ಸಲಗ ಟ್ಯಾಟೂ ಹಾಕಿಸಿದ ಫ್ಯಾನ್​​​ಗೆ ವಿಡಿಯೋ ಕಾಲ್​ ಮಾಡಿದ ದುನಿಯಾ ವಿಜಯ್​​​!

ಉತ್ತರ ಕರ್ನಾಟಕದ ಹನುಮಂತ ಎಂಬ ದುನಿಯಾ ವಿಜಯ್​​ ಅಭಿಮಾನಿ ಕೈ ಮೇಲೆ ಸಲಗ ಸಿನಿಮಾದ ಟೈಟಲ್​ ಟ್ಯಾಟೂ ಹಾಕಿಸಿಕೊಂಡು ಅಭಿಮಾನ ಮೆರೆದಿದ್ದಾನೆ. ಈತನಿಗೆ ದುನಿಯಾ ವಿಜಯ್​​​ ವಿಡಿಯೋ ಕಾಲ್​ ಮಾಡಿ ಮಾತನಾಡಿಸಿದ್ದಾರೆ.

ದುನಿಯಾ ವಿಜಯ್​​ ಚೊಚ್ಚಲ ನಿರ್ದೇಶನದ ಸಲಗ ಸಿನಿಮಾ ಏಪ್ರಿಲ್​​ 15ರಂದು ರಿಲೀಸ್​​ ಆಗುತ್ತಿದೆ. ಈಗಗಲೇ ಸಿನಿಮಾದ ಬಗ್ಗೆ ಕ್ರೇಜ್​​ ಹೆಚ್ಚಾಗಿದ್ದು, ಎಲ್ಲಾ ಕಡೆ ಹವಾ ಸೃಷ್ಟಿಯಾಗುತ್ತಿದೆ. ಇದಕ್ಕೆ ಸಾಕ್ಷಿ ಎಂಬಂತೆ ಉತ್ತರ ಕರ್ನಾಟಕದ ಹನುಮಂತ ಎಂಬ ಅಭಿಮಾನಿ ಕೈ ಮೇಲೆ ಸಲಗ ಸಿನಿಮಾದ ಟೈಟಲ್​ ಟ್ಯಾಟೂ ಹಾಕಿಸಿಕೊಂಡು ಅಭಿಮಾನ ಮೆರೆದಿದ್ದಾನೆ. ಈತನಿಗೆ ದುನಿಯಾ ವಿಜಯ್​​​ ವಿಡಿಯೋ ಕಾಲ್​ ಮಾಡಿ ಮಾತನಾಡಿಸಿದ್ದಾರೆ.

ಈ ಹನುಮಂತ ಗೋವಾದ ಕಿರಾಣಿ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದು, ದುನಿಯಾ ವಿಜಯ್​ ಅವರ ಅಪ್ಪಟ ಅಭಿಮಾನಿಯಂತೆ. ಅಲ್ಲದೆ ವಿಜಯ್​ರಿಂದ ಸ್ಫೂರ್ತಿ ಪಡೆದು ತಮ್ಮ ತಂದೆ-ತಾಯಿಯನ್ನು ಚೆನ್ನಾಗಿ ನೋಡಿಕೊಳ್ಳುತ್ತಿದ್ದಾನಂತೆ. ಈ ಅಭಿಮಾನಕ್ಕೆ ದುನಿಯಾ ವಿಜಯ್​ ಫಿದಾ ಆಗಿ ವಿಡಿಯೋ ಕಾಲ್​​ನಲ್ಲಿ ಮಾತನಾಡಿದ್ದಾರೆ.

ನೆಚ್ಚಿನ ನಟನ ಜೊತೆ ಮಾತನಾಡುವಾಗ ಹನುವಂತು ಕಣ್ಣೀರು ಹಾಕಿ ಅಭಿಮಾನ ತೋರಿದ್ದಾನೆ. ಅಲ್ಲದೆ ಹನುಮಂತು ಅಭಿಮಾನಕ್ಕೆ ಕೃತಜ್ಞತೆ ತಿಳಿಸಿರುವ ದುನಿಯಾ ವಿಜಯ್,​​ ನಿಮ್ಮ ತಂದೆ-ತಾಯಿಯನ್ನು ಚೆನ್ನಾಗಿ ನೋಡಿಕೊ ಎಂದು ಹೇಳಿದ್ದಾರೆ.