'ರಾಹುಲ್​​ ದ್ರಾವಿಡ್​​ ನನ್ನ ಮೊದಲ ಲವ್': ಬಾಲಿವುಡ್ ನಟಿ ರಿಚಾ ಚಡ್ಡಾ

ಬಾಲಿವುಡ್ ನಟಿ ರಿಚಾ ಚಡ್ಡಾ ತನ್ನ ಮೊದಲ ಲವ್​ ಯಾರು ಎಂಬುದರ ಬಗ್ಗೆ ಬಹಿರಂಗವಾಗಿ ಮಾತನಾಡಿದ್ದಾರೆ.

ಮುಂಬೈ(ಮಹಾರಾಷ್ಟ್ರ): ಟೀಂ ಇಂಡಿಯಾದ ಸರ್ವಶ್ರೇಷ್ಠ ಬ್ಯಾಟ್ಸ್​ಮನ್​​ ಮತ್ತು ಟೀಂ ಇಂಡಿಯಾದ ಕೋಚ್​ ರಾಹುಲ್​​ ದ್ರಾವಿಡ್​​​ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಈ ನಡುವೆ, ಇನ್ಸೈಡ್​ ಎಡ್ಜ್​​ ಸೀಸನ್​​ 3ರ ಟ್ರೇಲರ್​​ ಬಿಡುಗಡೆ ಸಮಾರಂಭದಲ್ಲಿ ಭಾಗಿಯಾಗಿದ್ದ ಬಾಲಿವುಡ್​​​​ ನಟಿ ರಿಚಾ ಚಡ್ಡಾ ಕುರಿತು ವಿಭಿನ್ನವಾದ ಹೇಳಿಕೆ ನೀಡಿದ್ದಾರೆ.

ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ನಟಿ, ರಾಹುಲ್​ ದ್ರಾವಿಡ್​​ ನನ್ನ ಫಸ್ಟ್​ ಲವ್​ ಎಂದು ಹೇಳಿಕೊಂಡಿದ್ದಾರೆ. ನಾನು ಹೆಚ್ಚು ಕ್ರಿಕೆಟ್​ ಅಭಿಮಾನಿಯಲ್ಲ. ಆದರೆ ಕೆಲವೊಂದು ಸಂದರ್ಭದಲ್ಲಿ ರಾಹುಲ್​ ದ್ರಾವಿಡ್​ ಅವರನ್ನು ನೋಡಲು ಮಾತ್ರ ಪಂದ್ಯಗಳನ್ನು ನೋಡುತ್ತಿದೆ ಎಂದು ತಿಳಿಸಿದ್ದಾರೆ.

ರಾಹುಲ್​ ದ್ರಾವಿಡ್​​ ಅವರು ನಿವೃತ್ತಿಯಾದಾಗಿನಿಂದಲೂ ನಾನು ಕ್ರಿಕೆಟ್​​ ನೋಡುವುದನ್ನು ನಿಲ್ಲಿಸಿದ್ದೇನೆ ಎಂದಿರುವ ರಿಚಾ ಚಡ್ಡಾ, ನಾನು ಬಾಲ್ಯದ ದಿನಗಳಲ್ಲಿ ದೊಡ್ಡ ಅಭಿಮಾನಿಯಾಗಿರಲಿಲ್ಲ ಎಂದಿದ್ದಾರೆ.

ನಾನು ರಾಹುಲ್​ ದ್ರಾವಿಡ್​ ಅವರ ಆಟವನ್ನು ನೋಡಲು ಇಷ್ಟಪಡುತ್ತಿದ್ದೆ. ಆದರೆ ಅವರು ತಂಡವನ್ನು ತೊರೆದಾಗ ಕ್ರಿಕೆಟ್ ನೋಡುವುದನ್ನು ನಿಲ್ಲಿಸಿದ್ದೇನೆ ಎಂದು ತಿಳಿಸಿದ್ದಾರೆ.