ಮುಂಬೈ: ಬಾಲಿವುಡ್ ಲವ್ ಬರ್ಡ್ಸ್ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.
ಹಿಂದಿ ಚಿತ್ರರಂಗದ ಬ್ಯೂಟಿ ಕತ್ರಿನಾ ಕೈಫ್ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಫೋಟೋವೊಂದನ್ನು ಶೇರ್ ಮಾಡಿದ್ದು, ಅದರಲ್ಲಿ ಕತ್ರಿನಾ ಮಸ್ಟರ್ಡ್ ಬಣ್ಣದ ಶರ್ಟ್ ಧರಿಸಿರುವ ವ್ಯಕ್ತಿಯನ್ನು ತಬ್ಬಿಕೊಂಡಿದ್ದಾರೆ. ಆದರೆ, ಫೋಟೋದಲ್ಲಿ ಕೇವಲ ಕತ್ರಿನಾ ಅವರ ಮುಖ ಮಾತ್ರ ಕಾಣುತ್ತಿದ್ದು, ಅವರು ತಬ್ಬಿಕೊಂಡಿರುವ ವ್ಯಕ್ತಿಯ ಮುಖ ಕಾಣಿಸುತ್ತಿಲ್ಲ.
ಈ ಫೋಟೋವನ್ನು ಅವರ ಅಭಿಮಾನಿಗಳು ಹೆಚ್ಚಿನ ಪ್ರಮಾಣದಲ್ಲಿ ಟ್ಯಾಗ್ ಮಾಡುತ್ತಿದ್ದು, ಟ್ವಿಟರ್ನಲ್ಲಿ ಫೋಟೋ ಟ್ರೆಡಿಂಗ್ನಲ್ಲಿದೆ. ಅಲ್ಲದೇ ಅನೇಕರು ಕತ್ರಿನಾ ಅವರು ತಬ್ಬಿಕೊಂಡಿರುವ ವ್ಯಕ್ತಿ ವಿಕ್ಕಿ ಕೌಶಲ್ ಎಂದು ಕಮೆಂಟ್ ಮಾಡುತ್ತಿದ್ದಾರೆ.
ಓದಿ: ತೆಲುಗಿನಲ್ಲಿ ರಾಬರ್ಟ್ ಬಿಡುಗಡೆಗೆ ಅಡ್ಡಿ...ಎನ್.ಎಂ. ಸುರೇಶ್ ಹೇಳಿದ್ದೇನು..?
ಕತ್ರಿನಾ ಹಂಚಿಕೊಂಡಿರುವ ಫೋಟೋದಲ್ಲಿ ಅಪರಿಚಿತ ವ್ಯಕ್ತಿಯ ಶರ್ಟಿನ ಬಣ್ಣ ಹಾಗೂ ವಿಕ್ಕಿ ತನ್ನ ಇತ್ತೀಚಿನ ಇನ್ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಧರಿಸಿರುವ ಶರ್ಟ್ನ ಬಣ್ಣವನ್ನು ಹೋಲುತ್ತಿದೆ. ಹೀಗಾಗಿ ಫೋಟೋದಲ್ಲಿರುವ ವ್ಯಕ್ತಿ ವಿಕ್ಕಿ ಕೌಶಲ್ ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ.
ಆದರೆ, ಈ ವಿಚಾರವಾಗಿ ನಟಿ ಕತ್ರಿನಾ ಕೈಫ್ ಆಗಲಿ, ನಟ ವಿಕ್ಕಿ ಕೌಶಲ್ ಆಗಲಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಅಭಿಮಾನಿಗಳು ಮಾತ್ರ ಕಮೆಂಟ್ ಮಾಡುತ್ತಿದ್ದಾರೆ.
