ಬೆಂಗಳೂರು: ಕನ್ನಡ, ಹಿಂದಿ ಸಿನಿಮಾಗಳಲ್ಲಿ ತನ್ನದೇ ಛಾಪು ಮೂಡಿಸಿರುವ ನಟ ದೂದ್ ಪೇಡಾ ದಿಗಂತ್, ಸದ್ಯ ಮಾರಿಗೋಲ್ಡ್, ಗಾಳಿಪಟ 2 ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಆದರೆ ವೆಬ್ ಸಿರೀಸ್ ಮೂಲಕ ಮತ್ತೆ ಬಾಲಿವುಡ್ ಚಿತ್ರರಂಗದ ಕಡೆ ಮುಖ ಮಾಡಿದ್ದಾರೆ.
ಈ ಹಿಂದೆ ವೆಡ್ಡಿಂಗ್ ಪಲಾವ್ ಎಂಬ ಸಿನಿಮಾದಲ್ಲಿ ಲವರ್ ಬಾಯ್ ಆಗಿ ಮಿಂಚಿದ ದಿಗಂತ್, ರಾಮನಾಗಲು ಹೊರಟಿದ್ದಾರೆ. ದಿಗಂತ್ ರಾಮ್ಯುಗ್ ಎಂಬ ವೆಬ್ ಸಿರೀಸ್ಗೆ ಬಣ್ಣ ಹಚ್ಚಿ ಟೀಸರ್ನಲ್ಲಿ ರಾಮನಾಗಿ ಸಖತ್ ಆಗಿಯೇ ಅಬ್ಬರಿಸಿದ್ದಾರೆ. ಸೀತೆಯಾಗಿ ಐಶ್ವರ್ಯ ಓಜಾ ಅಭಿನಯಿಸಿದ್ದಾರೆ. ದಿಗಂತ್ ಎದುರಾಳಿಯಾಗಿ ಪೈಲ್ವಾನ್ ವಿಲನ್ ಕಬೀರ್ ಸಿಂಗ್ ದುಹಾನ್ ರಾವಣನಾಗಿ ಅಬ್ಬರಿಸಲಿದ್ದಾರೆ. ರಾಮ್ ಯುಗ್ ವೆಬ್ ಸಿರೀಸ್ ವಾಲ್ಮೀಕಿ ರಾಮಾಯಣ ಆಧಾರಿತವಾಗಿದೆ.
ಇದನ್ನು ಓದಿ:ಕೋವಿಡ್ ಬಗ್ಗೆ 'RRR' ಚಿತ್ರ ತಂಡದಿಂದ ವಿಡಿಯೋ ರಿಲೀಸ್; ಕನ್ನಡದಲ್ಲೇ ಮನವಿ ಮಾಡಿದ ಜೂ.ಎನ್ಟಿಆರ್
ಈ ಸಿರೀಸ್ನಲ್ಲಿ ತಂತ್ರಜ್ಞಾನವನ್ನು ಅದ್ಭುತವಾಗಿ ಬಳಸಿಕೊಳ್ಳಲಾಗಿದ್ದು, ರಾಮ ಸೇತುವೆ ಕಟ್ಟುವುದನ್ನು ನಿರ್ದೇಶಕ ಕುನಾಲ್ ಕೊಹ್ಲಿ ಸಖತ್ ಆಗಿ ತೋರಿಸಿದ್ದಾರೆ. ಹಿನ್ನೆಲೆ ಸಂಗೀತ, ಹಾಡುಗಳು, ಸಾಹಿತ್ಯ ಎಲ್ಲವೂ ಚೆನ್ನಾಗಿವೆ. ಅಬ್ಬಾಸ್ ಅಲಿ ಮೊಘಲ್ ಅದ್ಭುತವಾಗಿ ಕೊರಿಯೋಗ್ರಫಿ ಮಾಡಿದ್ದಾರೆ. ಕಲ್ಮೇಶ್ ಪಾಂಡೆ ಸಂಭಾಷಣೆ ಇದೆ.
