ಹೊಸ ವರ್ಷದ ಆರಂಭದಲ್ಲೇ ಸಿನಿ ರಸಿಕರ ಮನರಂಜಿಸೋಕೆ ನಟ ಮಯೂರ್ ಪಟೇಲ್ ರೆಡಿಯಾಗಿದ್ದಾರೆ. ತುಂಬಾ ವರ್ಷಗಳ ನಂತ್ರ ಮಯೂರ್ ಪಟೇಲ್ ನಾಯಕನಾಗಿ ನಟಿಸಿರುವ 'ರಾಜೀವ' ಚಿತ್ರ ಹೊಸ ವರ್ಷದ ಆರಂಭದಲ್ಲೇ ಥಿಯೇಟರ್ಗೆ ಲಗ್ಗೆ ಇಡ್ತಿದೆ.
ಜನವರಿ 3 ರಂದು 'ರಾಜೀವ' ಚಿತ್ರ ಸುಮಾರು150ಕ್ಕೂ ಹೆಚ್ಚಿನ ಚಿತ್ರಮಂದಿರಗಳಲ್ಲಿ ಅದ್ಧೂರಿಯಾಗಿ ಬಿಡುಗಡೆ ಆಗ್ತಿದೆ. ಈ ಕುರಿತು ಚಿತ್ರತಂಡ ಮಾಧ್ಯಮಗೋಷ್ಟಿ ನಡೆಸಿ ಅಧಿಕೃತವಾಗಿ ಬಿಡುಗಡೆ ದಿನಾಂಕವನ್ನು ಘೋಷಿಸಿದೆ. ಚಿತ್ರತಂಡ ಈಗಾಗಲೇ ಭರ್ಜರಿಯಾಗಿ ಪ್ರಚಾರದಲ್ಲಿ ತೊಡಗಿದ್ದು, ಹೊಸ ವರ್ಷವನ್ನು ವೆಲ್ಕಮ್ ಮಾಡಿಕೊಂಡು ಸಂಭ್ರಮದಲ್ಲಿರುವ ಕನ್ನಡಿಗರನ್ನು ರಿಲ್ಯಾಕ್ಸ್ ಮೂಡ್ಗೆ ಕರೆದೊಯ್ಯಲು ಮಯೂರ್ ಬರ್ತಿದ್ದಾರೆ.
'ರಾಜೀವ' ಸಿನಿಮಾ ಅಪ್ಪಟ ದೇಶಿ ಸಿನಿಮಾವಾಗಿದ್ದು, ಐಎಎಸ್ ಓದಿದ್ರು, ಹಳ್ಳಿಯ ಜೀವನಕ್ಕೆ ಆಕರ್ಷಿತನಾಗಿ ಹಳ್ಳಿಗೆ ಬಂದು ವ್ಯವಸಾಯ ಮಾಡುವ ಮಾಡರ್ನ್ ಯುವ ರೈತನ ಪಾತ್ರದಲ್ಲಿ ಮಯೂರ್ ಪಟೇಲ್ ಕಾಣಿಸಿಕೊಂಡಿದ್ದಾರೆ.
ಈ ಚಿತ್ರವನ್ನು ಫ್ಲೈಯಿಂಗ್ ಕಿಂಗ್ ಮಂಜು ನಿರ್ದೇಶನ ಮಾಡಿದ್ದು, ರಾಜೀವ‌ನಿಗೆ ನಾಯಕಿಯಾಗಿ ಅಕ್ಷತಾ ಸಾದಸೀದಾ ಹಳ್ಳಿ ಹುಡ್ಗಿ ಪಾತ್ರದಲ್ಲಿ ಮಿಂಚಿದ್ದಾರೆ. ಇನ್ನು ಈ ಚಿತ್ರಕ್ಕೆ ಕಥೆ ಬರೆದಿರುವ ರಮೇಶ್ ನಿರ್ಮಾಣದ ಜವಾಬ್ದಾರಿಯನ್ನು ಸಹ ಹೊತ್ತಿದ್ದಾರೆ.
