ಆಕಾಶಕ್ಕೇರಿದ ಸಂಭಾವನೆ: ಒಂದು ದಿನಕ್ಕೆ ₹ 5 ಲಕ್ಷ ಪಡೀತಾರೆ ಈ ಹಾಸ್ಯ ನಟ!

ಕೆಲವೊಂದು ಸಾರಿ ನಾಯಕ ನಟರುಗಳಿಗಿಂತ ಕಾಮಿಡಿಯನ್​​​​​​​ಗಳಿಗೆ ಭಾರಿ ಬೇಡಿಕೆ ಇರುತ್ತದೆ. ಹಾಸ್ಯ ತಾರೆಯರು ಒಂದು ದಿನಕ್ಕೆ ಲಕ್ಷಾಂತರ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಇದೀಗ ಟಾಲಿವುಡ್​ನ ನಗೆ ನಟನ ಸಂಭಾವನೆ ಎಲ್ಲರಿಗೂ ಶಾಕ್ ನೀಡಿದೆ.

ಹಾಸ್ಯ ತಾರೆ ಬಂದ್ಲಾ ಗಣೇಶ್ ಈಗ ಸಂಭಾವನೆ ಸಲುವಾಗಿ ಸುದ್ದಿಯಲ್ಲಿದ್ದಾರೆ. ಒಂದು ದಿನಕ್ಕೆ ಇವರು ಪಡೆಯುತ್ತಿರುವ ಸಂಭಾವನೆ ಕೇಳಿ ಎಲ್ಲರೂ ಶಾಕ್ ಆಗಿದ್ದಾರೆ. ದಿನಕ್ಕೆ ₹5 ಲಕ್ಷ ಸಂಭಾವನೆ ಈ ಹಾಸ್ಯ ನಟನ ಮನೆಗೆ ಬಂದು ಬೀಳುತ್ತಿದೆಯಂತೆ. ತೆಲುಗು ಇಂಡಸ್ಟ್ರೀಯಲ್ಲಿ ಇಷ್ಟು ದೊಡ್ಡ ಮಟ್ಟದ ಸಂಭಾವನೆ ಇದುವರೆಗೆ ಯಾವ ಕಾಮಿಡಿಯನ್​​ಗೂ ಕೊಟ್ಟಿಲ್ಲವಂತೆ.

ಕೆಲ ದಿನಗಳ ಹಿಂದೆ ಅಭಿಯನಕ್ಕೆ ಗುಡ್​ ಬೈ ಹೇಳಿದ್ದ ಗಣೇಶ್​, ಜ್ಯೂ. ಎನ್​ಟಿಆರ್​ ಹಾಕಿಕೊಂಡು 'ಟೆಂಪರ್'​ ಸಿನಿಮಾ ನಿರ್ಮಾಣ ಮಾಡಿದ್ದರು. ಇದೇ ಕೊನೆ ಮತ್ತೆ ಯಾವ ಚಿತ್ರದ ನಿರ್ಮಾಣಕ್ಕೂ ಅವರು ಮುಂದಾಗಲಿಲ್ಲ. ಈ ಗ್ಯಾಪ್​ ನಡುವೆ ಕಾಂಗ್ರೆಸ್ ಪಕ್ಷ ಸೇರುವ ಮೂಲಕ ರಾಜಕೀಯಕ್ಕೂ ಕಾಲಿಟ್ಟರು. ಆದರೆ, ಅಲ್ಲಿ ಹೆಚ್ಚು ಕಾಲ ನೆಲೆ ನಿಲ್ಲದೆ, ಅತೀ ಕಡಿಮೆ ಅವಧಿಯಲ್ಲಿ ರಾಜಕೀಯದಿಂದ ವಿಮುಖಗೊಂಡರು.

ಮಹೇಶ ಬಾಬು ಅವರ 'ಸರಿಲೇರು ನೀಕೆವ್ವರು' ಚಿತ್ರದ ಮೂಲಕ ಅಭಿನಯಕ್ಕೆ ಕಮ್​ಬ್ಯಾಕ್ ಮಾಡಿರುವ ಗಣೇಶ್​, ಈ ಚಿತ್ರಕ್ಕೆ ಪರ್​ಡೇ ₹5 ಲಕ್ಷ ಹಣ ಪಡೆಯುತ್ತಿದ್ದಾರೆ. ಈ ಚಿತ್ರದ ನಿರ್ಮಾಪಕರು ಸಹ ಈ ಪರಿ ಹಣ ನೀಡುತ್ತಿರುವುದು ಸಹಜವಾಗಿ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ.