ಕೆಜಿಎಫ್ ಸಿನಿಮಾದ ಬಳಿಕ ನಟ ಯಶ್ ಸ್ಟಾರ್ವ್ಯಾಲ್ಯೂ ಮತ್ತೊಂದು ಹಂತಕ್ಕೆ ಹೋಗಿದ್ದರೆ, ಇತ್ತ ಚಿತ್ರವನ್ನು ಭರ್ಜರಿಯಾಗಿ ಕಟ್ಟಿಕೊಟ್ಟಿದ್ದ ನಿರ್ದೇಶಕ ಪ್ರಶಾಂತ್ ನೀಲ್ ಸಹ ಎರಡನೇ ಚಿತ್ರದಲ್ಲೇ ಸ್ಟಾರ್ ಪಟ್ಟ ಪಡೆದಿದ್ದಾರೆ.
ಸದ್ಯ ಪ್ರಶಾಂತ್ ನೀಲ್ ಜೊತೆಗೆ ಸ್ಟಾರ್ ನಟರು ನಟಿಸಲು ಉತ್ಸುಕತೆ ತೋರಿಸುತ್ತಿದ್ದಾರೆ. ಕೆಲ ದಿನಗಳ ಹಿಂದೆ ಕೆಜಿಎಫ್ ನಿರ್ದೇಶಕ ತೆಲುಗಿನ ಜ್ಯೂ.ಎನ್ಟಿಆರ್ಗೆ ನಿರ್ದೇಶನ ಮಾಡಲಿದ್ದಾರೆ, ಈ ಚಿತ್ರದ ಬಜೆಟ್ ಬರೋಬ್ಬರಿ 500 ಕೋಟಿ ಎನ್ನುವ ಸುದ್ದಿ ಹರಿದಾಡಿತ್ತು.
ಪ್ರಶಾಂತ್ ನೀಲ್ ಈಗಾಗಲೇ ಮಹೇಶ್ ಬಾಬು ಪತ್ನಿ ನಮ್ರತಾ ಶಿರೋಡ್ಕರ್ ಅವರನ್ನು ಭೇಟಿಯಾಗಿದ್ದು ಕಥೆಯನ್ನು ಹೇಳಲು ಮಹೇಶ್ ಬಾಬು ಅವರ ಸಮಯವನ್ನು ಕೇಳಿದ್ದಾರೆ ಎನ್ನಲಾಗಿದೆ. ಸದ್ಯದಲ್ಲೇ ಕಥೆಯನ್ನು ಟಾಲಿವುಡ್ ಪ್ರಿನ್ಸ್ಗೆ ಪ್ರಶಾಂತ್ ನೀಲ್ ನರೇಟ್ ಮಾಡಲಿದ್ದಾರಂತೆ.
