ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಸ್ಯಾಂಡಲ್ವುಡ್ನ ಎವರ್ ಗ್ರೀನ್ ಹಿರೋ. ಆ್ಯಕ್ಟಿಂಗ್, ಡ್ಯಾನ್ಸ್, ಸಿಂಗಿಂಗ್ನಲ್ಲಿ ಅಪ್ಪುಗೆ ಅಪ್ಪುನೇ ಸರಿಸಾಟಿ. ನಟನೆ, ನಿರ್ಮಾಣದಲ್ಲಿ ಸಖತ್ ಬ್ಯುಸಿ ಇರುವ ಈ "ಯುವರತ್ನ"ನಿಗೆ ಕಾರ್ ಕ್ರೇಜ್ ಇರೋದು ಎಲ್ಲರಿಗೂ ಗೊತ್ತಿರೋ ವಿಚಾರ.
ಅಪ್ಪುಗೆ ಫ್ರೀ ಟೈಂನಲ್ಲಿ ಸುತ್ತಾಡೋದು ಅಂದ್ರೆ ಸಖತ್ ಇಷ್ಟ. ಅದರಲ್ಲೂ ಡ್ರೈವಿಂಗ್ ಮಾಡೋದು ಅಂದ್ರೇ ಇನ್ನಿಲ್ಲದ ಖುಷಿ. ಇಂದು ಸ್ನೇಹಿತರ ದಿನಾಚರಣೆಯ ಅಂಗವಾಗಿ ರಾಜಕುಮಾರ ಪ್ರೇಮಿಗಳ ಪಾಲಿಗೆ ಸ್ವರ್ಗವಾಗಿರೋ ನಂದಿಬೆಟ್ಟಕ್ಕೆ 'ಯುವರತ್ನ' ಅಂಡ್ ಟೀಂ ವಿಸಿಟ್ ಕೊಟ್ಟಿದ್ದು, ಫ್ರೆಂಡ್‌ಶಿಪ್ ಡೇ ಜೊತೆಗೆ ವೀಕ್ಎಂಡ್ನ ಪುನೀತ್ ತಮ್ಮ ಸ್ನೇಹಿತರೊಂದಿಗೆ ಜಾಲಿ ಟ್ರಿಪ್ ಮಾಡ್ತಾ, ರಮ್ಯತಾಣಗಳನ್ನು ನೋಡಿ ಎಂಜಾಯ್ ಮಾಡಿದ್ರು.
ನಂತರ ಪವರ್ ಸ್ಟಾರ್ ಅವರ ಹೊಸ ಮಿನಿ ಕೂಪರ್‌ ಕಾರಿನಲ್ಲಿ ಇಬ್ಬರು ಸ್ನೇಹಿತರೊಂದಿಗೆ ನಿಸರ್ಗದ ಸೌಂದರ್ಯವನ್ನು ಎಂಜಾಯ್ ಮಾಡುತ್ತಾ'ಯುವರತ್ನ' ಚಿತ್ರದ ಶೂಟಿಂಗ್ ಸ್ಪಾಟ್‌ಗೆ ತೆರಳಿದ್ದಾರೆ.
ಈಗಾಗಲೇ ಬೆಂಗಳೂರು, ಮಂಗಳೂರು, ಮೈಸೂರು, ಹುಬ್ಬಳ್ಳಿ-ಧಾರವಾಡ ಸೇರಿದಂತೆ ಬಹುತೇಕ ಕಡೆಗಳಲ್ಲಿ 'ಯುವರತ್ನ' ಸಿನಿಮಾದ ಶೂಟಿಂಗ್ ಮುಗಿಸಿದ್ದು, ಇದೀಗ ಚಿತ್ರತಂಡ ನಂದಿಬೆಟ್ಟಕ್ಕೆ ಲಗ್ಗೆ ಇಟ್ಟಿದೆ. 'ಯುವರತ್ನ' ಸಿನಿಮಾ ಎಜುಕೇಷನ್‌ ಸಿಸ್ಟಂನಲ್ಲಿನ ಭ್ರಷ್ಟತೆ ಕುರಿತು ಬೆಳಕು ಚೆಲ್ಲಲಿದೆಯಂತೆ. ಈ ಚಿತ್ರದಲ್ಲಿ ಪುನೀತ್ ಕಾಲೇಜ್ ಸ್ಟೂಡೆಂಟ್ ಆಗಿ ಕಾಣಿಸಿಕೊಂಡಿದ್ದಾರೆ.
