ಟಿ-10 ಟೂರ್ನಿ ಫೈನಲ್: ದೆಹಲಿ ಬುಲ್ಸ್​​​ ಮಣಿಸಿ 2ನೇ ಬಾರಿ ಟ್ರೋಫಿಗೆ ಮುತ್ತಿಕ್ಕಿದ ನಾರ್ದರ್ನ್ ವಾರಿಯರ್ಸ್

ಅಬುಧಾಬಿಯಲ್ಲಿ ನಡೆದ ಟಿ-10 ಫೈನಲ್​ ಪಂದ್ಯದಲ್ಲಿ ದೆಹಲಿ ಬುಲ್ಸ್​ ಮಣಿಸಿದ ವಾರಿಯರ್ಸ್ ತಂಡ 8.2 ಓವರ್‌ಗಳಲ್ಲಿ 2 ವಿಕೆಟ್​​ ಕಳೆದುಕೊಂಡು 85 ರನ್​ಗಳಿಸುವ ಮೂಲಕ ಎರಡನೇ ಬಾರಿ ಟ್ರೋಫಿಗೆ ಮುತ್ತಿಕ್ಕಿದೆ.

ಅಬುಧಾಬಿ : ಯುನೈಟೆಡ್ ಅರಬ್ ಎಮಿರೇಟ್ಸ್‌ನ ಶೇಖ್ ಜಾಯೆದ್ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಟಿ-10 ಟೂರ್ನಿಯ ಫೈನಲ್​ ಪಂದ್ಯದಲ್ಲಿ ನಾರ್ದರ್ನ್ ವಾರಿಯರ್ಸ್ ದೆಹಲಿ ಬುಲ್ಸ್ ತಂಡವನ್ನು ಎಂಟು ವಿಕೆಟ್‌ಗಳಿಂದ ಸೋಲಿಸಿತು.

• Winners are grinners 🏆#AbuDhabiT10 pic.twitter.com/VXTyL2JDEB

  — T10 League (@T10League) February 6, 2021 " class="align-text-top noRightClick twitterSection" data="

  Winners are grinners 🏆#AbuDhabiT10 pic.twitter.com/VXTyL2JDEB

  — T10 League (@T10League) February 6, 2021

  ">

  Winners are grinners 🏆#AbuDhabiT10 pic.twitter.com/VXTyL2JDEB

  — T10 League (@T10League) February 6, 2021

ಟಾಸ್​​ ಗೆದ್ದು ವಾರಿಯರ್ಸ್ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಬ್ಯಾಟಿಂಗ್​ ಇಳಿದ ದೆಹಲಿ ಬುಲ್ಸ್​ ತಂಡ ನಿಗಧಿತ 10 ಓವರ್‌ಗಳಲ್ಲಿ ಒಂಬತ್ತು ವಿಕೆಟ್‌ ಕಳೆದುಕೊಂಡು 81 ರನ್​ಗಳಿಸಿತು. ಬುಲ್ಸ್​​ ಪರ ಮೊಹಮ್ಮದ್ ನಬಿ 10 ಎಸೆತಗಳಲ್ಲಿ 21 ರನ್ ಗಳಿಸಿ ಮಿಂಚಿದರೆ, ವಾರಿಯರ್ಸ್ ಪರ ಅದ್ಭುತ ಬೌಲಿಂಗ್​​ ಮಾಡಿದ ಆಫ್ ಸ್ಪಿನ್ನರ್ ಮಹೀಶ್ ಥೀಕ್ಷಾನಾ ತಮ್ಮ ಎರಡು ಓವರ್‌ಗಳಲ್ಲಿ ಕೇವಲ 14 ರನ್​​ ನೀಡಿ ಮೂರು ವಿಕೆಟ್ ಪಡೆದರು.

ಈ ಸಾಧರಣ ಟಾರ್ಗೆಟ್​ ಬೆನ್ನತ್ತಿದ ವಾರಿಯರ್ಸ್ ತಂಡ 8.2 ಓವರ್‌ಗಳಲ್ಲಿ 2 ವಿಕೆಟ್​​ ಕಳೆದುಕೊಂಡು 85 ರನ್​ಗಳಿಸುವ ಮೂಲಕ ಎರಡನೇ ಬಾರಿ ಟ್ರೋಫಿಗೆ ಮುತ್ತಿಕ್ಕಿತು.

ಸಂಕ್ಷಿಪ್ತ ಸ್ಕೋರ್‌: ದೆಹಲಿ ಬುಲ್ಸ್ 81/9 ( ನಬಿ 21, ಎಂ ಥೀಕ್ಷಾನಾ 3/14), ನಾರ್ದರ್ನ್ ವಾರಿಯರ್ಸ್ 85/2 ( ಮುಹಮ್ಮದ್ 27, ಎಫ್ ಎಡ್ವರ್ಡ್ಸ್ 1/18) .