ಡೆಹ್ರಾಡೂನ್ (ಉತ್ತರಾಖಂಡ): ಹದಿಹರೆಯದ ಕ್ರಿಕೆಟ್ ಆಟಗಾರ್ತಿಯರೊಂದಿಗೆ ಅಶ್ಲೀಲವಾಗಿ ಮಾತನಾಡಿದ ಆರೋಪದ ಮೇಲೆ ನರೇಂದ್ರ ಲಾಲ್ ಶಾ ಅವರನ್ನು ನೆಹರು ಕಾಲೋನಿ ಪೊಲೀಸರು ಬಂಧಿಸಿದ್ದಾರೆ. ನಿನ್ನೆ ತಡರಾತ್ರಿಯಷ್ಟೇ ಅವರು ಏಮ್ಸ್ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದರು.
ಆರೋಪಿ ಕ್ರಿಕೆಟ್ ಕೋಚ್ ನರೇಂದ್ರ ಲಾಲ್ ಶಾ ತರಬೇತಿಗೆ ಬರುತ್ತಿದ್ದ ಕ್ರಿಕೆಟ್ ಆಟಗಾರ್ತಿಯರೊಂದಿಗೆ ಅಶ್ಲೀಲವಾಗಿ ಮಾತನಾಡಿದ್ದರು ಎಂಬ ಆರೋಪ ಎದುರಿಸುತ್ತಿದ್ದು, ಕೋಚ್ ವಿರುದ್ಧ ದೂರು ಕೂಡ ದಾಖಲಾಗಿತ್ತು. ಜೊತೆಗೆ ಕೋಚ್ ಅಶ್ಲೀಲವಾಗಿ ಮಾತನಾಡಿದ್ದ ಆಡಿಯೋ ಕೂಡ ವೈರಲ್ ಆಗಿತ್ತು. ಆಡಿಯೋ ವೈರಲ್ ಆದ ಬೆನ್ನಲ್ಲೇ ಲಾಲ್ ಶಾ ಆತ್ಮಹತ್ಯೆಗೆ ಯತ್ನಿಸಿದ್ದರು. ಹಾಗಾಗಿ ಅವರನ್ನ ಡೂನ್ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿತ್ತು. ಮತ್ತೆ ಅವರಿಗೆ ಹೊಟ್ಟೆ ನೋವು ಕಾಣಿಸಿಕೊಂಡಿದ್ದರಿಂದ ರಿಷಿಕೇಶ ಏಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಇದೀಗ ನರೇಂದ್ರ ಲಾಲ್ ಶಾ ಡಿಸ್ಚಾರ್ಜ್ ಆಗಿದ್ದು ತಕ್ಷಣವೇ ನೆಹರು ಕಾಲೋನಿ ಪೊಲೀಸರು ಬಂಧಿಸಿದ್ದಾರೆ.
ನರೇಂದ್ರ ಲಾಲ್ ಶಾ ವಿರುದ್ಧ ದಾಖಲಾಗಿದೆ ಪೋಕ್ಸೋ ಪ್ರಕರಣ: ಲಾಲ್ ಶಾ ವಿರುದ್ಧ ಆರೋಪ ಮಾಡಿದ್ದ ಮೂವರು ಬಾಲಕಿಯರ ಹೇಳಿಕೆಗಳನ್ನು ಪೊಲೀಸರು ದಾಖಲಿಸಿಕೊಂಡಿದ್ದಾರೆ. ಜೊತೆಗೆ ಈತನ ವಿರುದ್ಧ POCSO ಜೊತೆಗೆ SC-ST ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ಇನ್ನು ಏಮ್ಸ್ ವೈದ್ಯರು ಐದು ದಿನಗಳ ನಂತರ ವಾಪಸ್ ನರೇಂದ್ರ ಲಾಲ್ ಶಾ ಅವರನ್ನು ಆರೋಗ್ಯ ನಿಮಿತ್ತ ಆಸ್ಪತ್ರೆಗೆ ಕರೆದುಕೊಂಡು ಬರುವಂತೆ ಸೂಚಿಸಿದ್ದಾರೆ. ನರೇಂದ್ರ ಲಾಲ್ನ್ನು ಬಂಧಿಸಿರುವ ಪೊಲೀಸರು ಇಂದು ನ್ಯಾಯಾಲಯಕ್ಕೆ ಹಾಜರುಪಡಿಸಲಿದ್ದಾರೆ.
ಆಡಿಯೋ ವೈರಲ್; ಆತ್ಮಹತ್ಯೆಗೆ ಯತ್ನ: ಕ್ರಿಕೆಟ್ ತರಬೇತುದಾರ ನರೇಂದ್ರ ಲಾಲ್ ಶಾ ಫೋನ್‌ನಲ್ಲಿ ಅಶ್ಲೀಲ ಮಾತಿನಿಂದ ಕ್ರಿಕೆಟ್ ಬಾಲಕಿ ಆಟಗಾರರಿಗೆ ಕಿರುಕುಳ ನೀಡುತ್ತಿದ್ದರು ಎನ್ನಲಾಗಿದೆ. ಆ ಬಗ್ಗೆ ಮಾತನಾಡುವ ಆಡಿಯೋ ಕೂಡ ವೈರಲ್ ಆಗಿತ್ತು. ಆಡಿಯೋ ವೈರಲ್ ಆದ ನಂತರ ನರೇಂದ್ರ ಲಾಲ್ ಶಾ ಆತ್ಮಹತ್ಯೆಗೆ ಯತ್ನಿಸಿದ್ದು, ಕಳೆದ ಹಲವು ದಿನಗಳಿಂದ ಡೂನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಮಂಗಳವಾರ, ಏಪ್ರಿಲ್ 4 ರಂದು ನರೇಂದ್ರ ಲಾಲ್ ಷಾ ಹೊಟ್ಟೆ ನೋವಿನ ಕಾರಣ ರಿಷಿಕೇಶ ಏಮ್ಸ್‌ಗೆ ದಾಖಲಾಗಿದ್ದರು. ಏಮ್ಸ್‌ನಿಂದ ಬಿಡುಗಡೆಯಾದ ತಕ್ಷಣ ನರೇಂದ್ರ ಲಾಲ್ ಶಾನನ್ನು ಬಂಧಿಸಲಾಯಿತು.
ಈ ಕುರಿತು ನೆಹರು ಕಾಲೋನಿ ಪೊಲೀಸ್ ಠಾಣೆಯ ಲೋಕೇಂದ್ರ ಬಹುಗುಣ ಹೇಳಿಕೆ ನೀಡಿದ್ದು, ಲಾಲ್ ಶಾ ಆಸ್ಪತ್ರೆಯಿಂದ ಬಿಡುಗಡೆಗೊಳ್ಳುವ ಮೊದಲೇ ನೆಹರು ಕಾಲೋನಿ ಪೊಲೀಸ್ ಠಾಣೆಯ ಪೊಲೀಸರು ಆಸ್ಪತ್ರೆಗೆ ಧಾವಿಸಿದ್ದರು. ಈಗ ಬಂಧನದ ನಂತರ ಡೆಹ್ರಾಡೂನ್‌ಗೆ ಕರೆತರಲಾಗಿದೆ. ಇಂದು ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ.
ಬಂಧನಕ್ಕೊಳಗಾಗಿರುವ ನರೇಂದ್ರ ಲಾಲ್ ಶಾ ಕ್ರಿಕೆಟ್ ಆಟಗಾರ್ತಿ ಸ್ನೇಹ ರಾಣಾಗೆ ತರಬೇತಿ ನೀಡಿದ್ದಾರೆ. ನರೇಂದ್ರ ಲಾಲ್ ಶಾ ಡೆಹ್ರಾಡೂನ್‌ನಲ್ಲಿ ಲಿಟಲ್ ಮಾಸ್ಟರ್ ಕ್ರಿಕೆಟ್ ಕ್ಲಬ್ ಎಂಬ ಕೋಚಿಂಗ್ ಅಕಾಡೆಮಿಯನ್ನು ನಡೆಸುತ್ತಿದ್ದು, ಈ ಅಕಾಡೆಮಿಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಹುಡುಗರು, ಹುಡುಗಿಯರು ತರಬೇತಿ ಪಡೆಯುತ್ತಿದ್ದರು.
ಇದನ್ನೂ ಓದಿ: ವೃದ್ಧೆ ಕೊಂದು ಅತ್ಯಾಚಾರ ಎಸಗಿದ ವಿಕೃತ ಕಾಮಿಯ ಬಂಧನ
