ಹೈದರಾಬಾದ್(ತೆಲಂಗಾಣ): ಬಾಲಿವುಡ್ ಸೂಪರ್‌ಸ್ಟಾರ್ ಅಕ್ಷಯ್ ಕುಮಾರ್ (Akshay Kumar) ಸೇರಿದಂತೆ ಬಹುತಾರಾಗಣದ ಬಾಲಿವುಡ್ನ 'ಸೂರ್ಯವಂಶಿ'(Suryavanshi) ನ. 05ರಂದು ಬಿಡುಗಡೆಯಾಗಿದ್ದು, ಬಾಕ್ಸ್ ಆಫೀಸ್ನಲ್ಲಿ ದಾಖಲೆ ಬರೆದಿದೆ. ಆದರೆ, ಈ ಯಶಸ್ಸಿನ ಸಂಭ್ರಮಾಚರಣೆ ಬದಲು ತಮ್ಮ ಮುಂದಿನ ಚಿತ್ರಕ್ಕೆ ಸಂಬಂಧಿಸಿದಂತೆ ಅಕ್ಷಯ್ ಕುಮಾರ್ ಸಖತ್ ಬ್ಯುಸಿಯಾಗಿದ್ದಾರೆ.
ಕೋವಿಡ್ - ಲಾಕ್ಡೌನ್ ನಂತರ ಬಾಲಿವುಡ್ ಚಿತ್ರ ಉದ್ಯಮ ಪುನರುಜ್ಜೀವನಗೊಳಿಸಿದ ಕೀರ್ತಿಗೆ ಪಾತ್ರವಾಗಿರುವ ಈ ಚಿತ್ರದ ಯಶಸ್ಸು ಆಚರಿಸಲು ನಟ ಇನ್ನೂ ಸಮಯ ತೆಗೆದುಕೊಂಡಿಲ್ಲ. ಬದಲಾಗಿ ಮುಂಬರುವ ಚಿತ್ರ ರಾಮ್ ಸೇತು( Ram Setu ) ಚಿತ್ರೀಕರಣಕ್ಕೆ ಸಹನಟಿ ಜಾಕ್ವೆಲಿನ್ ಫರ್ನಾಂಡೀಸ್( Jacqueline Fernandez) ಜೊತೆ ನಟ ಅಕ್ಷಯ್ ಕುಮಾರ್ ಹೊರಟಿದ್ದಾರೆ.
ಇದನ್ನೂ ಓದಿ: ಬಾಲಿವುಡ್ ಬಾಯಿಜಾನ್ 'ಸಲ್ಲು' ಭಾಯ್ ಫೇವರಿಟ್ ಹೀರೋ ಯಾರು ಗೊತ್ತಾ...!
ಅಕ್ಷಯ್ ಮತ್ತು ಜಾಕ್ವೆಲಿನ್ ತಮ್ಮ ವಿಮಾನ ಪ್ರಯಾಣದ ವಿಡಿಯೋ ಹಂಚಿಕೊಂಡಿದ್ದಾರೆ. ರಾಮ್ ಸೇತು ಚಿತ್ರೀಕರಣಕ್ಕೆ ಹೊರಟಿದ್ದು, ಎಲ್ಲಿಗೆ ತೆರಳುತ್ತಿದ್ದಾರೆ ಎಂಬುದನ್ನು ಮಾತ್ರ ಉಲ್ಲೇಖಿಸಿಲ್ಲ.
ಈ ಚಿತ್ರದಲ್ಲಿ ಪುರಾತತ್ವಶಾಸ್ತ್ರಜ್ಞನಾಗಿ ಅಕ್ಷಯ್ ಕುಮಾರ್ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದಲ್ಲಿ ನಟಿ ಜಾಕ್ವೆಲಿನ್ ಫರ್ನಾಂಡಿಸ್ ಜೊತೆ ನುಶ್ರತ್ ಬರುಚಾ ಸಹ ನಟಿಸಿದ್ದಾರೆ. ಅಭಿಷೇಕ್ ಶರ್ಮಾ ಈ ಸಿನಿಮಾ ನಿರ್ದೇಶಿಸಿಸುತ್ತಿದ್ದಾರೆ. ವಿಕ್ರಮ್ ಮಲ್ಹೋತ್ರಾ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ.
