Ashes Test: ಆ್ಯಶಸ್​ಗೆ ಕೋವಿಡ್​ ಕರಿನೆರಳು; ಇಂಗ್ಲೆಂಡ್​ ಕ್ಯಾಂಪ್​ನಲ್ಲಿನ ನಾಲ್ವರಿಗೆ ಪಾಸಿಟಿವ್​

ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್​ ನಡುವಿನ ಆ್ಯಶಸ್ ಕ್ರಿಕೆಟ್​ ಟೆಸ್ಟ್​​ ಸರಣಿಗೆ ಕೋವಿಡ್​ ಕರಿನೆರಳು ಆವರಿಸಿದೆ. ಇಂಗ್ಲೆಂಡ್​ ತಂಡದ ನಾಲ್ವರು ಸಿಬ್ಬಂದಿಗೆ ಕೊರೊನಾ​ ಪಾಸಿಟಿವ್​ ದೃಢಪಟ್ಟಿದೆ.

ಮೆಲ್ಬೋರ್ನ್​: ಆ್ಯಶಸ್​ ಸರಣಿಯಲ್ಲಿ ಈಗಾಗಲೇ 2-0 ಅಂತರದ ಹಿನ್ನಡೆಯಲ್ಲಿರುವ ಇಂಗ್ಲೆಂಡ್​ಗೆ ಕೋವಿಡ್​ ಭೀತಿ ಎದುರಾಗಿದೆ. ಮೆಲ್ಬೋರ್ನ್ ಟೆಸ್ಟ್​ ಪಂದ್ಯದ ಎರಡನೇ ದಿನದಾಟದ ಆರಂಭಕ್ಕೂ ಮುನ್ನ ಆಂಗ್ಲರ ಕ್ಯಾಂಪ್​ನಲ್ಲಿ ನಾಲ್ವರಿಗೆ ಕೋವಿಡ್​ ಪಾಸಿಟಿವ್​ ದೃಢಪಟ್ಟಿದೆ.

ಮೆಲ್ಬೋರ್ನ್​ನಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್‌ನ ಎರಡನೇ ದಿನದ ಆರಂಭಕ್ಕೂ ಕೆಲಗಂಟೆಗಳ ಮುನ್ನ ತಂಡದ ಕ್ಯಾಂಪನ್​ ಇಬ್ಬರು ಸಹಾಯಕ ಸಿಬ್ಬಂದಿ ಮತ್ತು ಇಬ್ಬರು ಕುಟುಂಬ ಸದಸ್ಯರಿಗೆ ಕೋವಿಡ್​ ತಗುಲಿರುವುದು ಗೊತ್ತಾಗಿದೆ. ಕ್ರೀಡಾಂಗಣಕ್ಕೆ ಹೊರಡುವ ಮುನ್ನ ತಂಡ ಹಾಗೂ ಇತರ ಸಿಬ್ಬಂದಿಗೆ ಕೋವಿಡ್​ ಪರೀಕ್ಷೆ ನಡೆಸಲಾಗಿದೆ.

• OFFICIAL STATEMENT #Ashes
  
  Cricket Australia has been informed that two members of the England Cricket Team’s support staff and two of their family members have returned a positive COVID-19 Rapid Antigen Test. The affected individuals are currently isolating.
  
  (1/3)

  — Cricket Australia (@CricketAus) December 26, 2021 " class="align-text-top noRightClick twitterSection" data="

  OFFICIAL STATEMENT #Ashes
  
  Cricket Australia has been informed that two members of the England Cricket Team’s support staff and two of their family members have returned a positive COVID-19 Rapid Antigen Test. The affected individuals are currently isolating.
  
  (1/3)

  — Cricket Australia (@CricketAus) December 26, 2021

  ">

  OFFICIAL STATEMENT #Ashes
  
  Cricket Australia has been informed that two members of the England Cricket Team’s support staff and two of their family members have returned a positive COVID-19 Rapid Antigen Test. The affected individuals are currently isolating.
  
  (1/3)

  — Cricket Australia (@CricketAus) December 26, 2021

ಕೋವಿಡ್​ ದೃಢಪಟ್ಟ ಹಿನ್ನೆಲೆಯಲ್ಲಿ ಮೂರನೆ ದಿನದಾಟವು ಸುಮಾರು ಅರ್ಧಗಂಟೆ ತಡವಾಗಿ ಆರಂಭವಾಗಿದೆ. 'ಇಂಗ್ಲೆಂಡ್ ಕ್ರಿಕೆಟ್ ತಂಡದ ಇಬ್ಬರು ಸಹಾಯಕ ಸಿಬ್ಬಂದಿ ಮತ್ತು ಅವರ ಕುಟುಂಬದ ಇಬ್ಬರಿಗೆ ಕೋವಿಡ್ -19 ತಗುಲಿದೆ. ಸೋಂಕಿತರು ಸದ್ಯ ತಂಡದಿಂದ ಪ್ರತ್ಯೇಕವಾಗಿ ಇದ್ದಾರೆ' ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ತಿಳಿಸಿದೆ.

ಅಲ್ಲದೆ, ತಂಡದ ಎಲ್ಲ ಸದಸ್ಯರು ಹಾಗೂ ಇತರ ಸಿಬ್ಬಂದಿಯ ಕೋವಿಡ್ ಪರೀಕ್ಷಾ​ ವರದಿಯು ನೆಗೆಟಿವ್​ ಬಂದಿದೆ. ಇಂಗ್ಲೆಂಡ್ ಕ್ರಿಕೆಟ್ ತಂಡವು ಇಂದು ಮತ್ತೊಮ್ಮೆ ಪಿಸಿಆರ್ ಪರೀಕ್ಷೆಗೆ ಒಳಪಡಲಿದೆ. ಎರಡೂ ತಂಡಗಳು ಹೆಚ್ಚಿನ ಮುನ್ನೆಚ್ಚರಿಕೆ ಕ್ರಮ ವಹಿಸಲಿದ್ದು, ತಂಡದಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ಮಾಹಿತಿ ನೀಡಿದೆ.

ಮೆಲ್ಬೋರ್ನ್ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಇಂಗ್ಲೆಂಡ್‌ನ 185 ರನ್‌ಗಳಿಗೆ ಸರ್ವಪತನ ಕಂಡಿದ್ದು, ಪ್ರತ್ಯುತ್ತರವಾಗಿ ನಿನ್ನೆ ಆಸ್ಟ್ರೇಲಿಯಾ ಒಂದು ವಿಕೆಟ್‌ಗೆ 61 ರನ್‌ ಬಾರಿಸಿತ್ತು. ಇಂದು ಎರಡನೇ ದಿನದಾಟ ಮುಂದುವರೆದಿದೆ. ಬ್ರಿಸ್ಬೇನ್ ಮತ್ತು ಅಡಿಲೇಡ್‌ನಲ್ಲಿನ ಸೋಲುಗಳ ನಂತರ, ಐದು ಟೆಸ್ಟ್‌ಗಳ ಸರಣಿಯನ್ನು ಜೀವಂತವಾಗಿಡಲು ಇಂಗ್ಲೆಂಡ್ ಈ ಪಂದ್ಯದಲ್ಲಿ ಗೆಲ್ಲಲೇಬೇಕಿದೆ.

ಇದನ್ನೂ ಓದಿ: ಪವನ್ ಶೇರಾವತ್​ ಆರ್ಭಟ: ಬೆಂಗಾಲ್​ ವಾರಿಯರ್ಸ್ ವಿರುದ್ಧ​ ಬುಲ್ಸ್​ಗೆ ರೋಚಕ ಜಯ