ರಿಯಲ್ ಸ್ಟಾರ್ ಉಪೇಂದ್ರ ಕನ್ನಡ ಚಿತ್ರರಂಗ ಅಲ್ಲದೇ ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಬುದ್ಧಿವಂತ ನಟ ಕಮ್ ನಿರ್ದೇಶಕ ಅಂತಾ ಕರೆಯಿಸಿಕೊಂಡಿರುವ ನಟ. ಸದ್ಯ ಕಬ್ಜ ಸಿನಿಮಾದ ಮಧ್ಯೆ ಉಪೇಂದ್ರ ಅಭಿಮಾನಿಗಳಿಗೆ ಗುಡ್ ನ್ಯೂಸ್ಸ್ವೊಂದನ್ನು ಕೊಟ್ಟಿದ್ದಾರೆ.
ಅಭಿಮಾನಿಗಳ ಚಕ್ರವರ್ತಿ ಕರೆಯಿಸಿಕೊಂಡಿರುವ ಉಪೇಂದ್ರ ತಮ್ಮ ನಿರ್ದೇಶನದ ಹೊಸ ಸಿನಿಮಾವನ್ನ ಘೋಷಣೆ ಮಾಡುವ ಮೂಲಕ ಮತ್ತೆ ಅಭಿಮಾನಿಗಳ ತಲೆಗೆ ಹುಳ ಬಿಟ್ಟಿದ್ದಾರೆ. ಚಿತ್ರದ ಟೈಟಲ್ನಿಂದಲೇ ಒಂದು ಹೈಪ್ ಕ್ರಿಯೇಟ್ ಮಾಡುವ ಅವರ ನಿರ್ದೇಶನದ ಸಿನಿಮಾ ಹೇಗಿದೆ ಗೊತ್ತಾ?
ಉಪೇಂದ್ರ ಸಿನಿಮಾದಲ್ಲಿ ನಾನು ಅಂತಿದ್ದ ರಿಯಲ್, ಉಪ್ಪಿ 2 ಚಿತ್ರದಲ್ಲಿ ನೀನು ಅಂತಾ ತಲೆಕೆಳಗಾಗಿ ನಿಲ್ಲುವ ಪೋಸ್ಟರ್ ಮೂಲಕ ಅಭಿನಿಮಾನಿಗಳಿಗೆ ಕಿಕ್ ಕೊಟ್ಟಿದ್ದರು. ಈಗ ರಿಯಲ್ ಸ್ಟಾರ್ ಇವನು ಅಂತಾ ಟೈಟಲ್ ಇಡುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ.
ತಿರುಪತಿ ನಾಮದ ಆಕಾರದಂತಿರುವ ಪೋಸ್ಟರ್ನಲ್ಲಿ, ಉಪೇಂದ್ರ ಕುದುರೆ ಮೇಲೆ ಕುಳಿತುಕೊಂಡು ಅಘೋರಿ ಅವತಾರದಲ್ಲಿ ಕಾಣುತ್ತಿದ್ದಾರೆ. ಪೋಸ್ಟರ್ ಹಿಂದೆ ಚಂದ್ರಯಾನವನ್ನ ಡಿಸೈನ್ ಮಾಡಲಾಗಿದೆ. ಕೆಲವರು ಇದನ್ನು ಕುದುರೆ ಲಾಳದ ಸಿಂಬಲ್ ಎಂದು ಕರೆಯುತ್ತಿದ್ದಾರೆ.
ಬರೋಬರಿ 7 ವರ್ಷಗಳ ಬಳಿಕ ನಿರ್ದೇಶನ ಮಾಡುತ್ತಿರುವ ಸಿನಿಮಾ ಇದು. ಟಗರು ಹಾಗೂ ಸಲಗ ಸಿನಿಮಾ ನಿರ್ಮಾಣ ಮಾಡಿರುವ ನಿರ್ಮಾಪಕ ಕೆ.ಪಿ. ಶ್ರೀಕಾಂತ್ ಲಹರಿ ಆಡಿಯೋ ಮಾಲೀಕರಾದ ಮನೋಹರನ್ ಜೊತೆ ಜಂಟಿಯಾಗಿ ಈ ಸಿನಿಮಾವನ್ನ ನಿರ್ಮಾಣ ಮಾಡುತ್ತಿದ್ದಾರೆ.
ಇನ್ನು ಈ ಚಿತ್ರದಲ್ಲಿ ನಾಯಕಿ ಯಾರು? ಈ ಸಿನಿಮಾದ ಸಂಗೀತ ನಿರ್ದೇಶಕ ಯಾರು? ಅನ್ನೋದು ಸದ್ಯದಲ್ಲೇ ಗೊತ್ತಾಗಲಿದೆ. ಕನ್ನಡ, ತೆಲುಗು, ತಮಿಳು, ಹಿಂದಿ, ಮಲೆಯಾಳಂ ಭಾಷೆಗಳಲ್ಲಿ ಉಪೇಂದ್ರ ನಿರ್ದೇಶನದ ಇವನು ಸಿನಿಮಾ ಮೂಡಿ ಬರಲಿದೆ.
ಇದನ್ನೂ ಓದಿ: 'ಬೆವರು ಹರಿಸಿ ಮುನ್ನಡೆ'.. ಅನುಷ್ಕಾ ಶರ್ಮಾ 'ಚಕ್ಡಾ ಎಕ್ಸ್‌ಪ್ರೆಸ್‌' ಪೂರ್ವ ತಯಾರಿ ಹೀಗಿದೆ..
ಸದ್ಯ ಉಪೇಂದ್ರ ಘೋಷಣೆ ಮಾಡಿರುವ ಸಿನಿಮಾದ ಪೋಸ್ಟರ್ ಸ್ಯಾಂಡಲ್ವುಡ್ ಅಲ್ಲದೇ ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಟಾಕ್ ಆಗುತ್ತಿದೆ. ಹೊಸ ಚಿತ್ರದ ಪೋಸ್ಟರ್ ಬಿಡುಗಡೆಗೊಳಿಸಿದ ಅವರು, ತಮ್ಮ ಅಭಿಮಾನಿಗಳಿಗೆ ಈವರೆಗಿನ ಸಿನಿ ಜರ್ನಿಯನ್ನು ಸುಂದರವಾಗಿಸಿದ್ದಕ್ಕೆ ಧನ್ಯವಾದ ಸಹ ತಿಳಿಸಿದ್ದಾರೆ.
