ಈ ಫೋಟೋ ನೋಡಿದರೆ ಇವರು ಅವರೇನಾ ಎಂದು ಒಂದು ಕ್ಷಣ ಅನುಮಾನ ಬರದೇ ಇರದು. ಹಾಟ್ ಅವತಾರದ ಮೂಲಕ ಪಡ್ಡೆ ಹುಡುಗರ ಹೃದಯಕ್ಕೆ ಕನ್ನ ಹಾಕಿರುವ ಈ ಬೇಬಿ ಯಾರು ಅಂತೀರಾ? ಆಕೆ ಬೇರಾರೂ ಅಲ್ಲ, ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಕಮಲಿ ಧಾರಾವಾಹಿಯ ಕಮಲಿ.
- " class="align-text-top noRightClick twitterSection" data="
">
ಕಮಲಿ ಆಗಿ ಮನೆ ಮಾತಾಗಿರುವ ಈಕೆ ಹೆಸರು ಅಮೂಲ್ಯ ಗೌಡ. ಕಮಲಿ ಧಾರಾವಾಹಿಯಲ್ಲಿ ಹಳ್ಳಿ ಭಾಷೆ ಮಾತನಾಡುತ್ತಾ, ರಿಬ್ಬನ್ ಹಾಕಿ, ಎರಡು ಜಡೆ ಕಟ್ಟಿ, ಲಂಗ ದಾವಣಿ ಹಾಕಿ ಪಕ್ಕಾ ಹಳ್ಳಿ ಹುಡುಗಿಯಾಗಿ ಅಭಿನಯಿಸುತ್ತಿರುವ ಅಮೂಲ್ಯ ಗೌಡ ರಿಯಲ್ ಲೈಫ್ನಲ್ಲಿ ಪಕ್ಕಾ ಬಿಂದಾಸ್. ರೀಲ್ನಲ್ಲಿ ಸಾಂಪ್ರದಾಯಿಕ ಅವತಾರದಲ್ಲಿ ಕಿರುತೆರೆ ವೀಕ್ಷಕರ ಮನ ಸೆಳೆದಿರುವ ಅಮೂಲ್ಯ ಗೌಡ ಮಾಡ್ರನ್ ಅವತಾರ ಕಂಡಾಗ ಒಂದು ಕ್ಷಣ ಎಲ್ಲರೂ ಬೆರಗಾಗುವುದಂತೂ ನಿಜ.
- " class="align-text-top noRightClick twitterSection" data="
">
ಅಮೂಲ್ಯ ಗೌಡ ತಮ್ಮ ಮಾಡ್ರನ್ ಲುಕ್ಗಾಗಿಯೇ ಕೆಲವೊಂದು ಬಾರಿ ಟ್ರೋಲ್ಗೆ ಒಳಗಾಗಿದ್ದಾರೆ. ಆದರೆ ಅದರ ಬಗ್ಗೆ ಕಿಂಚಿತ್ತೂ ತಲೆ ಕೆಡಿಸಿಕೊಳ್ಳದ ಆಕೆ, ನಮಗೂ ಕೂಡಾ ಪರ್ಸನಲ್ ಲೈಫ್ ಇದೆ, ನಮಗೆ ಇಷ್ಟ ಬಂದ ಹಾಗೆ ಇರುತ್ತೇವೆ ಎಂದು ಕಡ್ಡಿ ಮುರಿದಂತೆ ಹೇಳುತ್ತಾರೆ. ಇನ್ನು ನಟನೆಯ ವಿಚಾರ ಬಂದಾಗ ಅಮೂಲ್ಯ ಪಾತ್ರಕ್ಕಾಗಿ ಬಹಳ ಸ್ಟ್ರಿಕ್ಟ್ ಇರುತ್ತಾರೆ. ಅದು ಸಾಂಪ್ರದಾಯಿಕ ಹುಡುಗಿ ಪಾತ್ರವಾಗಲೀ, ಮಾಡ್ರನ್ ಪಾತ್ರವಾಗಲೀ ಪ್ರತಿ ಪಾತ್ರಕ್ಕೂ ಅವರು ಜೀವ ತುಂಬುತ್ತಾರೆ.
- " class="align-text-top noRightClick twitterSection" data="
">
ಸ್ವಾತಿಮುತ್ತು, ಪುನರ್ ವಿವಾಹ, ಅರಮನೆ ಧಾರಾವಾಹಿಯಲ್ಲಿ ಅಭಿನಯಿಸಿರುವ ಅಮೂಲ್ಯ ಅವರಿಗೆ ಸಿನಿಮಾದಲ್ಲಿ ಅಭಿನಯಿಸುವ ಜೊತೆಗೆ ಪರಭಾಷಾ ಧಾರಾವಾಹಿಯಲ್ಲಿ ಬಣ್ಣ ಹಚ್ಚುವ ಅವಕಾಶ ದೊರೆಯುತ್ತಿದೆ. ಸದ್ಯಕ್ಕೆ ಎಲ್ಲದಕ್ಕೂ ನೋ ಎಂದಿರುವ ಈಕೆಗೆ ಕಮಲಿ ಪಾತ್ರ ಹಾಗೂ ಆ ಧಾರಾವಾಹಿ ಬಿಟ್ಟು ಹೋಗಲು ಮನಸೇ ಇಲ್ಲವಂತೆ.
- " class="align-text-top noRightClick twitterSection" data="
">
