ಕೋಲ್ಕತ್ತಾ : ಟಿ20 ಪಂದ್ಯಗಳಲ್ಲಿ ತಂಡಕ್ಕೆ ವಿಕೆಟ್ ಅಗತ್ಯವಿದ್ದಾಗ ರವಿಚಂದ್ರನ್ ಅಶ್ವಿನ್(Ravichandran Ashwin) ಅವರು ನಾಯಕನಾದವನಿಗೆ ಸದಾ ಆಕ್ರಮಣಕಾರಿ ಆಯ್ಕೆ ಎಂದು ಭಾರತ ತಂಡದ ನಾಯಕ ರೋಹಿತ್ ಶರ್ಮಾ( India captain Rohit Sharma) ಅನುಭವಿ ಸ್ಪಿನ್ನರ್ ಪರ ಪ್ರಶಂಸೆಯ ಮಾತನಾಡಿದ್ದಾರೆ.
ರೋಹಿತ್ ಶರ್ಮಾ ನ್ಯೂಜಿಲ್ಯಾಂಡ್ ವಿರುದ್ಧದ ಟಿ20 ಸರಣಿಯಿಂದ ಭಾರತ ತಂಡದ ನೂತನ ನಾಯಕನಾಗಿ ಆಯ್ಕೆಯಾಗಿದ್ದಾರೆ. ಇವರ ನೇತೃತ್ವದಲ್ಲಿ ಭಾರತ 3-0ಯಲ್ಲಿ ನ್ಯೂಜಿಲ್ಯಾಂಡ್(India sweep 3-0 against New Zealand) ವಿರುದ್ಧ ಸರಣಿಯನ್ನು ಕ್ಲೀನ್ ಸ್ವೀಪ್ ಮಾಡಿದೆ.
ನಾಲ್ಕು ವರ್ಷಗಳ ಕಾಲ ಸೀಮಿತ ಓವರ್ಗಳ ಕ್ರಿಕೆಟ್ನಲ್ಲಿ ಅವಕಾಶ ವಂಚಿತನಾಗಿ ಕಳೆದ ಟಿ20 ವಿಶ್ವಕಪ್ನಲ್ಲಿ(T20 World Cup) ಭಾರತ ತಂಡದಲ್ಲಿ ಅವಕಾಶ ಪಡೆದಿದ್ದ 35 ವರ್ಷದ ಅಶ್ವಿನ್(ashwin comeback) 3 ಪಂದ್ಯಗಳ ಕಿವೀಸ್ ವಿರುದ್ಧದ ಸರಣಿಯಲ್ಲಿ ತಂಡಕ್ಕೆ ನಿರ್ಣಾಯಕ ಹಂತದಲ್ಲಿ ಬ್ರೇಕ್ ತಂದು ಕೊಟ್ಟು ಆಕರ್ಷಕ ಬೌಲಿಂಗ್ ಪ್ರದರ್ಶನ ತೋರಿದ್ದಾರೆ.
"ಅವರು(ಅಶ್ವಿನ್) ಯಾವಾಗಲೂ ನಾಯಕನ ಆಕ್ರಮಣಕಾರಿ ಆಯ್ಕೆಯಾಗಿರುತ್ತಾರೆ. ಅವರಂತಹ ಬೌಲರ್ಗಳು ನಿಮ್ಮ ತಂಡದಲ್ಲಿದ್ದಾಗ ಮಧ್ಯಮ ಓವರ್ಗಳಲ್ಲಿ ವಿಕೆಟ್ ಪಡೆಯಲು ನಿಮಗೆ ಸದಾ ಒಂದು ಉತ್ತಮ ಅವಕಾಶವಿರುತ್ತದೆ" ಎಂದು ಕಿವೀಸ್ ವಿರುದ್ಧ 73 ರನ್ಗಳಿಂದ ಗೆದ್ದ ಬಳಿಕ ನಾಯಕ ರೋಹಿತ್ ಶರ್ಮಾ ತಿಳಿಸಿದ್ದಾರೆ.
"ಅಶ್ವಿನ್ ದುಬೈನಿಂದ ಈವರೆಗೆ ಅವರು ನೀಡುತ್ತಿರುವ ಪ್ರದರ್ಶನ ಗಮನಿಸಿದರೆ ಇದೊಂದು ಗ್ರೇಟ್ ಕಮ್ಬ್ಯಾಕ್ ಮತ್ತು ಅವರೊಬ್ಬ ಅತ್ಯುತ್ತಮ ಗುಣಮಟ್ಟದ ಬೌಲರ್ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ. ಅವರು ಕಳೆದ ಕೆಲವು ವರ್ಷಗಳಿಂದ ರೆಡ್ ಬಾಲ್ ಕ್ರಿಕೆಟ್ನಲ್ಲಿ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದ್ದಾರೆ.
ಅಲ್ಲದೆ ಅವರು ವೈಟ್ ಬಾಲ್ ಕ್ರಿಕೆಟ್ ದಾಖಲೆ ಕೂಡ ಕೆಟ್ಟದಾಗಿಲ್ಲ. ಅವರು ಸೀಮತ ಓವರ್ ಕ್ರಿಕೆಟ್ಗೆ ಹಿಂತಿರುಗಿ, ದುಬೈನಲ್ಲಿ ಮತ್ತು ಇಲ್ಲಿ 2 ಪಂದ್ಯಗಳಲ್ಲಿ ನೀಡಿದ ಪ್ರದರ್ಶನ ಅವರ ಗುಣಮಟ್ಟವನ್ನು ತೋರಿಸುತ್ತದೆ" ಎಂದಿದ್ದಾರೆ.
ಅಶ್ವಿನ್ ಜೈಪುರದಲ್ಲಿ 4 ಓವರ್ಗಳಲ್ಲಿ 23 ರನ್ ನೀಡಿ 2 ವಿಕೆಟ್ ಪಡೆದರೆ, ರಾಂಚಿಯಲ್ಲಿ 19 ರನ್ ನೀಡಿ 1 ವಿಕೆಟ್ ಪಡೆದಿದ್ದರು. ಅವರು ಅಕ್ಷರ್ ಪಟೇಲ್ ಜೊತೆ ಮಧ್ಯಮ ಓವರ್ಗಳಲ್ಲಿ ಕಿವೀಸ್ ರನ್ಗತಿಗೆ ನಿರಂತರ ತಡೆಯೊಡ್ಡಿದ್ದರು. 3ನೇ ಪಂದ್ಯದಲ್ಲಿ ಅಶ್ವಿನ್ ವಿಶ್ರಾಂತಿ ಪಡೆದು ಚಹಲ್ಗೆ ಅವಕಾಶ ಮಾಡಿಕೊಟ್ಟಿದ್ದರು.
ಇದನ್ನೂ ಓದಿ:ಕಿವೀಸ್ ಕಠಿಣ ಪರಿಸ್ಥಿತಿಯಲ್ಲಿ ಸರಣಿಯನ್ನಾಡಿದೆ, ಸರಣಿ ಗೆದ್ದರೂ ನಮ್ಮ ಕಾಲು ನೆಲದಲ್ಲಿರಬೇಕು: ದ್ರಾವಿಡ್
