ನಿರೂಪಣೆಯ ಮೂಲಕವೇ ಮನೆ ಮಾತಾಗಿರುವ ನಿರಂಜನ್ ದೇಶಪಾಂಡೆ ಹಳೆಯ ದಿನಗಳನ್ನು ಮೆಲುಕು ಹಾಕಿದ್ದಾರೆ. ತನ್ನ ನೆನಪಿನ ಬುತ್ತಿಯಿಂದ ಆಯ್ದ ಒಂದು ಫೊಟೋವನ್ನು ನಿರಂಜನ್ ದೇಶಪಾಂಡೆ ಇನ್ ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಆ ಮೂಲಕ ಕಳೆದು ಹೋಗಿರುವ ಸುಂದರ ದಿನಗಳನ್ನು ಮತ್ತೊಮ್ಮೆ ನೆನಪು ಮಾಡಿಕೊಂಡಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ನಿರಂಜನ್ ಶೇರ್ ಮಾಡಿರುವ ಫೋಟೋದಲ್ಲಿ ನಿರಂಜನ್ ಜೊತೆಗೆ ವಸಿಷ್ಠ ಸಿಂಹ ಹಾಗೂ ರಿಷಿಯನ್ನು ಕಾಣಬಹುದು. ಮೂರು ಜನ ಇರುವ ಫೊಟೋ ಹಾಕಿರುವ ನಿರಂಜನ್ "ಒಂದಾನೊಂದು ಕಾಲದಲ್ಲಿ ನಮ್ಮ ನಾಟಕದ ರಿಹರ್ಸಲ್ನಲ್ಲಿ. ನೋಡಿ ನಾನು ವಶಿಷ್ಠ ಹಾಗೂ ರಿಷಿ ಹೇಗಿದ್ವಿ" ಎಂದು ಬರೆದುಕೊಂಡಿದ್ದಾರೆ.
ಯಾವುದೋ ಒಂದು ನಾಟಕದ ರಿಹರ್ಸಲ್‌ನ ವೇಳೆ ಮೂವರು ಜೊತೆಯಾಗಿ ತೆಗೆಸಿಕೊಂಡಿರುವ ಫೋಟೋ ಇದಾಗಿದೆ.
- " class="align-text-top noRightClick twitterSection" data="
">
ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಮಿಲನ ಧಾರಾವಾಹಿಯಲ್ಲಿ ಅಂಜನ್ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಮೂಲಕ ಕಿರುತೆರೆಗೆ ಕಾಲಿಟ್ಟಿರುವ ನಿರಂಜನ್ ದೇಶಪಾಂಡೆ ವೀಕ್ಷಕರಿಗೆ ಮಗದಷ್ಟು ಹತ್ತಿರವಾದುದು ಬಿಗ್ ಬಾಸ್ ಸ್ಪರ್ಧಿಯಾದ ಬಳಿಕ.
ಬಿಗ್ ಬಾಸ್ ಮನೆಯಿಂದ ಹೊರಬಂದ ಬಳಿಕ ನಿರಂಜನ್ ವಿಭಿನ್ನ ಶೈಲಿಯ ನಿರೂಪಣೆಯಿಂದಾಗಿ ಕಿರುತೆರೆ ವೀಕ್ಷಕರ ಮನ ಗೆದ್ದರು.
ನಟನೆ, ನಿರೂಪಣೆಯ ಜೊತೆಗೆ ಆರ್‌ಜೆ ಆಗಿಯೂ ಗುರುತಿಸಿಕೊಂಡಿರುವ ನಿರಂಜನ್ ದೇಶಪಾಂಡೆ ಬೊಂಬೆ ಮಿಠಾಯಿ ಸಿನಿಮಾದಲ್ಲಿಯೂ ನಟಿಸಿದರು.
ಮಜಾಭಾರತ, ತುತ್ತಾ ಮುತ್ತಾ ಸೀಸನ್ 1 ಹಾಗೂ ಸೀಸನ್ 2ರ ನಿರೂಪಕರಾಗಿಯೂ ಮನೆ ಮಾತಾಗಿರುವ ನಿರಂಜನ್ ಸದ್ಯ ಚಿಕ್ಕಮಗಳೂರಿನಲ್ಲಿರುವ ತಮ್ಮ ರೆಸಾರ್ಟ್‌ನಲ್ಲಿ ಕಾಲ ಕಳೆಯುತ್ತಿದ್ದಾರೆ.
