BAN vs IND 1st Test: ಬಾಂಗ್ಲಾ ವಿರುದ್ಧ ಗೆಲುವಿನತ್ತ ಟೀಂ ಇಂಡಿಯಾ

ನಾಳೆ ಅಂತಿಮ ದಿನದಾಟದಲ್ಲಿ ಬಾಂಗ್ಲಾದೇಶದ ನಾಲ್ಕು ವಿಕೆಟ್​ನಲ್ಲಿ ಇನ್ನೂ 241 ಬಾರಿಸಬೇಕಿದ್ದು, 4 ವಿಕೆಟ್​ ಕಬಳಿಸಿದರೆ ಟೀಂ ಇಂಡಿಯಾ ಗೆಲುವು ಸಾಧಿಸಲಿದೆ.

ಚಿತ್ತಗಾಂಗ್ (ಬಾಂಗ್ಲಾದೇಶ): ಬಾಂಗ್ಲಾದೇಶದ ವಿರುದ್ಧ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಭಾರತ ಗೆಲುವಿನತ್ತ ದಾಪುಗಾಲು ಇಡುತ್ತಿದೆ. ತನ್ನ ಎರಡನೇ ಇನ್ಸಿಂಗ್​​ನಲ್ಲಿ 513 ರನ್​ಗಳ ಬೃಹತ್​​ ರನ್​ಗಳ ಗೆಲುವಿನ ಗುರಿ ಬೆನ್ನಟ್ಟಿರುವ ಬಾಂಗ್ಲಾ ಇಂದು ನಾಲ್ಕನೇ ದಿನದಾಟಕ್ಕೆ ಅಂತ್ಯಕ್ಕೆ 6 ವಿಕೆಟ್​ ನಷ್ಟಕ್ಕೆ 272 ರನ್​ಗಳನ್ನು ಗಳಿಸಿದೆ. ನಾಳೆ ಅಂತಿಮ ದಿನದಾಟದಲ್ಲಿ ಬಾಂಗ್ಲಾ ನಾಲ್ಕು ವಿಕೆಟ್​ನಲ್ಲಿ ಇನ್ನೂ 241 ಬಾರಿಸಬೇಕಿದ್ದು, 4 ವಿಕೆಟ್​ ಕಬಳಿಸಿದರೆ ಟೀಂ ಇಂಡಿಯಾ ಗೆಲುವು ಸಾಧಿಸಲಿದೆ.

• Stumps on Day 4⃣ of the first #BANvIND Test!#TeamIndia need four more wickets on the final day👌👌
  
  Bangladesh 272-6 at the end of day's play.
  
  Scorecard ▶️ https://t.co/GUHODOYOh9 pic.twitter.com/wePAqvR70y

  — BCCI (@BCCI) December 17, 2022 " class="align-text-top noRightClick twitterSection" data="

  Stumps on Day 4⃣ of the first #BANvIND Test!#TeamIndia need four more wickets on the final day👌👌
  
  Bangladesh 272-6 at the end of day's play.
  
  Scorecard ▶️ https://t.co/GUHODOYOh9 pic.twitter.com/wePAqvR70y

  — BCCI (@BCCI) December 17, 2022

  ">

  Stumps on Day 4⃣ of the first #BANvIND Test!#TeamIndia need four more wickets on the final day👌👌
  
  Bangladesh 272-6 at the end of day's play.
  
  Scorecard ▶️ https://t.co/GUHODOYOh9 pic.twitter.com/wePAqvR70y

  — BCCI (@BCCI) December 17, 2022

ಭಾರತ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ 404 ರನ್‌ಗಳನ್ನು ಪೇರಿಸಿತ್ತು. ಬಾಂಗ್ಲಾದೇಶ ಕೇವಲ 150 ರನ್​ಗಳಿಗೆ ಸರ್ವಪತನ ಕಂಡು ಮೊದಲ ಇನ್ನಿಂಗ್ಸ್​ ಮುಗಿಸಿತ್ತು. ಟೀಂ ಇಂಡಿಯಾ ತನ್ನ ಎರಡನೇ ಇನ್ನಿಂಗ್ಸ್ ​ಅನ್ನು 2 ವಿಕೆಟ್​ ನಷ್ಟಕ್ಕೆ 258 ರನ್​ಗಳಿಗೆ ಶುಕ್ರವಾರ ಡಿಕ್ಲೇರ್​ ಮಾಡಿಕೊಂಡಿತ್ತು. ಮೊದಲ ಇನ್ನಿಂಗ್ಸ್​ನಲ್ಲಿ 254 ರನ್​ಗಳ ಹಿನ್ನಡೆಯಿಂದಾಗಿ ಬಾಂಗ್ಲಾ ಗೆಲುವಿಗೆ ಒಟ್ಟಾರೆ 513 ರನ್​ಗಳ​ ಬೃಹತ್​ ಟಾರ್ಗೆಟ್​ ನೀಡಿತ್ತು.

ಇದನ್ನೂ ಓದಿ: ಕಮ್​ಬ್ಯಾಕ್​ ಸೂಚನೆ ಕೊಟ್ಟ ಬುಮ್ರಾ: ಐಪಿಎಲ್​ಗೆ ಮಾತ್ರ ಫಿಟ್ ಎಂದ ನೆಟ್ಟಿಗರು

ಶುಕ್ರವಾರ ಎರಡನೇ ಇನ್ನಿಂಗ್ಸ್​ ಆರಂಭಿಸಿದ್ದ ಬಾಂಗ್ಲಾ ಆಟಗಾರರು ದಿನದಾಟ ಅಂತ್ಯಕ್ಕೆ ವಿಕೆಟ್​ ನಷ್ಟವಿಲ್ಲದೇ 42 ರನ್​ ಗಳಿಸಿತ್ತು. ಇಂದು ತಮ್ಮ ಆಟ ಆರಂಭಿಸಿದ ನಜ್ಮುಲ್ ಹೊಸೈನ್ ಶಾಂತೋ ಮತ್ತು ಜಾಕೀರ್ ಹಸನ್ ಮೊದಲ ವಿಕೆಟ್​ಗೆ 124 ಉತ್ತಮ ಜೊತೆಯಾಟ ನೀಡಿದರು. ಶುಕ್ರವಾರ 25 ರನ್​ ಗಳಿಸಿದ್ದ ಹೊಸೈನ್ ಶಾಂತೋ 67 ರನ್​ ಬಾರಿಸಿ ಉಮೇಶ್​ ಯಾದವ್​ ಬೌಲಿಂಗ್​ನಲ್ಲಿ ಔಟಾದರು.

ಇತ್ತ, 17 ರನ್​ಗಳೊಂದಿಗೆ ನಾಲ್ಕನೇ ದಿನದಾಟಕ್ಕೆ ಕ್ರೀಸ್​ ಕಾಯ್ದುಕೊಂಡಿದ್ದ ಜಾಕೀರ್ ಹಸನ್ ಶತಕ ಬಾರಿಸಿ ಮಿಂಚಿದರು. 13 ಬೌಂಡರಿಗಳು ಮತ್ತು 1 ಸಿಕ್ಸರ್​ನೊಂದಿಗೆ ಬರೋಬ್ಬರಿ 100 ಬಾರಿಸಿದ್ದ ಹಸನ್​ ಅವರನ್ನು ಆರ್.ಅಶ್ವಿನ್​ ಪೆವಿಲಿಯನ್​ಗೆ ಕಳುಹಿಸಿದರು. ನಂತರದಲ್ಲಿ ಬಾಂಗ್ಲಾ ಆಟಗಾರರಿಂದ ಅಷ್ಟೊಂದು ಉತ್ತಮ ಜೊತೆಯಾಟ ಮೂಡಿ ಬರಲಿಲ್ಲ.

ಮೂರನೇ ಕ್ರಮಾಂಕದಲ್ಲಿ ಬಂದಿದ್ದ ಯಾಸಿರ್ ಅಲಿ (5) ಅವರನ್ನು ಅಕ್ಷರ್​ ಪಟೇಲ್​ ಬೌಲ್ಡ್​​ ಮಾಡಿದರು. ಲಿಟ್ಟನ್ ದಾಸ್ (19) ಅವರನ್ನು ಕುಲ್ದೀಪ್​ ಯಾದವ್​, ಮುಶ್ಫಿಕರ್ ರಹೀಂ (23) ಹಾಗೂ ನುರುಲ್ ಹಸನ್‌ (3) ಅವರನ್ನು ಅಕ್ಷರ್​ ಪಟೇಲ್​ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾದರು.

40 ರನ್ ಗಳಿಸಿರುವ ಬಾಂಗ್ಲಾ ನಾಯಕ ಶಕಿಲ್ ಅಲ್ ಹಸನ್ ಮತ್ತು 9 ರನ್​ ಗಳಿಸಿರುವ ಮೆಹದಿ ಹಸನ್ ಮಿರಾಜ್ ಅಂತಿಮ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಟೀಂ ಇಂಡಿಯಾ ಪರ ಅಕ್ಷರ್​ ಪಟೇಲ್​ 3 ವಿಕೆಟ್​ ಕಬಳಿಸಿದರೆ, ಉಮೇಶ್​ ಯಾದವ್, ಕುಲ್ದೀಪ್​ ಯಾದವ್ ಮತ್ತು ಆರ್.ಅಶ್ವಿನ್ ತಲಾ ವಿಕೆಟ್​ ಪಡೆದಿದ್ದಾರೆ.

ಇದನ್ನೂ ಓದಿ: IND vs BAN 1st Test: ಗಿಲ್, ಪೂಜಾರ ಶತಕ; ಬಾಂಗ್ಲಾ ಗೆಲುವಿಗೆ 513 ರನ್ ಬೃಹತ್‌​​ ಟಾರ್ಗೆಟ್​