ಹೈದರಾಬಾದ್: ಮಂದಿರಾ ಬೇಡಿ ಅಭಿನಯದ ಪ್ಯಾರ್ ಮೇನ್ ಕಭಿ ಕಭಿ ಮತ್ತು ಶಾದಿ ಕಾ ಲಡ್ಡೂ ಮುಂತಾದ ಹಿಟ್ ಚಲನಚಿತ್ರಗಳನ್ನು ನಿರ್ದೇಶಿಸಿದ ರಾಜ್ ಕೌಶಲ್ ಹೃದಯಾಘಾತದಿಂದ ಇಂದು ಮುಂಜಾನೆ ನಿಧನರಾಗಿದ್ದಾರೆ ಎಂದು ಮೂಲ ತಿಳಿದಿದೆ. 50 ವರ್ಷದ ರಾಜ್ ನಟಿ, ನಿರೂಪಕಿ ಮಂದಿರಾ ಬೇಡಿ ಮತ್ತು ಅವರ ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ.
ರಾಜ್ ಕೌಶಲ್ ಹಾಗೂ ಮಂದಿರಾ ಬೇಡಿ 20 ವರ್ಷಗಳಿಂದ ಜೊತೆಯಾಗಿದ್ದರು. ಆದರೆ, ಇಂದು ರಾಜ್ ಮೃತಪಟ್ಟಿರುವುದು ಮಂದಿರಾ ಹಾಗೂ ಕುಟುಂಬಕ್ಕೆ ತೀವ್ರ ನೋವುಂಟು ಮಾಡಿದೆ. ಇನ್ನು ಪತಿಯ ಅಂತಿಮ ಸಂಸ್ಕಾರವನ್ನು ಮಂದಿರಾ ನೆರವೇರಿಸಿದ್ದಾರೆ. ಈ ವೇಳೆ, ನಟರಾದ ರೋನಿತ್ ರಾಯ್, ಸಮೀರ್ ಸೋನಿ, ಆಶಿಶ್ ಚೌಧರಿ, ಮತ್ತು ಪ್ಯಾರ್ ಮೇನ್ ಕಭಿ ಕಭಿ ನಟ ಡಿನೋ ಮೊರಿಯಾ ಸೇರಿದಂತೆ ಆಪ್ತ ವಲಯ ರಾಜ್ ಭಾಗಿಯಾಗಿದ್ದಾರೆ.
ಕೌಶಲ್ 1989 ರಲ್ಲಿ ಕಾಪಿರೈಟರ್ ಆಗಿ ವೃತ್ತಿ ಆರಂಭಿಸಿದ ಅವರು, ನಂತರ ಮುಕುಲ್ ಆನಂದ್ ಜೊತೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದರು. ಬಳಿಕ ತಮ್ಮದೇ ಆದ ಜಾಹೀರಾತು-ಉತ್ಪಾದನಾ ಕಂಪನಿಯನ್ನು ಸ್ಥಾಪಿಸಿ, 800 ಕ್ಕೂ ಹೆಚ್ಚು ಜಾಹೀರಾತುಗಳನ್ನು ನಿರ್ದೇಶಿಸಿದ್ದಾರೆ.
