ಎ. ಹರ್ಷ ನಿರ್ದೇಶನದ, ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ನಟನೆಯ ಬಹುನಿರೀಕ್ಷೆಯ ‘ಭಜರಂಗಿ 2’ ಚಿತ್ರದ ಮೋಷನ್ ಪೋಸ್ಟರ್ ರಿಲೀಸ್ ಆಗಿದೆ. ಈ ಹಿಂದೆ ಚಿತ್ರತಂಡ ಹೇಳಿದ್ದ ಹಾಗೆ ಫೆಬ್ರವರಿ 10ರಂದು ಮೋಷನ್ ಪೋಸ್ಟರ್ ರಿಲೀಸ್ ಮಾಡಿದೆ.
ಇದೀಗ ರಿಲೀಸ್ ಆಗಿರುವ ಮೋಷನ್ ಪೋಸ್ಟರ್ ಒಂದು ಮಿನಿ ಟ್ರೈಲರ್ ರೀತಿಯೇ ಇದೆ. ನಿರ್ದೇಶಕ ಹರ್ಷ ಈ ಸಿನಿಮಾ ಮೂಲಕ ಸ್ಯಾಂಡಲ್ವುಡ್ಗೆ ಹೊಸ ಹೊಸ ಪ್ರತಿಭೆಗಳನ್ನು ಪರಿಚಯ ಮಾಡಿಸಲು ಹೊರಟಿದ್ದಾರೆ.
- " class="align-text-top noRightClick twitterSection" data="">
ಈ ಮೋಷನ್ ಪೋಸ್ಟರ್ನ ಹಿನ್ನೆಲೆ ಸಂಗೀತ ಅದ್ಭುತವಾಗಿದ್ದು, ಭಯ ಹುಟ್ಟಿಸುವ ರೀತಿ ಇದೆ. ಇನ್ನು 'ಕಿರಿಕಿ ಡೈನಸ್ಟಿ'ಯ ಪರಿಕಲ್ಪನೆಯನ್ನು ಹೇಳಿರುವ ನಿರ್ದೇಶಕರು ಆ ಸಾಮ್ರಾಜ್ಯದ ಅದ್ಭುತ ಕಲ್ಪನೆಯನ್ನು ಪೋಸ್ಟರ್ ಮೂಲಕ ತಿಳಿಸಿದ್ದಾರೆ.
ಪೋಸ್ಟರ್ ಕೊನೆಯಲ್ಲಿ ಶಿವರಾಜ್ ಕುಮಾರ್ ಕಣ್ಣುಗಳನ್ನು ತೋರಿಸಿರುವುದು ಸಖತ್ತಾಗಿ ಮೂಡಿ ಬಂದಿದೆ. ಅಲ್ಲದೆ ಸಿನಿಮಾಕ್ಕೆ ಅರ್ಜುನ್ ಜನ್ಯ ಸಂಗೀತ ಮೋಡಿ ಮಾಡುವುದಂತೂ ಡೌಟೇ ಇಲ್ಲ ಎಂಬಂತಿದೆ.
