'ಮಹಾನಟಿ' ಸಿನಿಮಾಗಾಗಿ ರಾಷ್ಟ್ರಪ್ರಶಸ್ತಿ ಪಡೆದ ಕೀರ್ತಿ ಸುರೇಶ್ ಸದ್ಯಕ್ಕೆ 4-5 ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ಕೀರ್ತಿ ಸುರೇಶ್ ಜೊತೆ ನಿತಿನ್ ರೆಡ್ಡಿ'ರಂಗ್ ದೇ' ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. 'ರಂಗ್ ದೇ' ಸಿನಿಮಾ ಮಾರ್ಚ್ 26 ರಂದು ಬಿಡುಗಡೆಯಾಗುತ್ತಿದೆ. ಈ ಸಿನಿಮಾ ಚಿತ್ರೀಕರಣದ ವೇಳೆ ನಡೆದ ಫನ್ನಿ ವಿಡಿಯೋವೊಂದನ್ನು ಕೀರ್ತಿ ಸುರೇಶ್ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಇದನ್ನೂ ಓದಿ: ಕ್ರಿಕೆಟ್ ಆಡಿ ಅಭಿಮಾನಿಗಳನ್ನು ರಂಜಿಸಿದ ನಟ ದುನಿಯಾ ವಿಜಯ್
ಊಟದ ಸಮಯದಲ್ಲಿ ಕೀರ್ತಿ ಸುರೇಶ್ ಫ್ರೂಟ್ಸ್ ತಿಂದರೆ, ನಿತಿನ್ ಪಿಜ್ಜಾ ಆರ್ಡರ್ ಮಾಡಿದ್ದಾರೆ. ಕೀರ್ತಿ ಡಯಟ್ನಲ್ಲಿದ್ದರೆ ನಿತಿನ್ ಅವರಿಗೆ ಪಿಜ್ಜಾ ತಿನ್ನಿಸುವ ಪ್ರಯತ್ನ ಮಾಡಿದ್ದಾರೆ. ಕೀರ್ತಿ ಸುರೇಶ್ ಮಾತ್ರ ನಿತಿನ್ ಎಷ್ಟೇ ಬಲವಂತ ಮಾಡಿದರೂ ತಿನ್ನಲು ಪ್ರಯತ್ನಿಸುವುದಿಲ್ಲ. ಕೊನೆಗೆ ನಿತಿನ್, ಕೀರ್ತಿಗೆ ಪಿಜ್ಜಾ ತಿನ್ನಿಸುವುದರಲ್ಲಿ ಯಶಸ್ವಿಯಾಗುತ್ತಾರೆ. ಈ ಫನ್ನಿ ವಿಡಿಯೋ ನೋಡಿ ನೆಟಿಜನ್ಸ್ ವಿವಿಧ ಕಮೆಂಟ್ ಮಾಡಿದ್ದಾರೆ. 'ರಂಗ್ ದೇ' ಸಿನಿಮಾವನ್ನು ಸೂರ್ಯದೇವರ ನಾಗವಂಶಿ ನಿರ್ಮಿಸಿದ್ದು ವೆಂಕಿ ಅಟ್ಲುರಿ ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿಕೀರ್ತಿ ಸುರೇಶ್, ನಿತಿನ್, ನರೇಶ್, ಬ್ರಹ್ಮಾಜಿ, ಸುಹಾಸ್, ವೆನ್ನಿಲ ಕಿಶೋರ್ ಹಾಗೂ ಇನ್ನಿತರರು ನಟಿಸಿದ್ದಾರೆ. ಸಿತಾರಾ ಎಂಟರ್ಟೈನ್ಮೆಂಟ್ಸ್ ನಿರ್ಮಾಣದಲ್ಲಿ ತಯಾರಾಗುತ್ತಿರುವ ಸಿನಿಮಾ ಇದೇ ಮಾರ್ಚ್ 26 ರಂದು ಬಿಡುಗಡೆಯಾಗಲಿದೆ.
