ಇಂದು ‘ಲಾ’ ಕನ್ನಡ ಸಿನಿಮಾ ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆ ಆಗಬೇಕಿತ್ತು. ಆದರೆ, ಕಾರಣಾಂತರದಿಂದ ‘ಲಾ’ ಇಂದು ಬಿಡುಗಡೆ ಆಗುತ್ತಿಲ್ಲ. ಈ ಸಿನಿಮಾ ಒಟಿಟಿ ಪ್ಲಾಟ್ ಫಾರ್ಮ್ ಅಲ್ಲಿ ಬಿಡುಗಡೆ ದಿನಾಂಕ ಜುಲೈ 17 ಎಂದು ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅವರ ಫೇಸ್ಬುಕ್ ಅಲ್ಲಿ ಬರೆದುಕೊಂಡಿದ್ದಾರೆ.
‘ಲಾ’ ಚಿತ್ರದ ಬಗ್ಗೆ ಅನೇಕರು ಉತ್ಸುಕರಾಗಿದ್ದರು. ಆದರೆ, ನಿನ್ನೆ ಸಂಜೆ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಈ ಪ್ರಕಟಣೆ ಹೊರಡಿಸಿದ್ದಾರೆ.
ಜುಲೈ 17ಕ್ಕೆ ‘ಲಾ’ ಅಂದಮೇಲೆ, ಜುಲೈ 24ಕ್ಕೆ ಪಿ ಆರ್ ಕೆ ಪ್ರೊಡಕ್ಷನ್ ‘ಫ್ರೆಂಚ್ ಬಿರ್ಯಾನಿ’ ಎಂದು ಈಗಾಗಲೇ ನಿಗದಿಯಾಗಿದೆ. ಈ ಚಿತ್ರಗಳು ಬಿಡುಗಡೆಯಾದರೆ ವಾರಕ್ಕೆ ಒಂದು ಸಿನಿಮಾ ಪಿ ಆರ್ ಕೆ ಪ್ರೊಡಕ್ಷನ್ ಅಲ್ಲಿ ಬಿಡುಗಡೆ ಆದಂತೆ ಆಗುತ್ತದೆ.
‘ಲಾ’ ಕನ್ನಡ ಸಿನಿಮಾವನ್ನು ರಘು ಸಮರ್ಥ ನಿರ್ದೇಶನ ಮಾಡಿದ್ದಾರೆ. ರಾಗಿಣಿ ಪ್ರಜ್ವಲ್, ಸಿರಿ ಪ್ರಹ್ಲಾದ್, ಮುಖ್ಯಮಂತ್ರಿ ಚಂದ್ರು, ಅವಿನಾಶ್, ಅಚ್ಯುತ್ ಕುಮಾರ್, ಸುಧಾರಾಣಿ ಹಾಗೂ ಇನ್ನಿತರರು ತಾರಾ ಬಳಗದಲ್ಲಿದ್ದಾರೆ.
