ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಕಮಲಿ ಧಾರಾವಾಹಿಗೆ ಹೆಂಗೆಳೆಯರು ಮನ ಸೋತಿದ್ದಾರೆ. ಮುಗ್ಧ ಹಳ್ಳಿ ಹುಡುಗಿ ಕಮಲಿ, ಅವಳ ಪ್ರೀತಿಗಾಗಿ ಹಂಬಲಿಸುವ ರಿಷಿ, ಏನೇ ಆಗಲಿ ಗೆಳತಿಯನ್ನು ಬಿಡಲೊಲ್ಲದ ನಿಂಗಿ. ಈ ಬಾಂಧವ್ಯವನ್ನು ಸೊಗಸಾಗಿ ಕಟ್ಟಿಕೊಟ್ಟಿರುವ ಧಾರಾವಾಹಿ ಕಮಲಿ.
ಕಮಲಿ ಧಾರಾವಾಹಿಯನ್ನು ನಿರ್ದೇಶಿಸಿದ ಅರವಿಂದ ಕೌಶಿಕ್ ಇದೀಗ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಹೌದು, ಅದಕ್ಕೆ ಕಾರಣ ಅವರು ನಿರ್ದೇಶಿಸಿದ ಈ ಕಿರುಚಿತ್ರ. ನವೆಂಬರ್ 4ರಂದು ಯೂಟ್ಯೂಬ್ನಲ್ಲಿ ಬಿಡುಗಡೆಯಾಗಿರುವ ಈ ಕಿರುಚಿತ್ರದ ಹೆಸರು ಬಿಸಿ ಬೇಳೆ ಬಾತ್.
ಇಂದಿನ ಯಾಂತ್ರಿಕ ಯುಗದಲ್ಲಿ ನಮಗೆ ಸಂಬಂಧಕ್ಕಿಂತಲೂ ಜಾಸ್ತಿ ಕೆಲಸ, ಆಫೀಸ್ ಆಗಿಬಿಟ್ಟಿದೆ. ಅವುಗಳ ಒತ್ತಡದಿಂದಾಗಿ ನಾವು ಮನೆ, ಕುಟುಂಬದ ಬಗ್ಗೆ ಗಮನ ಕೊಡುವುದೇ ಕಡಿಮೆ ಮಾಡಿದ್ದೇವೆ. ಈ ಕಥೆಯನ್ನು ಸೊಗಸಾಗಿ ಬಿಂಬಿಸುವ ಸಿನಿಮಾವೇ ಈ ಬಿಸಿ ಬೇಳೆ ಬಾತ್.
ಈ ಕಿರುಚಿತ್ರದಲ್ಲಿ ಒಬ್ಬ ನೌಕರ ರಜಾ ದಿನದಲ್ಲಿ ಹೇಗೆ ಜೀವನ ಸಾಗಿಸುತ್ತಾನೆ. ಅವನಿಗಾಗುವ ಬೇಸರ, ಮನದ ತೊಳಲಾಟಗಳನ್ನು ಈ ಕಥೆ ಬಿಚ್ಚಿಡುತ್ತದೆ. ಈ ಚಿತ್ರದಲ್ಲಿ ಕಿರುತೆರೆ ಕಲಾವಿದರುಗಳಾದ ರಾಕೇಶ್ ಮಯ್ಯ, ಸುಂದರ್, ಕುಮುಂದವಲ್ಲಿ ಅರುಣ್ ಮೂರ್ತಿ ನಟಿಸಿದ್ದಾರೆ.
- " class="align-text-top noRightClick twitterSection" data="">
