಟಿಂಗ್ ಮಾಡಿದ ತಂಡಕ್ಕಿಂತ ಹೆಚ್ಚು ರನ್ ಗಳಿಸಿದರೆ ಆ ತಂಡಕ್ಕೆ ಒಂದು ಬೋನಸ್ ಅಂಕ ನೀಡುವುದು. ಅದೇ ರೀತಿ ಮೊದಲ 10 ಓವರ್ಗಳಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ತಂಡಕ್ಕಿಂತ ಕಡಿಮೆ ಮೊತ್ತ ದಾಖಲಿಸಿದರೆ ಬೌಲಿಂಗ್ ಮಾಡುವ ತಂಡ ಬೋನಸ್ ಅಂಕ ಪಡೆಯಲಿದೆ.
ಡಿಸೆಂಬರ್ 10ರಿಂದ 10ನೇ ಆವೃತ್ತಿಯ ಬಿಗ್ಬ್ಯಾಶ್ ಲೀಗ್ ಆರಂಭಗೊಳ್ಳಲಿದ್ದು, ಈ ನಿಯಮಗಳು ಚಾಲ್ತಿಗೆ ಬರಲಿವೆ. ಕ್ರಿಕೆಟ್ ಆಸ್ಟ್ರೇಲಿಯಾದ ಈ ಹೊಸ ಪದ್ಧತಿ ಕ್ರಿಕೆಟ್ ಅಭಿಮಾನಿಗಳಿಗೆ ಕುತೂಹಲ ತರಿಸಿದೆ.
