ನಟಿ ಮೇಘನಾಗೆ 'ಒಂಟಿ' ಅಂದ್ರೆ ತುಂಬಾ ಇಷ್ಟವಂತೆ...!

ನಟಿ ಮೇಘನಾ ರಾಜ್ ಮದುವೆಯಾಗಿದ್ರು"ಒಂಟಿ "ಅಂತಿದ್ದಾರೆ. ಅಯ್ಯೋ ಇದೇನಪ್ಪಾ ಮದುವೆಯಾಗಿ ವರ್ಷ ಆಗಿಲ್ಲ ಆದ್ರೂ ಮೇಘನಾ ಯಾಕಪ್ಪಾ ಒಂಟಿ ಅಂತಿದ್ದಾರೆ ಅಂತ ಕನ್ಫ್ಯೂಸ್ ಆಗ್ಬೇಡಿ. ನಟಿ ಮೇಘನಾ ರಾಜ್ ಮದುವೆ ಆದ ಮೇಲೆ "ಒಂಟಿ" ಚಿತ್ರದಲ್ಲಿ ನಟಿಸಿದ್ದು, ಈ ಚಿತ್ರ ಅವರಿಗೆ ತುಂಬ ಇಷ್ಟವಂತೆ.

ಬೆಂಗಳೂರು: ನಟಿ ಮೇಘನಾ ರಾಜ್ ಮದುವೆಯಾಗಿದ್ರು "ಒಂಟಿ" ಅಂತಿದ್ದಾರೆ. ಇದೇ ಅವರಿಗೆ ತುಂಬ ಇಷ್ಟ ಅಂತಾನೂ ಹೇಳಿಕೊಂಡಿದ್ದಾರೆ.

ಹೌದು, ಮೇಘನಾ ರಾಜ್​ ಯಾಕಪ್ಪಾ ಒಂಟಿ ಅಂತಿದ್ದಾರೆ ಅಂತ ಕನ್ಫ್ಯೂಸ್ ಆಗ್ಬೇಡಿ. ಅವರು ಮದುವೆಯಾದ ಮೇಲೆ ಮೊದಲ ಬಾರಿಗೆ "ಒಂಟಿ" ಚಿತ್ರದಲ್ಲಿ ನಟಿಸಿದ್ದು, ಇಂದು ಚಿತ್ರದ ಆಡಿಯೋ ಸಹ ಬಿಡುಗಡೆಯಾಗಿದೆ.

ಒರಟ ಐ ಲವ್ ಯು ಚಿತ್ರದ ಮೂಲಕ ಭರವಸೆ ಮೂಡಿಸಿದ್ದ ನಿರ್ದೇಶಕ ಶ್ರೀ, ತುಂಬಾ ವರ್ಷಗಳ ನಂತರ ಆ್ಯಕ್ಷನ್ ಕಟ್ ಹೇಳಿರುವ ಸಿನಿಮಾ ಈ ಒಂಟಿ. ಅಲ್ಲದೆ ಒಂಟಿ ಚಿತ್ರದಲ್ಲಿ ಈ ಸಂಜೆ ಸಿನಿಮಾದಲ್ಲಿ ನಾಯಕನಾಗಿ ಅಭಿನಯಿಸಿದ್ದ ಆರ್ಯ ನಾಯಕನಾಗಿ ಬಣ್ಣ ಹಚ್ಚಿದ್ದಾರೆ. ಇನ್ನು ಒಂಟಿ ಸಿನಿಮಾ ಪಕ್ಕ ಕಮರ್ಷಿಯಲ್ ಆಗಿದ್ದು ಒಂದು ಲವ್ ಸ್ಟೋರಿಯ ಜೊತೆ ಅಂಡರ್​​ವರ್ಲ್ಡ್​ ಲೇಪನದ ಮಾಸ್ ಸಿನಿಮಾವಾಗಿದೆ. ಈ ಚಿತ್ರದಲ್ಲಿ ಬರೋಬ್ಬರಿ 8 ಫೈಟ್​ಗಳಿದ್ದು, ಚಿತ್ರದಲ್ಲಿ ಸಾಹಸ ನಿರ್ದೇಶಕ ಮಾಸ್ ಮಾದು ಎಲ್ಲಾ ಫೈಟ್​​ಗಳನ್ನು ಕಂಪೋಸ್ ಮಾಡಿದ್ದಾರೆ.

ಸಿನಿಮಾದಲ್ಲಿ ಮೇಘನಾರದ್ದೇನು ಪಾತ್ರ :

ಈ ಸಿನಿಮಾದಲ್ಲಿ ನಟಿ ಮೇಘನಾ ರಾಜ್ ಕಾಲೇಜು ಹುಡುಗಿಯ ಪಾತ್ರದಲ್ಲಿ ಕಾಣಿಸಿದ್ದಾರೆ. ಕಾಲೇಜ್ ಗೋಯಿಂಗ್ ಕ್ಯಾರೆಕ್ಟರ್ ಮಾಡಿದರೂ ಸಹ ಇದು ತುಂಬಾ ವಿಶೇಷವಾದ ಪಾತ್ರ ಅಂತಾರೆ ಮೇಘನಾ ರಾಜ್. ಇನ್ನು, ಚಿತ್ರದ ಕಥೆ ರೆಡಿ ಮಾಡಿಕೊಂಡು ನಿರ್ದೇಶಕ ಶ್ರೀ ಹಾಗೂ ನಾಯಕ ಆರ್ಯ ಹಲವು ನಿರ್ಮಾಪಕರ ಮನೆ ಬಾಗಿಲು ತಟ್ಟಿದ್ದರೂ ಏನು ಪ್ರಯೋಜನ ಇಲ್ಲ ಎಂದು ಗೊತ್ತಾದ ಮೇಲೆ ನಾಯಕ ಆರ್ಯ ಅವರೇ ಈ ಚಿತ್ರ ನಿರ್ಮಾಣಕ್ಕೆ ಕೈ ಹಾಕಿದ್ದು ತುಂಬಾ ಅದ್ದೂರಿಯಾಗಿ ಚಿತ್ರ ಮೂಡಿಬಂದಿದೆ.

ಅಲ್ಲದೆ, ಈ ಒಂಟಿ ಸಿನಿಮಾದ ಮತ್ತೊಂದು ವಿಶೇಷ ಅಂದ್ರೆ ಸಂಗೀತ. ಈ ಚಿತ್ರಕ್ಕೆ ಮ್ಯೂಸಿಕ್​ ಕಂಪೋಸ್ ಮಾಡಿರುವ ಮನೋಜ್ ಎಸ್ ಮೂಲತಃ ಶ್ರೀಲಂಕಾದವರು. ಕರ್ನಾಟಕಕ್ಕೆ ಬಂದು ಕನ್ನಡವನ್ನು ಕಲಿತು ಕನ್ನಡಿಗನಾಗಿರುವ ಶ್ರೀಲಂಕಾದ ಮನೋಜ್, ಚಿತ್ರಕ್ಕೆ ಟ್ಯೂನ್ ಕಂಪೋಸ್ ಮಾಡಿದ್ದಾರೆ. ಚಿತ್ರದಲ್ಲಿ ನಾಲ್ಕು ಹಾಡುಗಳಿದ್ದು, ಒಂದೊಂದು ಹಾಡು ತುಂಬಾ ವಿಭಿನ್ನವಾಗಿ ಮೂಡಿ ಬಂದಿವೆ. ಅಲ್ಲದೆ‌ ಈಗಾಗಲೇ ಕೇಳುಗರಿಂದ ಪ್ರಶಂಸೆಯನ್ನು ಪಡೆದಿವೆ.

ಇನ್ನು ಶೂಟಿಂಗ್ ಕಂಪ್ಲೀಟ್ ಮಾಡಿ ಎಲ್ಲಾ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳನ್ನು ಮುಗಿಸಿರುವ ಒಂಟಿ ತಂಡ ಸೆನ್ಸಾರ್​ ಬೋರ್ಡ್​​ ಕದ ತಟ್ಟಲು ಸಿದ್ಧವಾಗಿದ್ದು, ಜುಲೈನಲ್ಲಿ ಚಿತ್ರ ತೆರೆಗೆ ಅಪ್ಪಳಿಸುವ ಸಾಧ್ಯತೆಗಳಿವೆ.