ಮುಂಬೈ: ಭಾರತೀಯ ಪುರುಷರ ದೇಶಿ ಋತು ಸಯ್ಯದ್ ಮುಷ್ತಾಕ್ ಅಲಿ ಟ್ರೋಫಿ ಮೂಲಕ ನವೆಂಬರ್ ರಿಂದ ಆರಂಭಗೊಳ್ಳಲಿದೆ. ದೇಶದ ಪ್ರಸಿದ್ಧ ಪ್ರಥಮ ದರ್ಜೆ ಟೂರ್ನಿಯಾಗಿರುವ ರಣಜಿ ಟ್ರೋಫಿ ಜನವರಿ 13ರಿಂದ ಆರಂಭವಾಗಲಿದೆ. ಏಕದಿನ ಟೂರ್ನಮೆಂಟ್ ಆಗಿರುವ ವಿಜಯ ಹಜಾರೆ ಡಿಸೆಂಬರ್ 8ರಿಂದ ಆರಂಭವಾಗಲಿದೆ. ಈ ಮೂರು ಟೂರ್ನಮೆಂಟ್ಗಳು ತಟಸ್ಥ ಸ್ಥಳಗಳಲ್ಲಿ ನಡೆಯಲಿವೆ.
ಸೋಮವಾರ ಬಿಸಿಸಿಐ ಡೊಮೆಸ್ಟಿಕ್ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಡೆಲ್ಲಿ ನವೆಂಬರ್ 22ರಂದು ಸಯ್ಯದ್ ಮುಷ್ತಾಕ್ ಅಲಿ ಫೈನಲ್ಗೆ ಆತಿಥ್ಯ ವಹಿಸಲಿದೆ. ಕೋಲ್ಕತ್ತಾ ಮುಂದಿನ ವರ್ಷದ ಮಾರ್ಚ್ 16ರಂದು ರಣಜಿ ಟ್ರೋಫಿ ಫೈನಲ್ಗೆ ಆತಿಥ್ಯ ವಹಿಸಲಿದೆ.
ರಣಜಿ ಟ್ರೋಫಿ ಬೆಂಗಳೂರು, ಮುಂಬೈ, ಕೋಲ್ಕತ್ತಾ, ಅಹ್ಮದಾಬಾದ್, ತಿರುವನಂತಪುರಂ ಮತ್ತು ಚೆನ್ನೈನಲ್ಲಿ ಆರಂಭವಾಗಲಿದೆ. ಕೋಲ್ಕತ್ತಾ ಎಲ್ಲಾ ನಾಕೌಟ್ ಪಂದ್ಯಗಳಿಗೆ ಆತಿಥ್ಯ ವಹಿಸಲಿದೆ. ಲೀಗ್ ಆರಂಭಕ್ಕೂ ಮುನ್ನ ಮತ್ತು ನಾಕೌಟ್ ಪಂದ್ಯಗಳಿಗೂ ಮುನ್ನ 5 ದಿನಗಳ ಆಟಗಾರರನ್ನು ಕ್ವಾರಂಟೈನ್ ಮಾಡಬೇಕಾಗಿದೆ.
ಸಯ್ಯದ್ ಮುಷ್ತಾಕ್ ಅಲಿ ಟೂರ್ನಮೆಂಟ್ ಲಕ್ನೋ, ವಿಜಯವಾಡ, ಹರಿಯಾಣ, ಡೆಲ್ಲಿ, ಗುವಾಹಟಿ, ಬರೋಡಗಳಲ್ಲಿ ನಡೆಯಲಿವೆ. ಡೆಲ್ಲಿ ನಾಕೌಟ್ ಪಂದ್ಯಗಳಿಗೆ ಆತಿಥ್ಯವಹಿಸಲಿದೆ. ಆದರೆ ವಿಜಯ್ ಹಜಾರೆ ಟ್ರೋಫಿಗೆ ಬಿಸಿಸಿಐ ಇನ್ನೂ ಸ್ಥಳವನ್ನು ನಿಗದಿಮಾಡಿಲ್ಲ.
ರಣಜಿ ಟೂರ್ನಿಯಲ್ಲಿನ 5 ಪ್ರಮುಖ ಗುಂಪು ಮತ್ತು ಒಂದು ಪ್ಲೇಟ್ ಗುಂಪು ಇರಲಿದೆ.
ಕರ್ನಾಟಕ, ಮುಂಬೈ ಮತ್ತ ಡೆಲ್ಲಿ ತಂಡಗಳಿಗೆ ಒಂದೇ ಗುಂಪಿನಲ್ಲಿ ಸ್ಥಾನ:
ರಣಜಿ ಟ್ರೋಫಿಯನ್ನು ಹೆಚ್ಚು ಬಾರಿ ಗೆದ್ದಿರುವ ಅಗ್ರ ಮೂರು ತಂಡಗಳಾದ ಮುಂಬೈ(41), ಕರ್ನಾಟಕ(8) ಮತ್ತು ಡೆಲ್ಲಿ(7) ತಂಡಗಳು ಎಲೈಟ್ ಸಿ ಗುಂಪಿನಲ್ಲಿ ಸ್ಥಾನ ಪಡೆದುಕೊಂಡಿವೆ. ಈ ಮೂರು ಬಲಿಷ್ಠ ತಂಡಗಳ ಜೊತೆ ಹೈದರಾಬಾದ್, ಮಹಾರಾಷ್ಟ್ರ ಮತ್ತು ಉತ್ತರಾಖಂಡ ತಂಡಗಳು ಅವಕಾಶ ಪಡೆದಿವೆ. ಈ ಗುಂಪಿನ ಪಂದ್ಯಗಳು ಕೋಲ್ಕತ್ತಾದಲ್ಲಿ ನಡೆಯಲಿವೆ.
ಎಲೈಟ್ ಎ: ಗುಜರಾತ್, ಪಂಜಾಬ್, ಹಿಮಾಚಲ, ಮಧ್ಯ ಪ್ರದೇಶ, ಸೇವೆಗಳು ಮತ್ತು ಅಸ್ಸೋಂ (ಪಂದ್ಯಗಳು ಮುಂಬೈನಲ್ಲಿ ನಡೆಯಲಿವೆ)
ಎಲೈಟ್ ಬಿ: ಬಂಗಾಳ, ವಿದರ್ಭ, ರಾಜಸ್ಥಾನ, ಕೇರಳ, ಹರಿಯಾಣ ಮತ್ತು ತ್ರಿಪುರಾ (ಬೆಂಗಳೂರು)
ಎಲೈಟ್ ಡಿ: ಸೌರಾಷ್ಟ್ರ, ತಮಿಳುನಾಡು, ರೈಲ್ವೇಸ್, ಜಮ್ಮು -ಕಾಶ್ಮೀರ, ಜಾರ್ಖಂಡ್ ಮತ್ತು ಗೋವಾ (ಅಹಮದಾಬಾದ್‌)
ಎಲೈಟ್ ಇ: ಆಂದ್ರಪ್ರದೇಶ, ಉತ್ತರ ಪ್ರದೇಶ, ಬರೋಡಾ, ಒಡಿಶಾ, ಛತ್ತೀಸ್‌ಗಡ ಮತ್ತು ಪಾಂಡಿಚೇರಿ (ತಿರುವನಂತಪುರ )
ಪ್ಲೇಟ್ : ಚಂಡೀಗಡ, ಮೇಘಾಲಯ, ಬಿಹಾರ, ನಾಗಾಲ್ಯಾಂಡ್, ಮಣಿಪುರ, ಮಿಜೋರಾಂ, ಸಿಕ್ಕೀಂ, ಅರುಣಾಚಲ (ಚೆನ್ನೈ)
