ನಮ್ಮ ರಾಜ್ಯದಲ್ಲಿ ಕನ್ನಡ ಮಾತೃಭಾಷೆಯಾಗಿದ್ದರೂ ಅದರಲ್ಲಿ ಬಹಳಷ್ಟು ಉಪಭಾಷೆಗಳಿವೆ. ಅವುಗಳಲ್ಲಿ ಕುಂದಾಪುರ ಕನ್ನಡ ಕೂಡಾ ಒಂದು. ಕನ್ನಡ ಭಾಷೆಯ ಕೆಲವೊಂದು ಶಬ್ಧಾರ್ಥಗಳಿಗೆ ಕುಂದಾಪುರ ಕನ್ನಡವೇ ಮೂಲ ಎನ್ನಲಾಗಿದೆ.
- " class="align-text-top noRightClick twitterSection" data="">
ಈ ವರ್ಷ ಆಗಸ್ಟ್ 1 ರಂದು ವಿಶ್ವ ಕುಂದಗನ್ನಡ ದಿನಾಚರಣೆಯನ್ನು ಆಚರಿಸಲಾಗಿದೆ. ಸ್ಯಾಂಡಲ್ವುಡ್ ಸಂಗೀತ ನಿರ್ದೇಶಕ ರವಿ ಬಸ್ರೂರು 'ಕುಂದಾಪುರ ದಿನಾಚರಣೆ' ವಿಶೇಷವಾಗಿ ಕುಂದಾಪುರ ಭಾಷೆಯನ್ನು ಬಳಸಿಕೊಂಡು ಹಾಡೊಂದನ್ನು ಹಾಡಿದ್ದಾರೆ. 'ವಾಂಟಿನಳ್ಗಿ ಚಡ್ಡಿ' ಎಂಬ ಸಾಲಿನಿಂದ ಆರಂಭವಾಗುವ ಈ ಹಾಡನ್ನು ಭಾಸ್ಕರ್ ಬಂಗೇರ ಬರೆದಿದ್ದಾರೆ. ಅನನ್ಯ ಭಟ್ ಹಾಗೂ ರವಿ ಬಸ್ರೂರು ಈ ಹಾಡನ್ನು ಹಾಡಿದ್ದಾರೆ. ರಾಕೇಶ್ ಎಂಬುವವರು ಹಾಡಿನ ರೆಕಾರ್ಡಿಂಗ್ ಮಾಡಿದ್ದಾರೆ. ರವಿ ಬಸ್ರೂರ್ ಈ ಹಾಡಿಗೆ ಸಂಗೀತ ನೀಡಿದ್ದಾರೆ. ಈ ಹಾಡನ್ನು ಲಕ್ಷಕ್ಕೂ ಹೆಚ್ಚು ಜನ ನೋಡಿದ್ದಾರೆ. ಅಲ್ಲದೆ ಬಹಳಷ್ಟು ಜನ ಕುಂದಾಪುರ ಭಾಷೆಯಲ್ಲೇ ಕಮೆಂಟ್ ಮಾಡಿದ್ದಾರೆ. ಈ ಹಾಡು ಬಹಳ ದಿನಗಳ ನಂತರ ವೈರಲ್ ಆಗಿದೆ. ಒಮ್ಮೆ ಈ ಹಾಡನ್ನು ಕೇಳಿದರೆ ನೀವೂ ಕೂಡಾ ಕುಣಿಯುವುದು ಗ್ಯಾರಂಟಿ
