ನವದೆಹಲಿ: ಅಮೆರಿಕನ್ ಗಾಯಕಿ ಲೇಡಿ ಗಾಗಾ 'ಮಾಸ್ಕ್ ಗೇಮ್' ಸವಾಲೊಂದನ್ನು ಆರಂಭಿಸಿದ್ದಾರೆ. ತನ್ನ ಕ್ರೊಮ್ಯಾಟಿಕಾ ಥೀಮ್ನ ಮಾಸ್ಕ್ ಧರಿಸಿ ಅಭಿಯಾನಕ್ಕೆ ಮುಂದಡಿಯಿಟ್ಟಿದ್ದಾಳೆ.
ಅಂದಹಾಗೆ ಗಾಗಾ ಮೊದಲು ತಾನೇ ಮಾಸ್ಕ್ ಧರಿಸುವ ಮೂಲಕ ಚಾಲೆಂಜ್ ಹಾಕಿಕೊಂಡಿದ್ದಾಳೆ. ಆಕೆಯ ಹೊಸ ಥೀಮ್ ಮಾಸ್ಕ್ ಹೊಳೆಯುವ ಕಪ್ಪು ಮತ್ತು ಗುಲಾಬಿ ಬಣ್ಣದ್ದಾಗಿದ್ದು, ಅದು ಸ್ಪೈಕ್‌ಗಳು ಮತ್ತು ತೂಗಾಡುತ್ತಿರುವ ಬೆಳ್ಳಿಯ ಸರಪಳಿ ಹೊಂದಿದೆ. ಅಲ್ಲದೆ ಈ ವರ್ಷ ತನ್ನ ಕ್ರೊಮ್ಯಾಟಿಕಾ ಥೀಮ್ನೊಂದಿಗೆ ಮಾಸ್ಕ್ ಸೇರಿಸಿಕೊಂಡು ಹೊಸ ಆಲ್ಬಂ ಅನ್ನು ಬಿಡುಗಡೆ ಮಾಡಿದ್ದಾಳೆ.
- " class="align-text-top noRightClick twitterSection" data="
">
ತನ್ನ ಕ್ರೊಮ್ಯಾಟಿಕಾ ಥೀಮ್ನ ಮಾಸ್ಕ್ನೊಂದಿಗೆ ಇನ್ಸ್ಟಾಗ್ರಾಂನಲ್ಲಿ ಸೆಲ್ಫಿ ಹಂಚಿಕೊಂಡಿದ್ದಾರೆ. "ನೀವು ನೀವಾಗಿರಿ, ಆದರೆ ಮಾಸ್ಕ್ ಧರಿಸಿ! ನಿಮಗೆ, ನಿಮ್ಮ ಸಮುದಾಯಕ್ಕೆ ಮತ್ತು ಜಗತ್ತಿಗೆ ವಿಧೇಯಳಾಗಿರುತ್ತೇನೆ ಎಂದು ನಾನು ನಂಬುತ್ತೇನೆ" ಎಂದು ಅದಕ್ಕೆ ಶೀರ್ಷಿಕೆ ನೀಡಿದ್ದಾಳೆ.
ಗಾಗಾ ತನ್ನ ಮಾಸ್ಕ್ ಗೇಮ್ಗೆ ಆಕೆಯ ಕೆಲ ಅದ್ಭುತ ಸ್ನೇಹಿತರನ್ನು ಟ್ಯಾಗ್ ಮಾಡಿದ್ದಾಳೆ. ಅದರಲ್ಲಿ ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮ, ಮಿಚೆಲ್ ಒಬಾಮ, ಓಪ್ರಾ ವಿನ್ಫ್ರೇ, ಅರಿಯಾನಾ ಗ್ರಾಂಡೆ ಮತ್ತು ಟೋನಿ ಬೆನೆಟ್ ಸೇರಿದಂತೆ ಕೆಲವರ ಹೆಸರನ್ನು ನಮೂದಿಸಿದ್ದಾಳೆ.
- " class="align-text-top noRightClick twitterSection" data="
">
ಈ ಸವಾಲನ್ನು ತ್ವರಿತವಾಗಿ ಕೈಗೆತ್ತಿಕೊಂಡ ಅಮೆರಿಕಾದ ಗಾಯಕ ಟೋನಿ ಬೆನೆಟ್, ದೊಡ್ಡ ಬಿಳಿ ಬಣ್ಣದ ಮಾಸ್ಕ್ ಧರಿಸಿದ ಸೆಲ್ಫಿಯನ್ನು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಮನೆಯಲ್ಲಿ ಮತ್ತು ಪ್ರಪಂಚದಾದ್ಯಂತ ನಮ್ಮೆಲ್ಲರ ಪ್ರೀತಿಪಾತ್ರರಿಗಾಗಿಯಾದರೂ ಮಾಸ್ಕ್ ಧರಿಸಿ. ನೀವು ಮಾಸ್ಕ್ ಏಕೆ ಧರಿಸುತ್ತೀರಿ ಎಂದು ಇತರರೊಡನೆ ಹಂಚಿಕೊಳ್ಳಿ, ಅದಕ್ಕೆ ನಾವು ನಿಮ್ಮನ್ನು ಪ್ರೋತ್ಸಾಹಿಸುತ್ತೇವೆ, ಎಂದು ಬರೆದುಕೊಂಡಿದ್ದಾರೆ ಬೆನೆಟ್.
ಕೋವಿಡ್-19 ಸಾಂಕ್ರಾಮಿಕದ ಸಮಯದಲ್ಲಿ ಗಾಗಾ ತನ್ನ ಸೋಷಿಯಲ್ ಮೀಡಿಯಾವನ್ನು ಸುರಕ್ಷತಾ ಕ್ರಮ ಅನುಸರಿಸಲು ವೇದಿಕೆಯಾಗಿ ಬಳಸಿಕೊಂಡು ಜಾಗೃತಿ ಮೂಡಿಸುವಲ್ಲಿ ಮುಂದಡಿಯಿಟ್ಟಿದ್ದಾಳೆ. ಸ್ವತಃ ಕ್ವಾರಂಟೈನ್ ಆಗುವ ಮೂಲಕ ಕೊರೊನಾ ಅರಿವು ಮೂಡಿಸುತ್ತಿದ್ದಾಳೆ.
