ಮುಂಬೈ(ಮಹಾರಾಷ್ಟ್ರ): 'ಊ ಅಂತಾವಾ' ಐಟಂ ಸಾಂಗ್ ದೇಶಾದ್ಯಂತ ಸಿಕ್ಕಾಪಟ್ಟೆ ಕ್ರೇಜ್ ಹುಟ್ಟಿಸಿದ್ದು, ನಟಿ ಸಮಂತಾಗೆ ಇನ್ನಿಲ್ಲದ ಹೆಸರು ತಂದುಕೊಟ್ಟಿದೆ. ಮುಂಬೈನಲ್ಲಿ ನಡೆದ ಕ್ರಿಟಿಕ್ ಚಾಯ್ಸ್ ಫಿಲ್ಮಂ ಅವಾರ್ಡ್ಸ್‌ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ವೇಳೆ ನಟಿ ಇದೇ ವಿಷಯದ ಬಗ್ಗೆ ಮಾತನಾಡಿದ್ದಾರೆ.
ಈ ಹಾಡಿನಿಂದಾಗಿ ಜನರು ನನ್ನ ಮೇಲೆ ಯಾವ ರೀತಿಯಲ್ಲಿ ಪ್ರೀತಿ ತೋರಿಸುತ್ತಿದ್ದಾರೆಂದು ವಿವರಿಸಲು ಸಾಧ್ಯವಾಗುತ್ತಿಲ್ಲ. ಊ ಅಂತಾವಾ ಸಾಂಗ್ ಪ್ಯಾನ್ ಇಂಡಿಯಾ ಆಗುತ್ತದೆ ಎಂದು ನಾನು ನಿರೀಕ್ಷೆ ಮಾಡಿರಲಿಲ್ಲ ಎಂದಿದ್ದಾರೆ. ನಾನು ನಟನೆ ಮಾಡಿರುವ ರಂಗಸ್ಥಳಂ ಸೇರಿದಂತೆ ಅನೇಕ ಚಿತ್ರ ಮರೆತು ಹೋಗಿರುವ ಪ್ರೇಕ್ಷಕರು, ಇದೀಗ ಊ ಅಂತಾವಾ ಹಾಡಿನಿಂದ ನನ್ನನ್ನು ಗುರುತಿಸುತ್ತಿದ್ದಾರೆ ಎಂದರು.
ಇದನ್ನೂ ಓದಿರಿ: 'ರಾಧೆ ಶ್ಯಾಮ್' ಸಿನಿಮಾ ಬಗ್ಗೆ ದ್ವಂದ್ವ ಹೇಳಿಕೆ ನೀಡಿದ ಚಿತ್ರ ವಿಮರ್ಶಕ!
ಸಮಂತಾ ರುತ್ ಪ್ರಭು ಅವರು ಊ ಅಂತಾವಾ ಐಟಂ ಸಾಂಗ್ ಅನೇಕ ದಾಖಲೆ ಸೃಷ್ಟಿಸಿದ್ದು, ದೇವಿ ಶ್ರೀ ಪ್ರಸಾದ್ ಅವರ ಸಂಗೀತ ಸಂಯೋಜನೆ ಇದೆ. ಐಟಂ ಸಾಂಗ್ಗಳಿಗೆ ಹಿಂದೇಟು ಹಾಕುತ್ತಿದ್ದ ನಟಿ, ಅಲ್ಲು ಅರ್ಜುನ್ ಮತ್ತು ನಿರ್ದೇಶಕ ಸುಕುಮಾರ್ ಅವರ ಕಾಂಬಿನೇಷನ್ನಲ್ಲಿ ಹಾಡು ಸೆನ್ಸೇಷನ್ ಸೃಷ್ಟಿಸುವ ಸಾಧ್ಯತೆ ಇರುವ ಕಾರಣ ಈ ನಿರ್ಧಾರ ಕೈಗೊಂಡಿದ್ದಾಗಿ ತಿಳಿಸಿದ್ದಾರೆ.
