ಲಖನೌ : ಸಯ್ಯದ್ ಮೋದಿ ಸೂಪರ್ 300 ಟೂರ್ನಮೆಂಟ್ನಲ್ಲಿ ಭಾರತದ ಸ್ಟಾರ್ ಆಟಗಾರರಾದ ಶ್ರೀಕಾಂತ್ - ಕಶ್ಯಪ್ ನಡುವೆ ಭರ್ಜರಿ ಕಾದಾಟ ನಡೆದಿದ್ದು, ಅದರಲ್ಲಿ ಮಾಜಿ ನಂಬರ್ ಒನ್ ಆಟಗಾರ ಶ್ರೀಕಾಂತ್ ಗೆಲುವಿನ ಸಿಹಿ ಅನುಭವಿಸಿದ್ದಾರೆ.
ಕಿಡಂಬಿ ಶ್ರೀಕಾಂತ್ ಎರಡನೇ ಸುತ್ತಿನ ಪಂದ್ಯದಲ್ಲಿ ಕಶ್ಯಪ್ರನ್ನು 18-21,22-20, 21-16 ರಲ್ಲಿ ಮಣಿಸಿ ಮೂರನೇ ಸುತ್ತು ಪ್ರವೇಶಿಸಿದ್ದಾರೆ. ಇಬ್ಬರು ಸ್ಟಾರ್ ಆಟಗಾರರ ನಡುವೆ ಸುಮಾರು ಒಂದು ಗಂಟೆಗೂ ಹೆಚ್ಚು ಸಮಯ ಹೋರಾಟ ನಡೆಯಿತು.
ಮೊದಲ ಗೇಮ್ನಲ್ಲಿ ಕಶ್ಯಪ್ 21-18ರಲ್ಲಿ ಶ್ರೀಕಾಂತ್ರನ್ನು ಮಣಿಸಿದರಾದರು, ಎರಡನೇ ಗೇಮ್ನಲ್ಲಿ 22-2-ರಲ್ಲಿ ಕಠಿಣ ಪೈಪೋಟಿ ನೀಡಿ ಸೋಲು ಕಂಡರು. ನಿರ್ಣಾಯಕ ಮೂರನೇ ಗೇಮ್ನಲ್ಲಿ ಶ್ರೀಕಾಂತ್ 21-18 ರಲ್ಲಿ ಗೆಲುವು ಸಾಧಿಸಿ ಕ್ವಾರ್ಟರ್ಫೈನಲ್ಗೆ ತೇರ್ಗಡೆಯಾದರು.
ಉಳಿದ ಸಿಂಗಲ್ ಪಂದ್ಯದಲ್ಲಿ ಯುವ ಆಟಗಾರ ಲಕ್ಷ್ಯ ಸೇನ್ ಮಾಜಿ ನಂಬರ್ ಒನ್ ಆಟಗಾರ ದಕ್ಷಿಣ ಕೊರಿಯಾದ ಸನ್ ವಾನ್ ಹೋ ರ ವಿರುದ್ಧ 21-14,21-17ರಲ್ಲಿ ಸೋಲು ಕಾಣುವ ಮೂಲಕ ನಿರಾಶೆಯನುಭವಿಸಿದರು.
ಬೆಳಗ್ಗೆ ನಡೆದ ಪಂದ್ಯದಲ್ಲಿ ಸೌರಭ್ ವರ್ಮಾ ಭಾರತದವರೇ ಆದ ಅಲಾಪ್ ಮಿಶ್ರಾ ಅವರನ್ನು 21-11,21-18ರಲ್ಲಿ ಮಣಿಸಿ ಕ್ವಾರ್ಟರ್ ಫೈನಲ್ಗೆ ತೇರ್ಗಡೆಯಾದರು.
