'ಇದು ಹೃದಯಗಳ ಬ್ರೇಕ್ ಫೇಲು'​.. ಕಣ್ಣಂಚಲಿ ನೀರು ತರುತ್ತಿದೆ ಪುನೀತ್ ವೈರಲ್ ವಿಡಿಯೋ

ಗುರುಕಿರಣ್ ಹುಟ್ಟುಹಬ್ಬದ ವೇಳೆ ಪವರ್​ ಸ್ಟಾರ್​ ಹಾಡು ಹೇಳುವ ಮೂಲಕ ಸಖತ್​ ಎಂಜಾಯ್​ ಮಾಡಿದ್ದರು. ಅಂದು ಹಾಡು ಹೇಳುತ್ತಾ ಎಂಜಾಯ್​ ಮಾಡಿದ್ದ ಪುನೀತ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಖ್ಯಾತ ಸಂಗೀತ ನಿರ್ದೇಶಕ ಗುರುಕಿರಣ್ ಅವರ ಹುಟ್ಟುಹಬ್ಬದಲ್ಲಿ ಪಾಲ್ಗೊಂಡಿದ್ದ ಪುನೀತ್ ರಾಜ್‌ಕುಮಾರ್, ಹಲವು ಹಾಡುಗಳನ್ನು ಹಾಡಿ ಅಲ್ಲಿದ್ದ ಎಲ್ಲರನ್ನೂ ರಂಜಿಸಿದ್ದರು. ಅಂದು ಹಾಡು ಹೇಳುತ್ತಾ ಎಂಜಾಯ್​ ಮಾಡಿದ ಪುನೀತ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಹುಟ್ಟುಹಬ್ಬದ ವೇಳೆ ಪವರ್​ ಸ್ಟಾರ್​ ಹಾಡು ಹೇಳುವ ಮೂಲಕ ಸಕತ್​ ಎಂಜಾಯ್​ ಮಾಡಿದ್ದರು. ಈ ವೇಳೆ ಸುಮಲತಾ, ಗಣೇಶ್, ಉಪೇಂದ್ರ ಸೇರಿದಂತೆ ಎಲ್ಲರೂ ಅವರ ಹಾಡುಗಾರಿಕೆಯನ್ನು ನೋಡಿ ನಕ್ಕು ನಲಿದಿದ್ದಾರೆ. ಜೊತೆಗೆ ಪುನೀತ್​ ಜೊತೆಗೆ ಅವರು ಸಹ ದನಿಗೂಡಿಸಿದ್ದರು.

‘ಹೃದಯಗಳ ಬ್ರೇಕ್‌ಫೇಲು, ಆ್ಯಕ್ಸಿಡೆಂಟ್ ಆಗ್ಹೋಗಿದೆ..’ ಎಂಬ ಉಪೇಂದ್ರ ಅವರ 'A' ಚಿತ್ರದ ಹಾಡನ್ನೇ ಪುನೀತ್ ಹಾಡಿದ್ದರು. ಬಹುಶಃ ತಮಗೂ ಹೃದಯದ ಆ್ಯಕ್ಸಿಡೆಂಟ್ ಆಗುತ್ತದೆ ಎಂದು ನಟ ಆ ಕ್ಷಣ ಭಾವಿಸಿರಲಿಲ್ಲ. ತಮಾಷೆ ಮಾಡುತ್ತಾ ಹಾಡಿದ್ದ ಹಾಡಿನ ಸಾಲುಗಳೇ ಇಂದು ನಿಜವಾಗಿದೆ ಎಂದು ಅಭಿಮಾನಿಗಳು ಕಣ್ಣೀರಾಗುತ್ತಿದ್ದಾರೆ.