ಒಡನ್ಸ್: ಒಲಿಂಪಿಕ್ಸ್ ನಂತರ ವಿಶ್ರಾಂತಿ ಪಡೆದು ಅಂಗಳಕ್ಕೆ ಮರಳಿದ್ದ ವಿಶ್ವಚಾಂಪಿಯನ್ ಪಿವಿ ಸಿಂಧು ಡೆನ್ಮಾರ್ಕ್ ಓಪನ್ನ ಮೊದಲ ಸುತ್ತಿನ ಪಂದ್ಯದಲ್ಲಿ ಟರ್ಕಿಯ ನೆಸ್ಲಿಹಾನ್ ಯಿಗಿತ್ ವಿರುದ್ಧ ಗೆಲುವು ಸಾಧಿಸಿ ಫ್ರೀ ಕ್ವಾರ್ಟರ್ ಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ.
ಮಂಗಳವಾರ ನಡೆದ ಪಂದ್ಯದಲ್ಲಿ ಯಿಗಿತ್ ವಿರುದ್ಧ ಸಿಂಧು ಕೇವಲ 30 ನಿಮಿಷಗಳಲ್ಲಿ ಪಂದ್ಯಗಳನ್ನು ಗೆದ್ದುಕೊಂಡರು. 4ನೇ ಶ್ರೇಯಾಂಕದ ಭಾರತೀಯ ಆಟಗಾರ್ತಿ 21-12, 21-10ರಲ್ಲಿ 29ನೇ ಶ್ರೇಯಾಂಕದ ಯಿಗಿತ್ ವಿರುದ್ಧ ಸುಲಭ ಜಯ ಸಾಧಿಸಿದರು.
ಒಲಿಂಪಿಕ್ಸ್ ನಂತರ ವಿಶ್ರಾಂತಿ ಪಡೆಯುವ ಸಲುವಾಗಿ ಉಬರ್ ಕಪ್ ಫೈನಲ್ ಮತ್ತು ಸುದಿರ್ಮನ್ ಕಪ್ನಿಂದ ಹೊರಬಂದಿದ್ದ ಸಿಂಧು ಮುಂದಿನ ಸುತ್ತಿನಲ್ಲಿ ಥಾಯ್ಲೆಂಡ್ ಬುಸನನ್ ಒಗ್ಬಮ್ರುಂಗ್ಫನ್ನ್‌ ವಿರುದ್ಧ ಸೆಣಸಾಡಲಿದ್ದಾರೆ.
ಸಮೀರ್ , ಶ್ರೀಕಾಂತ್ ಶುಭಾರಂಭ
2017ರಲ್ಲಿ ಚಾಂಪಿಯನ್ ಆಗಿದ್ದ ಕಿಡಂಬಿ ಶ್ರೀಕಾಂತ್ ಪುರುಷರ ಸಿಂಗಲ್ಸ್ನಲ್ಲಿ ಭಾರತದವರೇ ಆದ ಬಿ. ಸಾಯಿ ಪ್ರಣೀತ್ ವಿರುದ್ಧ ಕೇವಲ 30 ನಿಮಿಷಗಳಲ್ಲಿ 21-14, 21-11ರ ನೇರ ಸೆಟ್ಗಳ ಅಂತರದಲ್ಲಿ ಪ್ರಾಬಲ್ಯಯುತ ಜಯ ಸಾಧಿಸಿದರು. 28ನೇ ಶ್ರೇಯಾಂಕದ ಸಮೀರ್ ವರ್ಮಾ ಥಾಯ್ಲೆಂಡ್ನ 21 ನೇ ಶ್ರೇಯಾಂಕದ ಕುನ್ಲವತ್ ವಿಟಿದ್ಸರ್ನ್ ವಿರುದ್ಧ 21-17, 21-14ರಲ್ಲಿ 42 ನಿಮಿಷಗಳಲ್ಲಿ ಗೆಲುವು ಸಾಧಿಸಿದರು.
ವಿಶ್ವ ಶ್ರೇಯಾಂಕದಲ್ಲಿ 14ನೇ ಸ್ಥಾನದಲ್ಲಿರುವ ಶ್ರೀಕಾಂತ್ ತಮ್ಮ ಮುಂದಿನ ಸುತ್ತಿನಲ್ಲಿ ಅಗ್ರ ಶ್ರೇಯಾಂಕದ ಜಪಾನ್ನ ಕೆಂಟೊ ಮೊಮೊಟ ವಿರುದ್ಧ ಸೆಣಸಾಡಲಿದ್ದಾರೆ, ಸಮೀರ್ 2ನೇ ಸುತ್ತಿನಲ್ಲಿ 3ನೇ ಶ್ರೇಯಾಂಕದ ಡೆನ್ಮಾರ್ಕ್ ಆ್ಯಂಡರ್ಸ್ ಆ್ಯಂಟನ್ಸನ್ ವಿರುದ್ಧ ಕಾದಾಡುವ ಸಾಧ್ಯತೆಯಿದೆ.
ಡಬಲ್ಸ್ನಲ್ಲಿ ಚಿರಾಗ್-ಸಾತ್ವಿಕ್ ಶೆಟ್ಟಿಗೆ ಜಯ
ಭಾರತದ ಭರವಸೆಯ ಜೋಡಿಯಾದ ಸಾತ್ವಿಕ್ ಸಾಯಿರೆಡ್ಡಿ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ತಮ್ಮ ಮೊದಲ ಸುತ್ತಿನ ಪಂದ್ಯದಲ್ಲಿ ಇಂಗ್ಲೆಂಡ್ನ ಕಾಲ್ಯುಮ್ ಹೆಮ್ಮಿಂಗ್ ಮತ್ತು ಸ್ಟೀವನ್ ಸ್ಟಾಲ್ವುಡ್ ವಿರುದ್ಧ 23-21, 21-15 ರಲ್ಲಿ ಗೆಲುವು ಸಾಧಿಸಿದರು. ಮತ್ತೊಂದು ಜೋಡಿ ಎಂಆರ್ ಅರ್ಜುನ್ ಮತ್ತು ಧ್ರುವ್ ಕಪಿಲಾ ಜೋಡಿ 17 ಶ್ರೇಯಾಂಕದ ಇಂಗ್ಲೆಂಡ್ನ ಬೆನ್ ಲೇನ್ ಮತ್ತು ಸೀನ್ ವೆಂಡಿ ವಿರುದ್ಧ 21-19, 21-15 ರಲ್ಲಿ ಗೆಲುವು ಸಾಧಿಸಿದರು.
ಆದರೆ, ಮನು ಅತ್ರಿ ಮತ್ತು ಬಿ ಸುಮೀತ್ ರೆಡ್ಡಿ ಜೋಡಿ 18-21,11-21ರಲ್ಲಿ ಮಲೇಷ್ಯಾದ ಗೋಹ್ ಸೀ ಫೀ ಮತ್ತು ನೂರ್ ಇಜುದ್ದೀನ್ ವಿರುದ್ಧ ಸೋಲು ಕಂಡು ಟೂರ್ನಿಯಿಂದ ಹೊರಬಿದ್ದರು.
ಇದನ್ನು ಓದಿ:ಆಸ್ಟ್ರೇಲಿಯಾ ಓಪನ್ 2022.. ವ್ಯಾಕ್ಸಿನ್ ತೆಗೆದುಕೊಳ್ಳದ ಟೆನಿಸ್ ಪ್ಲೇಯರ್ಗಳಿಗೆ ವೀಸಾ ಇಲ್ಲ!!
