ವೃದ್ಧಿಮಾನ್​ ಸಹಾಗೆ ಬೆದರಿಕೆ ಹಾಕಿದ ಪತ್ರಕರ್ತನನ್ನು 2 ವರ್ಷ ನಿಷೇಧಿಸಿದ ಬಿಸಿಸಿಐ

ಸಹಾಗೆ ಬೆದರಿಕೆಯಾಕಿದ್ದ ಮಜುಂದಾರ್ ಎರಡು ವರ್ಷಗಳ ಕಾಲ ಬಿಸಿಸಿಐ ವ್ಯಾಪ್ತಿಯ ಯಾವುದೇ ಕ್ರೀಡಾಂಗಣಗಳ ಒಳಗೆ ಪ್ರವೇಶಿಸಲು ಅನುಮತಿಸಬಾರದು ಎಂದು ಭಾರತೀಯ ಕ್ರಿಕೆಟ್ ಮಂಡಳಿಯ ಎಲ್ಲ ರಾಜ್ಯ ಘಟಕಗಳಿಗೆ ಮಾಹಿತಿ ನೀಡಿರುವುದಾಗಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಮುಂಬೈ: ಸಂದರ್ಶನ ನೀಡದ ಕಾರಣಕ್ಕೆ ಭಾರತ ತಂಡದ ಹಿರಿಯ ವಿಕೆಟ್ ಕೀಪರ್ ಬ್ಯಾಟರ್​ ವೃದ್ಧಿಮಾನ್ ಸಹಾ ಅವರಿಗೆ ಬೆದರಿಕೆ ಹಾಕಿದ್ದ ಆರೋಪದಲ್ಲಿ ಪತ್ರಕರ್ತ ಬೋರಿಯಾ ಮಜುಂದಾರ್ ತಪ್ಪಿತಸ್ಥ ಎಂದು ತನಿಖಾ ಸಮಿತಿಯಿಂದ ಖಚಿತವಾಗಿರುವುದರಿಂದ, ಬಿಸಿಸಿಐ 2 ವರ್ಷಗಳ ಕಾಲ ಅವರನ್ನು ನಿಷೇಧಿಸಿದೆ.

ಶ್ರೀಲಂಕಾ ವಿರುದ್ಧದ ಟೆಸ್ಟ್​ ಸರಣಿಗೆ ಭಾರತ ತಂಡ ಘೋಷಿಸಿದ ವೇಳೆ ಸಹಾರನ್ನು ಆಯ್ಕೆ ಸಮಿತಿ ತಂಡದಿಂದ ಕೈಬಿಟ್ಟಿತ್ತು. ಈ ವೇಳೆ, ಮಜುಂದಾರ್​ ಸಂದರ್ಶನಕ್ಕಾಗಿ ಸಹಾ ಅವರಿಗೆ ವಾಟ್ಸ್​ಆ್ಯಪ್​​ ಮೂಲಕ ಕೇಳಿಕೊಂಡಿದ್ದರು. ಅಲ್ಲದೇ ಮೊದಲು ತಮಗೇ ಸಂದರ್ಶನ ನೀಡಬೇಕೆಂದು ತಾಕೀತು ಕೂಡ ಮಾಡಿದ್ದರು. ಆದರೆ, ಸಂದರ್ಶನಕ್ಕೆ ನಿರಾಕರಿಸಿದ್ದಕ್ಕೆ ಮಜುಂದಾರ್ ಸಹಾ ವಿರುದ್ಧ ಕಟುವಾದ ಮಾತುಗಳನ್ನ ಆಡಿದ್ದಲ್ಲದೆ, ಇದಕ್ಕೆ ಪರಿಣಾಮ ಎದುರಿಸುತ್ತೀರಾ ಎಂದು ಬೆದರಿಕೆಯೊಡ್ಡಿದ್ದರು.

ಈ ಸಂದೇಶಗಳನ್ನು ಸಹಾ ತಮ್ಮ ಟ್ವಿಟರ್​ನಲ್ಲಿ ಶೇರ್​ ಮಾಡಿದ್ದು, ಕ್ರಿಕೆಟ್​ ವಯಲದಲ್ಲಿ ಭಾರಿ ಚರ್ಚೆಗೆ ಒಳಗಾಗಿತ್ತು. ಕೆಲವು ಮಾಜಿ ಆಟಗಾರರು ಕೂಡ ಸಹಾ ಬೆನ್ನಿಗೆ ನಿಂತು ಪತ್ರಕರ್ತನ ವಿರುದ್ಧ ಹರಿಹಾಯ್ದಿದ್ದರು. ಕೊನೆಗೆ ಬಿಸಿಸಿಐ ತನಿಖಾ ಸಮಿತಿ ನೇಮಿಸಿ ವಿಚಾರಣೆ ನಡೆಸಿತ್ತು. ಇದೀಗ ಮಜುಂದಾರ್ ತಪ್ಪಿತಸ್ಥ ಎಂದು ಕಂಡ ಬಂದಮೇಲೆ ಅವರನ್ನು 2 ವರ್ಷ ನಿಷೇಧಿಸಿದೆ.

ವೃದ್ಧಿಮಾನ್​ ಸಹಾಗೆ ಬೆದರಿಕೆ ಹಾಕಿದ ಮಜುಂದಾರ್​ ಸಹಾಗೆ 2 ವರ್ಷ ನಿಷೇಧ

ಈ ಎರಡು ವರ್ಷಗಳ ಕಾಲ ಮಜುಂದಾರ್​ ಯಾವುದೇ ಬಿಸಿಸಿಐ ವ್ಯಾಪ್ತಿಯ ಕ್ರೀಡಾಂಗಣಗಳ ಒಳಗೆ ಪ್ರವೇಶಿಸಲು ಅನುಮತಿಸಬಾರದು ಎಂದು ಭಾರತೀಯ ಕ್ರಿಕೆಟ್ ಮಂಡಳಿಯ ಎಲ್ಲಾ ರಾಜ್ಯ ಘಟಕಗಳಿಗೆ ಮಾಹಿತಿ ನೀಡಿರುವುದಾಗಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಮಜುಂದಾರ್​ಗೆ ಎಲ್ಲೆಲ್ಲಿ ನಿಷೇಧ

• ಎರಡು ವರ್ಷಗಳ ಕಾಲ ತವರಿನಲ್ಲಿ ನಡೆಯಲಿರುವ ಡೊಮೆಸ್ಟಿಕ್​ ಮತ್ತು ಅಂತಾರಾಷ್ಟ್ರೀಯ ಕ್ರಿಕೆಟ್​ ಪಂದ್ಯಗಳಲ್ಲಿ ಮಾಧ್ಯಮ ಮಾನ್ಯತೆ ನೀಡಲಾಗುವುದಿಲ್ಲ
• ಎರಡು ವರ್ಷಗಳ ಕಾಲ ಭಾರತದಲ್ಲಿ ನೋಂದಣಿಯಾಗಿರುವ ಯಾವುದೇ ಕ್ರಿಕೆಟಿಗರನ್ನು ಸಂದರ್ಶನ ಮಾಡಲು ಅವಕಾಶವಿಲ್ಲ.
• ಎರಡು ವರ್ಷಗಳ ಕಾಲ ಬಿಸಿಸಿಐ ಮತ್ತು ಇತರ ಸದಸ್ಯರ ಸಂಘದ ಒಡೆತನದಲ್ಲಿ ಸಿಗುವ ಎಲ್ಲ ಸೌಲಭ್ಯಗಳಿಂದಲೂ ಎರಡು ವರ್ಷಗಳ ನಿಷೇಧ